Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ІII Нядзелю Адвэнту /А/
14.12.2025 г.
- Сёння 14 снежня – IІІ-я Нядзеля Адвэнту (GAUDETE). Ахвяраванні складзеныя сёння на тацу, прызначаны на патрэбы нашай Гродзенскай дыяцэзіі. Пасля св. Імшаў а 11.30 і 14.00 перад алтаром адбудзецца благаслаўленне матуль, якія чакаюць нараджэння дзіцяці.
Сёння ў нашым касцёле госці: с. Кацярына – назарэтанка з памочніцамі, якія распаўсюджваюць розныя прыгожыя рэчы, сувеніры звязаныя з Божым Нараджэннем, якія сёстры зрабілі ўласнымі рукамі. Сабраныя ахвяраванні, сёстры, прызначаць на рэканструкцыю свайго кляштара ў Навагрудку. Сёстры, будуць маліцца аб шчодрым Божым благаслаўленні для ўсіх ахвярадаўцаў.
- Трывае Адвэнт. Рараты ў нашым касцёле адбываюцца штодзённа (апроч нядзелі).
Рараты для дарослых (ат, чц, сб) а 10.00.
Рараты для дзяцей і моладзі (пн, ср, пт ) а 19.00.
На Рараты прыносім свечкі, а дзеці – ліхтарыкі.
- 16 снежня (ат) распачнем Навэнну да Дзіцяткі Езуса.
- 17 снежня (ср) –у Касцёле распачнецца другая частка Адвэнту – час непасрэднай падрыхтоўкі да ўрачыстасці Божага Нараджэння.
- (пт) –У нашай парафіі адбудзецца Дзень духоўнай падрыхтоўкі і споведзі перад Урачыстасцю Божага Нараджэння. Духоўна падрыхтавацца да святаў дапаможа нам а.Анджэй Ядкоўскі, рэдэмптарыст, пробашч парафіі Найсвяцейшага Адкупіцеля ў Гродне (м-н Дзевятоўка).
Святары будуць спавядаць:
з 9.00 да 12.30
з 14.00 да 17.30
з 18.00–20.00
Парадак св. Імшаў у дзень споведзі:
10.00; 11.30; 15.00; 19.00 – св. Імшы з навукай для ўсіх вернікаў.
16.30 – Рараты для дзяцей з навукай.
- Парадак адведвання хворых на гэтым тыдні:
15 снежня (пн) – частка горада ад аўтастанцыі да возера.
17 снежня (ср) – частка горада ад касцёла да масласырзавода. Хворых будзем адведваць адпаведна з тым, як каму зручна.
- 21 снежня – IV-я Нядзеля Адвэнту – У гэты дзень напачатку св. Імшы а 14.00 скаўты перадуць у нашу святыню “Бэтлеемскае святло міру”. Таму, пасля кожнай св. Імшы да 24 снежня (уключна) можна будзе ўзяць Бэтлеемскі агонь у свае дамы на вігілійны стол.
- У сакрыстыі можна набываць аплаткі на вігілійны стол, календары на наступны год, газету “Слова Жыцця” з каляровым укладышам-каляндаром на 2026 г., а таксама “Калядныя свечкі” ад “Карытас” Гродзенскай дыяцэзіі. Сабраныя сродкі ад продажу свечак будуць прызначаны на дапамогу дзецям, якія знаходзяцца ў патрэбе, асабліва перад святамі. Дзякуем усім тым, хто кожны год далучаецца да гэтай дабрачыннай акцыі і заахвочваем набываць“Калядныя свечкі”.
- Да 24 снежня (уключна) у сакрыстыі запісваем на душпастырскае наведванне сем’яў (на каляду). Каляда ў нашай парафіі распачнецца 29 снежня (пн).
- У гэтым годзе адведванне сем’яў з душпастырскім візітам адбудзецца ў Шчучыне на наступных вуліцах:
Леніна, Зялёная, Кастрычніцкая, Піянерская, Заслонава, Мічурына, Гагарына, Садовая, Калгасная, Арджанікідзэ, Куйбышава.
Святары і дыякан будуць хадзіць паводле запісу.Трэба запісацца індывідуальна ў сакрыстыі, або прынесці спіскі з вуліц (прыватны сектар) або з дамоў (ці з пад’ездаў).
- У капліцы пад абразом Езуса Міласэрнага знаходзіцца стажытная, драўляная фігура св. Францішка Асізскага з Будслаўскага касцёла, якая патрабуе прафесійнай рэстаўрацыі. Кс. пробашч з Будслава звярнуўся з просьбай да нашай парафіі, на колькі зможам, каб сваімі ахвяраваннямі прычыніцца да аднаўлення гэтай фігуры. Перад алтаром з фігурай знаходзіцца скарбонка, у якую можна складаць свае дабраахвотныя ахвяраванні на рэстаўрацыю фігуры св. Францішка, просячы МБ Будслаўскую аб патрэбных ласках. Няхай гэтая добрая справа будзе нашай сумеснай адвэнтавай пастановай і дапамогай для Нацыянальнага Санктуарыя Маці Божай у Будславе. Вялікі дзякуй тым, хто ўжо склаў свае ахвяраванні.
- З душпастырскімі аб’явамі можна азнаёміцца на дошцы аб’яў або на інтэрнэт-старонцы: www.pijary.infо
- Усім вялікі дзякуй за Вашу прысутнасць, супольную малітву і ахвяраванні. Няхай добры Бог благаслаўляе нас на перажыванне Трэцяга тыдня Адвэнту.