PIJARY.INFO

З 24 па 26 сакавіка ў парафіі святой Тэрэзы Авільскай у Шчучыне праходзілі велікапосныя рэкалекцыі, якія праводзіў айцец марыянін Павел Федаровіч з Барысава.

На працягу трох дзён святар разважаў падчас навукі пра веру, грэх, праблему звычак чалавека, а таксама дзяліўся асабістым сведчаннем са свайго жыцця.

У межах духоўных практыкаванняў былі і сустрэчы рэкалекцыяніста з моладдзю. У першы дзень айцец Павел разважаў разам з моладдзю на тэму “праўда пра сябе”. Падчас сустрэчы ён асабліва падкрэсліў, як важна ведаць сябе і стаяць перад сабой у праўде, каб будаваць добрыя адносіны з Богам і бліжнім. У другі дзень рэкалекцый усе разам маліліся перад Найсвяцейшым Сакрамэнтам, разважаючы пра безумоўную любоў Бога да сваіх дзяцей.

Апошні дзень рэкалекцый быў асабліва важным. Парафіяне са сваімі святарамі і рэкалекцыяністам прайшлі Крыжовым шляхам па вуліцах горада, разважаючы над падзеямі з жыцця Збаўцы праз прызму Яго Мукі. Падчас набажэнства вялікі крыж неслі па запрашэнні айца Паўла людзі з рознымі сацыяльнымі статусамі. У стацыях Крыжовага шляху вернікі стараліся ўбачыць сябе, падзеі штодзённага жыцця і знайсці дапамогу ў Евангеллі.

Можна спадзявацца, што рэкалекцыі садзейнічалі таму, каб Езус знайшоў шлях да кожнага з іх удзельнікаў.

Айцец Павел пажадаў парафіянам, каб пасля гэтых духоўных практыкаванняў яны адчулі сябе іншымі, перамененымі, напоўненымі любоўю і маглі ўбачыць Збаўцу ў кожным чалавеку, каб калісьці пачуць словы: “Прыйдзіце, благаслаўлёныя Айца Майго, прыміце ў спадчыну Валадарства, падрыхтаванае вам ад стварэння свету” (Мц 25, 34).

Пробашч айцец Андрэй Агель SP ад імя сабратоў і ўсіх парафіянаў падзякаваў айцу Паўлу за прамоўленае Божае слова, навуку і дзяленне асабістым досведам. Словы ўдзячнасці пробашч выказаў таксама святарам Шчучынскага дэканату за ўдзяленне сакрамэнту пакаяння.

ДУШПАСТЫСКІЯ АБ’ЯВЫ
НА XXIII ЗВЫЧАЙНУЮ НЯДЗЕЛЮ
(Чавусы, 11.10.2020)

1. Св. Імшы на гэтым тыдні:
Аўторак – Пятніца а 10:00 гадз.
Серада – таксама а 18:00 гадз.
У нядзелю св. Імша – 9:30 (Чавусы)

2. Перад св. Імшой ёсць магчымасць прыступіць да сакрамэнту споведзі

3. У сераду – 14 кастрычніка – перад св. Імшамі (раніцай і ўвечары) адбудзецца набажэнства да Маці Божай Нястомнай Дапамогі

4. Ружанцовыя набажэнствы ў нашай парафіі кожны будні дзень пасля св. Імшы, ў нядзелю перад св. Імшой (а 9:00 гадз.) Заахвочваем таксама маліцца на ружанцы штодня ў сваіх дамах

5. Ахвяры, якія ў наступную нядзелю будуць збірацца падчас св. Імшы, будуць прызначаны на курыю дыяцэзіяльную

6. На століку знаходзяцца падрыхтаваныя карткі паперу на выпамінкі, на якіх трэба напісаць імёны і прозвішчы памерлых і гатовы спіс можна ўжо прыносіць у сакрыстыю

7. Вялікі дзякуй усім за прысутнасць і за Вашы ахвяраванні. Таксама дзякуем усім, хто на гэтым тыдні дапамагаў прыбраць у Касцёле і каля яго. Вялікі дзякуй за паслугу спеву

9. З душпастырскімі аб’явамі можна зазнаёміцца на інтэрнэт-старонцы www.pijary.info, або прачытаць на дошцы аб’яваў, выходзячы з Касцёла

Добрай нядзелі!