Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ХXІV Звычайную Нядзелю /А/
13.09.2026 г.
- Сёння ў нашай парафіі Фацімскі дзень. А 15.15 – распачнецца супольны ружанец з просьбамі і падзякамі праз заступніцтва Маці Божай Фацімскай. Пасля св. Імшы а 16.00 гадз. адбудзецца Фацімскае набажэнства і Марыйная працэсія на прыкасцёльнай тэрыторыі.
- 14 верасня (пн) – Свята Узвышэння Святога Кры́жа. У гэты дзень Папа Леў XIV адзначыць свой 71-ы Дзень нараджэння. Памятайма ў сваіх малітвах пра Святога Айца.
- 15 верасня (ат) – Успамін НПМ Балеснай.
- 16 верасня (ср) – Успамін св. Карнэ́лія, папы, і Кіпрыя́на, біскупа, мучанікаў.
- 17 верасня (чц) – У Ордэне піяраў успамін бл. Антонія Шварца, заснавальніка Кангрэгацыі Каласанці́наў. У гэты дзень Папа Леў XIV (чатырнáццаты) адзначыць сваé імяніны з нагоды ўспаміну святога Рóбэрта Бэлярмі́на, біскупа і дК. Памятайма ў сваіх малітвах пра пантыфіка.
- 18 верасня (пт) – Успамін св. Стані́слава Косткі, законніка.
- 19 верасня (сб) – У Каласансаўскай сям’і ўспамін Благаслаўлёных сясцёр піярак, мучаніц грамадзянскай вайны ў Іспаніі. Праз іх заступніцтва будзем маліцца аб вернасці і мужнасці ў абвяшчэнні Валадарства Божай Любові.
- У наступную нядзелю 20 верасня, збор ахвяраванняў падчас св. Імшаў прызначаны на патрэбы Гродзенскай дыяцэзіі.
- У нашай парафіі ўжо распачалáся катэхеза (урокі рэлігіі). Хто са школьнікаў яшчэ па нейкіх прычынах не запісаўся, калі ласка, трэба прыйсці ў сакрыстыю і даведацца, а якой гадзіне прыходзіць на ўрок. Запісваем яшчэ хлапчукоў (пасля першай св. Камуніі) у кандыдаты ў міністранты. Зацікаўленых просім пасля св. Імшы звяртацца да бр. Віктара ў сакрыстыі.
- З 18 верасня (пт) у сакрыстыі перад і пасля св. Імшы будзем запісваць інтэнцыі св. Імшаў на наступны2027 г.
- Заахвочваем прыносіць кветкі, каб упрыгожваць наш касцёл. На гэтым тыдні кветкі прыносім у сакрыстыю ў пятніцу перад св. Імшамі раніцай ці ўвечары.
- Выходзячы з касцёла заахвочваем набываць каталіцкую прэсу. Ёсць новы нумар газеты Гродзенскай дыяцэзіі “Слова Жыцця”.
- Вялікі дзякуй усім за прысутнасць, супольную малітву і за ўсе Вашы ахвяраванні. Жадаем Вам шчаслівага новага тыдня!