Верасень 22nd, 2012 
admin Вяночак Дванаццаці Зорак
на ўшанаванне Найсвяцейшай Панны Марыі, складзены св. Юзафам дэ Каласансам
Праслаўляем, Цябе, о Найсвяцейшая Тройца, і дзякуем Табе, бо Ты паказала нам Панну Марыю, апранутую ў сонца, з месяцам пад нагамі і вянком з дванаццаці зорак на Яе галаве.
Усе: На векі вечныя. Амэн.
Праслаўляем Цябе, Божа, Ойча Усемагутны, і дзякуем Табе, бо Ты абраў Марыю за сваю Дачку.
Усе: Амэн. Ойча наш…
Няхай будзе праслаўлены Бог Айцец, які прызначыў Ёй быць Маці Божага Сына.
Усе: Амэн. Вітай, Марыя…
Няхай будзе праслаўлены Бог Айцец, які захаваў Яе ад усялякага граху пры Яе беззаганным пачацці.
Усе: Амэн. Вітай, Марыя…
Няхай будзе праслаўлены Бог Айцец, які ўпрыгожыў Яе ўсялякімі цнотамі пры Яе нараджэнні.
Усе: : Амэн. Вітай, Марыя…
Няхай будзе праслаўлены Бог Айцец, які даў Ёй за мужа і абранніка найчысцейшага св. Юзафа.
Усе: Амэн. Вітай, Марыя… Хвала Айцу…
Праслаўляем Цябе, Сыне Божы, і дзякуем Табе, бо Ты абраў Марыю за сваю Маці.
Усе: Амэн. Ойча наш…
Няхай будзе праслаўлены Сын Божы, які ўцелавіўся ў Яе дзявічым улонні і ўзрастаў у ім дзевяць месяцаў.
Усе: Амэн. Вітай, Марыя…
Няхай будзе праслаўлены Сын Божы, які нарадзіўся з Яе і ўчыніў, што Яна карміла Яго сваімі грудзьмі.
Усе: Амэн. Вітай, Марыя…
Няхай будзе праслаўлены Сын Божы, які пажадаў, каб Яна выхоўвала Яго.
Усе: Амэн. Вітай, Марыя…
Няхай будзе праслаўлены Сын Божы, які аб’явіў Ёй таямніцу адкуплення свету.
Усе: Амэн. Вітай, Марыя… Хвала Айцу…
Праслаўляем Цябе, Дух Святы, і дзякуем Табе, бо Ты ўчыніў Марыю своёю Абранніцаю.
Усе: Амэн. Ойча наш…
Няхай будзе праслаўлены Дух Святы, які Ёй першай аб’явіў сваё імя.
Усе: Амэн. Вітай, Марыя…
Няхай будзе праслаўлены Дух Святы, які ўчыніў, што Марыя была адначасова Дзявіцай і Маці.
Усе: Амэн. Вітай, Марыя…
Няхай будзе праслаўлены Дух Святы, які ўчыніў Яе жывою святыняю Найсвяцейшай Тройцы.
Усе: Амэн. Вітай, Марыя…
Няхай будзе праслаўлены Дух Святы, які ўзвысіў Яе над усімі стварэннямі.
Усе: Амэн. Вітай, Марыя… Хвала Айцу…
Молімся за святы Касцёл, аб еднасці хрысціянаў, аб спакоі і справядлівасці на свеце, а таксама аб навяртанні грэшнікаў:
Вітай, Каралева, Маці Міласэрнасці, жыццё, асалода і надзея наша, вітай! Да Цябе звяртаемся мы, выгнаннікі, сыны Евы, да Цябе
ўздыхаем, стогнучы і плачучы ў гэтай даліне пакутаў. Звярні на нас, Заступніца наша, Твае міласэрныя вочы, і Езуса, благаславёны
плод улоння Твайго, з’яві нам пасля выгнання гэтага. О ласкавая, о літасцівая, о салодкая Панна Марыя!
Опубликовано в 
