Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ІV Нядзелю Адвэнту /А/
21.12.2025 г.
- Сёння 21 снежня (нд) – ІV Нядзеля Адвэнту. Напачатку св. Імшы а 14.00 скаўты перадуць у нашу святыню “Бэтлеемскае святло міру”. Таму, пасля кожнай св. Імшы да 24 снежня (уключна) можна будзе ўзяць Бэтлеемскі агонь у свае дамы на вігілійны стол. Для гэтага трэба прынесці лампадку, або набыць яе ў сакрыстыі, каб данесці агонь да дому.
- 22 снежня (пн) а 19.00 – адбудуцца апошнія Рараты для дзяцей.
- 24 снежня (ср) – Вігілія Божага Нараджэння. Св. Імша ў гэты дзень будзе толькі раніцай а 10.00 як апошняя Раратняя для ўсіх вернікаў. Вечарам а 19.00 св. Імшы не будзе, таму што збіраемся ў нашых сем’ях на вігілію (куццю). Памятайма пра рэлігійны характар вігілійнай вячэры ў нашых сем’ях. Глыбокае перажыванне гэтага вечара яднае нашы сем’і і застаецца найлепшым успамінам на ўсё жыццё. З даўніх часоў у Касцёле на нашай зямлі існýе традыцыя захоўвання посту 24 снежня. Таму, стравы на вігілійным стале павінны быць поснымі. Недапушчальны алкаголь.
- 25 снежня (чц) – Урачыстасць Божага Нараджэння. Святыя Імшы ў нашым касцёле адбудуцца: апоўначы (пастэрка),
на якую ўсіх сардэчна запрашаем. Св. Імшы ў дзень: а 10.00 і а 14.00. На св. Імшу а 14.00 асабліва запрашаем дзяцей і моладзь. У Руткевічах св. Імша будзе а 11.30, у Барташах а 12.30.
- З 25 снежня па 1 студзеня – Актава Божага Нараджэння. Гэта значыць, што 8-м дзён у літургіі Касцёла будзем святкаваць як адзін святочны дзень, які адлюстроўвае таямніцу Богаўцелаўлéння. Заахвочваем да ўдзелу ў штодзённых св. Імшах падчас каляднай актавы.
- 26 снежня (пт) – Свята св. Стэфана, дыякана і мучаніка. Пасля кожнай св. Імшы адбудзецца абрад благаслаўлення аўса. Святыя Імшы ў гэты дзень будуць а 10.00 і а 19.00.У гэты дзеньне абавязвае пост ад мясных страў.
- (сб) – Свята св. Яна Апостала і Евангеліста. Пасля кожнай св. Імшы адбудзецца абрад благаслаўлення віна. Віно павінна быць вінаградным і якасным.
- 28 снежня (нд) – Свята Святой Сям’і: Езуса, Марыі і Юзафа. Асаблівым чынам будзем маліцца за хрысціянскія сем’і.
- Каляда ў нашай парафіі распачнецца 29 снежня (пн). Запісваем у сакрыстыі да 24 снежня (уключна). Першая частка каляды будзе пададзена ў наступную нядзелю: 28 снежня.
Нагадваем, што ў гэтым годзе адведванне сем’яў з душпастырскім візітам адбудзецца ў Шчучыне на наступных вуліцах: Леніна, Зялёная, Кастрычніцкая, Піянерская, Заслонава, Мічурына, Гагарына, Садовая, Калгасная, Арджанікідзэ, Куйбышава. Калі будзем паспяваць з калядой, то аб’явім пазней іншыя вуліцы з прыватнага сектара.
Святары і дыякан будуць хадзіць выключна паводле запісу.Трэба запісацца індывідуальна ў сакрыстыі, або прынесці спіскі з вуліц (прыватны сектар) або з дамоў (ці з пад’ездаў).
- У сакрыстыі можна набываць аплаткі на вігілійную вячэру, календары на наступны год, а таксама “Калядныя свечкі” ад “Карытас” Гродзенскай дыяцэзіі. Дзякуем усім тым, хто кожны год далучаецца да гэтай дабрачыннай акцыі і заахвочваем набываць“Калядныя свечкі”.
- Для прыняцця святара з душпастырскім візітам трэба падрыхтаваць столік, на які ставім крыж, дзве або адну свечку, асвячаную ваду і Біблію.
- Ёсць святочны нумар газеты “Слова Жыцця”. Заахвочваем набываць і чытаць каталіцкую прэсу.
- З душпастырскімі аб’явамі можна азнаёміцца на дошцы аб’яў або на інтэрнэт-старонцы: www.pijary.infо
- Усім вялікі дзякуй за Вашу прысутнасць, супольную малітву і ахвяраванні. Няхай добры Бог благаслаўляе ўсіх нас на падрыхтоўку і перажыванне Урачыстасці Божага Нараджэння.