“Канікулы з Богам” у Шчучыне вачыма моладзі з Мастоў

Моладзь парафіі ў Мастах сёлета па запрашэнні айцоў піяраў патрапіла на “канікулы з Богам” у Шчучын. Пра гэта распавялі самі ўдзельнікі.

Лета – гэта тая пара, калі чалавек можа прысвяціць больш свайго асабістага часу на праслаўленне Пана. Прыехаўшы ў Шчучын, мы сталі сведкамі таго, як Пан Бог яднае розных людзей — і маленькіх, і крыху старэйшых, і дарослых.

Kрамяніца: малітва за кс. Станіслава Петраша ў 25-годдзе яго смерці

29 чэрвеня ў парафіі Божага Цела ў Крамяніцы (Ваўкавыскі дэканат) адбылася святая Імша ў інтэнцыі памерлага былога пробашча кс. Станіслава Петраша (піяра) з нагоды 25-й гадавіны пасля смерці.

Эўхарыстыя, якую ўзначаліў дапаможны біскуп Гродзенскай дыяцэзіі Юзаф Станеўскі, стала нагодай для ўсёй парафіяльнай супольнасці падзякаваць Богу за святарскае служэнне і за духоўную апеку былога душпастыра. Таксама гэта была нагода да малітвы аб новых пакліканнях да святарства і манаскага жыцця.

Паводле grodnensis.by

Айцы піяры правялі рэкалекцыі для юнакоў

З 1 па 5 жніўня aдбыліся пяцідзённыя рэкалекцыі для юнакоў ва ўзросце ад 14 гадоў. Рэкалекцыі былі арганізаваны айцамі піярамі. У іх удзельнічалі хлопцы з Ліды і Шчучына.

Духоўныя практыкаванні прайшлі пад назвай “Даверыцца Езусу!”. Падчас рэкалекцый была супольная малітва, штодзённае разважанне над Святым Пісаннем, тэматычныя сустрэчы, размовы са святаром. Эўхарыстыя была цэнтрам дня. Да яе падрыхтоўвалі сустрэчы са Словам Божым сам-насам.

Праводзіў духоўныя практыкаванні а. Аляксандр Махнач SP, піярскі душпастыр пакліканняў у Беларусі. На рэкалекцыях панавала атмасфера малітвы, цішыні і супольнай рэкрэацыі. Ёй спрыялі сяброўскія адносіны паміж удзельнікамі.

Паводле grodnensis.by

Рэха роварнай пілігрымкі Шчучын-Тракелі 2019

160 кіламетраў дарогі пераадолелі ўдзельнікі роварнай пілігрымкі Шчучын-Тракелі, якая завяршылася 13 ліпеня бягучага года ў дыяцэзіяльным санктуарыі Маці Божай Каралевы сем’яў.

Падзяка а. Андрэю Агелю

18 жніўня ў парафіі Унебаўзяцця НПМ адбылася св. Імша, падчас якой парафіяльная супольнасць развіталася з пробашчам парафіі а. Андрэем Агелем SP. Словы падзякі скіравалі дэкан Лідскага дэканата кс. Андрэй Роўба CRL, а. Вітольд Пяцельчыц SP, рэктар піярскай супольнасці ў Беларусі, парафіяне, выхавацелі і настаўнікі, а таксама моладзь.

Калі б хтосьці выпадкова трапіў на гэтую св. Імшу, змог бы ў словах падзякі прасачыць гісторыю станаўлення парафіі, бо дзякуючы намаганням а. Андрэя Агеля SP, які прысвяціў служэнню ў парафі 18 гадоў, парафіяне могуць цешыцца са свайго ўласнага касцёла, званіцы і аргана. Але не толькі матэрыяльны дабрабыт парафіі – заслуга а. Андрэя Агеля SP. Арганізацыя канікул з Богам, удзел у міжнародных спатканнях піярскай моладзі і Парафіядзе, душпастырства настаўнікаў і выхавацелеў… — усё гэта было магчыма дзякуючы а. Андрэю Агелю SP.

Няхай Бог узнагородзіць а. Андрэя Агеля SP за сваё адданае служэнне ў лідскай парафіі, а таксама благаславіць яго святарскую дарогу ў новай парафіі.

 

Беларусы ўдзельнічалі ў Міжнароднай сустрэчы піярскай моладзі ў Славакіі

10.07.2019 12:01   Тэкст: Аляксандр Снапко / Catholic.by

 

 

5 краін, 7 дзён, 124 удзельнікі і 31 валанцёр — асноўныя лічбы Міжнароднай сустрэчы піярскай моладзі (Piarist Youth Meeting 2019), якая адбывалася з 1 па 7 ліпеня ў г. Нітра (Славакія). Апроч моладзі з Венгрыі, Польшчы, Славакіі і Чэхіі, сярод удзельнікаў была група з Ліды разам з а. Андрэем Агелем SP.

Мэтай штогадовых Міжнародных сустрэч піярскай моладзі з’яўляецца ўмацаванне адносін і супрацоўніцтва паміж моладдзю з піярскіх школ і парафій у Цэнтральнай і Усходняй Еўропе.

У межах сёлетняга мерапрыемства кожны дзень адбываліся сустрэчы ў міжнародных групах, якія загадзя былі сфарміраваныя арганізатарамі так, каб кожная група была максімальна шматнацыянальнай.

Імша для выпускнікоў адбылася ў Шчучыне

Ужо сталася добрай традыцыяй, што моладзь, пасля школьных экзаменаў, перад выпускным вечарам, наведвае парафіяльную святыню, каб дзякаваць Богу за час навучання, за ўсіх, хто на працягу адзінаццаці гадоў дапамагаў узрастаць духоўна і інтэлектуальна, а таксама прасіць Святога Духа аб дапамозе на далейшым ужо самастойным шляху.

На св. Імшы за выпускнікоў таксама прысутнічалі бацькі і настаўнікі сваіх выхаванцаў. У невялічкім казанні моладзь мела магчымасць пачуць словы заахвоты трымацца ў дарослым жыцці Езуса, як свайго сябра і з Ім будаваць сваё жыццё.

Паводле grodnensis.by

Thanx: Goutu