Сакрамэнт канфірмацыі прынялі вернікі ў санктуарыі Маці Божай Фацімскай у Шчучыне

13 мая, ва ўспамін Найсвяцейшай Панны Марыі з Фацімы, у санктуарыі Маці Божай Фацімскай у Шчучыне дапаможны біскуп Гродзенскай дыяцэзіі Юзаф Станеўскі ўдзяліў 64 вернікам сакрамэнт канфірмацыі.

Да прыняцця сакрамэнту хрысціянскай сталасці кандыдаты рыхтаваліся два гады, удзельнічаючы ў катэхетычных занятках, набажэнствах, разнастайных рэкалекцыях.

Падчас Імшы біскуп нагадаў пра абавязкі “дарослых хрысціян” – клапаціцца пра Хрыстовы Касцёл, памятаць пра сваю духоўную святыню.

Пасля Эўхарыстыі адбылося набажэнства ў гонар Маці Божай Фацімскай у гадавіну Яе аб’яўленняў.

На заканчэнне маладыя вернікі падзякавалі біскупу Юзафу Станеўскаму за ўдзелены сакрамэнт канфірмацыі, а таксама выказалі падзяку святарам, якія дапамагалі ім падрыхтавацца да гэтай урачыстасці.

А. Віталій Слука SP, (AG)  http://catholic.by

Фотарэпартаж

Написать ответ

Вы должны войти для возможности оставлять коментарии

Thanx: Mirnews