ДУШПАСТЫРСКІЯ АБ’ЯВЫ
на ХIII Звычайную Нядзелю /A/
28.06.2026г.
На гэтым тыдні:
- 29 чэрвеня (пн) – Урачыстасць святых Пятра і Паўла, Апосталаў. Гэта ўрачыстасць абавязковая, таму кожны католік павінен устрымацца ад выканання неабавязковай працы і ўдзельнічаць у св. Імшы. Св. Імшы ў нашым касцёле будуць а 9:00 і ў 18:30. Ахвяраванні складзеныя на тацу ў гэты дзень, будуць прызначаны на патрэбы Апостальскай Сталіцы.
- 30 чэрвеня (ат) – заканчэнне чэрвеньскага набажэнства.
- 1 ліпеня (ср) – у 18:30, адбудзецца складковая св. Імша аб здароўе і патрэбныя ласкі праз заступніцтва МБ Нястомнай Дапамогі.
- 2 ліпеня (чц) – першы чацвер месяца. На св. Імшы ў 18:30 будзем маліцца аб святарскія, манаскія і місійныя пакліканні.
- 3 ліпеня (пт) – свята св. Тамаша, Апостала. У нашай дзяржаве ў гэты дзень адзначаецца Дзень Незалежнасці. Гэта таксама першая пятніца месяца. Першапятнічная споведзь будзе перад св. Імшамі раніцай і ўвечары, а набажэнства ў гонар Найсвяцейшага Сэрца Пана Езуса адбудзецца пасля вячэрняй св. Імшы.
- 4 ліпеня (сб) – першая субота месяца. Св. Імша складковая за памерлых адбудзецца а 9:00. Набажэнства ў гонар Беззаганнага Сэрца НПМ будзе пасля вячэрняй св. Імшы. Таксама ў суботу запрашаем усіх жадаючых на Адарацыю Найсвяцейшага Сакрамэнту, якая распачнецца прыкладна ў 19:15.
- 5 ліпеня – першая нядзеля месяца. Падчас св. Імшы а 10:00 будзе магчымасць асвяціць ваду. Пасля св. Імшы а 10:00 адбудзецца выстаўленне Найсвяцейшага Сакрамэнту і змена ружанцóвых таямніцаў. Інтэнцыя на месяц ліпень: малітва за біскупа Уладзіміра і ўсіх святароў, каб Дух Святы умацаваў іх дарам адзінства ў служэнні вернікам – на карысць усёй нашай дыяцэзіі.
Іншыя аб’явы:
- 3 і 4 ліпеня у Нацыянальным санктуарыі ў Будславе пройдзе штогадовы Будслаўскі фэст.
- У гэтым годзе парафія Ліда Фара далучылася да фестывалю акадэмічнай арганнай музыкі ARS MAGNA ORGANI, дзякуючы якому на працягу амаль усяго лета ў фарным касцёле будуць адбывацца арганныя канцэрты. Чарговы канцэрт арганнай музыкі адбудзецца 4 ліпеня (субота) у 16:00 – выступае народны артыст Беларусі, прафесар Ігар Алоўнікаў (Мінск). Кс. Віталій Сідорка, пробашч фарнай парафіі, усіх сардэчна запрашае.
- Ёсць новы нумар газеты “Слова Жыцця”.
- Шчыра дзякуем за супольную малітву і ахвяраванні, і ўсім жадаем добрага новага тыдня!
- На мінулым тыдні з нашай парафіяльнай супольнасці адышлі ў вечнасць святой памяці Ждановіч Галіна, Кавальчук Іван і Ібрагімаў Сяргей. Wieczny odpoczynek racz im dać Panie…