ДУШПАСТЫРСКІЯ АБ’ЯВЫ
на ІIІ Велікодную Нядзелю /A/
19.04.2026г.
- Ахвяраванні складзеныя сёння на тацу будуць прызначаны на патрэбы Гродзенскай Дыяцэзіі.
- Сёння, пасля вячэрняй св. Імшы, адбудзецца фармацыйная сустрэча для педагогаў.
На гэтым тыдні:
- 21 красавіка (ат) – прыпадае 1-я гадавіна смерці Папы Францішка.
- 23 красавіка (чц) – успамін св. Юрыя, мучаніка.
- 24 красавіка (пт) – успамін св. Вóйцеха, біскупа і мучаніка.
- 25 красавіка (сб) – свята св. Марка, Евангеліста.
- 26 красавіка (нд) – 40-я гадавіна нуклеарнага выбуху ў Чарнобылі. Памятайма ў гэты дзень у сваіх малітвах пра ахвяры той трагедыі і аб аддаленні ад чалавецтва ўсялякай небяспекі.
- У наступную нядзелю – 26 красавіка – будзем перажываць Нядзелю Добрага Пастыра і распачнём Тыдзень малітваў аб пакліканнях да службы Божай у Касцёле.
- Таксама ў наступную нядзелю ў нашу святыню будуць унесены рэліквіі благаслаўлёных сясцёр назарэтанак, мучаніц з Навагрудку. Запрашаем перажыць гэтую падзею разам. Урачыстае ўнясенне ў касцёл распачнецца ў 9:30.
Іншыя аб’явы:
- Ёсць новы нумар газеты “Слова Жыцця”.
- Да канца красавіка трывае збор ахвяраванняў на далейшы рамонт цаглянага муру вакол касцёла. Ахвяраванні на неабходныя матэрыялы можна складаць у сакрыстыі.
- Дзякуем ўсім за супольную малітву і жадаем добрага новага тыдня.