Рымска – каталіцкая парафія
імя Унебаўзяцця НПМ у г. Ліда
ДУШПАСТЫРСКІЯ АБ’ЯВЫ
на ХXXI Звычайную Нядзелю /С/
02.11.2025г.
- Сёння першая нядзеля месяца (адарацыйная). Падчас св. Імшы а 10:00 будзе магчымасць асвяціць ваду. Пасля св. Імшы а 10:00 адбудзецца выстаўленне Найсвяцейшага Сакрамэнту і змена ружанцóвых таямніцаў. Інтэнцыя на месяц лістапад: малітва аб добрай падрыхтоўцы і плённым перажыванні святых місій у нашай парафіі.
- Ружанцовая малітва за памерлых (выпамінкі) сёння а 17:00 гадзіне.
На гэтым тыдні:
- 4 лістапада (ат) – успамін св. Кáраля Барамея, біскупа.
- 6 лістапада (чц) – дыяцэзіяльны дзень малітвы за спачылае духавенства. Гэта таксама першы чацвер месяца. На св. Імшы а 9:00 будзем маліцца аб святарскія, манаскія і місійныя пакліканні.
- 7 лістапада (пт) – першая пятніца месяца. Набажэнства ў гонар Найсвяцейшага Сэрца Пана Езуса адбудзецца пасля вячэрняй св. Імшы. Першапятнічная споведзь будзе перад святымі Імшамі. Таксама 7 лістапада распачнем 1-ы дзень навэнны перад Урачыстасцю НПМ Вастрабрамскай, Маці Міласэрнасці, галоўнай апякункі Гродзенскай дыяцэзіі.
- 8 лістапада (сб) – запрашаем на Адарацыю Найсвяцейшага Сакрамэнту, якая распачнецца прыкладна ў 19:15.
- У наступную нядзелю ахвяраванні складзеныя на тацу, згодна з распараджэннем кс. Біскупа, будуць прызнáчаны на будову новых касцёлаў у нашай дыяцэзіі.
- Бліжэйшая складковая св. Імша аб здароўе праз заступніцтва Маці Божай, Нястомнай Дапамогі, адбудзецца 12 лістапада (ср) у 18:30.
- Касцёл трывае ў Актаве ўспаміну ўсіх памерлых вернікаў. Выпамíнкавая малітва за памерлых на гэтым тыдні – з 3 па 7 лістапада – будзе выглядаць наступным чынам: Ружанец у 17:45 і св. Імша за ўсіх памерлых у 18:30. Выключна 8 лістапада, у суботу, ружанец за памерлых распачнецца а 8:00 гадз.
Іншыя аб’явы:
- Вернікі, якія падчас актавы з 1 па 8 лістапада наведаюць могілкі могуць атрымаць поўны адпуст, які можа быць ахвяраваны толькі за памерлых. Атрымаць можна толькі адзін адпуст на працягу дня пры звычайных умовах: быць у стане асвячальнай ласкі, памаліцца ў інтэнцыях Святога Айца, прыняць Святую Камунію і наведаць мóгілкі.
Памятайма, што Касцёл даé магчымасць на працягу ўсяго года атрымаць і частковы адпуст. Частковы адпуст – гэта, па сутнасці, кожная наша малітва, ружанец ці літанія. Штодня ахвяруючы гэтыя малітвы за памерлых, мы набліжаем іх збаўленне.
- У школьнікаў распачаліся восеньскія канікулы. Таму, падчас канікул заняткаў па рэлігіі не будзе.
- Нагадваем, што з 23 па 30 лістапада ў нашай парафіі пройдуць парафіяльныя місіі, якія правядуць айцы-рэдэмптарысты.
- У касцёльным кіёску можна набываць календары на наступны год, лампадкі і іншыя дэвацыяналіі.
- Усім жадаем благаслаўлёнага новага тыдня!