Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
XXVIII Звычайную Нядзелю /С/
12.10.2025 г.
- Трывае месяц ружанцовай малітвы. У нашай парафіяльнай святыні ружанцовае набажэнства адбываецца:
Штодзённа а 18.30. У нядзелю а 15.30.
Для дзяцей і моладзі: пн, ср, пта 18.30.
- У нашай парафіі трывае навэнна да св. Тэрэзы ад Езуса. Сённяшняя малітва ў чарговы дзень навэнны будзе на заканчэнне ружанца перад св. Імшой а 16.00.
- 13 кастрычніка (пн) – Дзень Фацімскі і распачацце 40-гадзіннага набажэнства ў нашай парафіі. А 10.00 – Св. Імша ў інтэнцыі аб прыездзе Святога Айца ў Беларусь. Потым адбудзецца выстаўленне Найсв. Сакрамэнту. А 18.15 – распачнецца супольны ружанец з просьбамі і падзякамі праз заступніцтва Маці Божай Фацімскай і ў інт. просьб і падзяк будзе цэлебравацца св. Імша а 19.00. Пасля св. Імшы распачнецца Фацімскае набажэнства і Марыйная працэсія на прыкасцёльнай тэрыторыі.
40-гадзіннае набажэнства ў нашай парафіі правядзе кс. Андрэй Кеўліч, пробашч парафіі НПМ Маці Касцёла ў Чáвусах на Магілёўшчыне. Запрашаем усіх да ўдзелу на працягу трох дзён з 13 па 15 кастычніка каб памаліцца перад Найсв. Сакрамэнтам, удзельнічаць у св. Імшы і паслухаць спецыяльную навуку.
- У панядзелак (13.10) не будзе катэхезы для дарослых. Наступная сустрэча адбудзецца 20 кастрычніка пасля вячэрняй св. Імшы.
- 15 кастрычніка (ср) – Урачыстасць св. Тэрэзы ад Éзуса і парафіяльны адпуст у нашай парафіі. У гэты дзень запрашаем усіх парафіян на ўрачыстую св. Імшу а 12.00 гадз., пасля якой адбудзецца Эўхарыстычная працэсія на прыкасцёльнай тэрыторыі. У гэты дзень яшчэ будзе св. Імша ўвечары, а 19.00 гадз.. Раніцай 15.10 а 10.00 гадз. св. Імшы не будзе.
- 16 кастрычніка (чц) – у Ордэне піяраў успамін бл. Пятра Казáні.
- 17 кастрычніка (пт) – Успамін св. Ігнацыя з Антыёхіі, біскупа
і мучаніка.
- 18 кастрычніка (сб) – Свята св. Лукі, евангеліста. Праз заступніцтва св. Лукі, апякуна медыцынскай службы, будзем маліцца за ўрачоў, медыцынскіх сясцёр і ўвесь медперсанал бальніц і хоспісаў.
- 19 кастрычніка (наступная нядзеля) – Сусветны місійны дзень. Ахвяраванні, якія ў наступную нядзелю будуць збірацца падчас св. Імшаў, будуць прызначаны на патрэбы місій.
- Даканца кастрычніка перад або пасля св. Імшы ў сакрыстыі прымаем запіскі з імёнамі памерлых на выпамінкі.
- У сакрыстыі запісваем інтэнцыісв. Імшаў на наступны 2026 г.
- У сакрыстыі ёсць магчымасць набываць рэлігійныя рэчы, а таксама лампадкі (знічы), якія мы ставім на магілах нашых памерлых. Набываючы лампадкі ў нашым касцёле, сваімі ахвяраваннямі Вы падтрымліваеце наш касцёл і кляштар.
- Ёсць новы нумар газеты“Слова Жыцця”. Выходзячы з касцёла заахвочваем набываць і чытаць каталіцкую прэсу.
- Учора адбыўся суботнік па ўпарадкаванні прыкасцёльнай тэрыторыі перад парафіяльным адпустам. Усім тым хто змог і дапамог, выказваем вялікую ўдзячнасць за ахвяраваны час для сваёй парафіі. Прыйшло нас болей чым у мінулым годзе. Гэта рáдуе! Дзякуй парафіянам, хто адчувае адказнасць за сваю парафію менавіта ва ўчынках, бо вера – гэта пра ўчынкі!
- З душпастырскімі аб’явамі можна азнаёміццана дошцы аб’яў або на інтэрнэт-старонцы: www.pijary.info
- Дзякуем усім за сумесную малітву і Вашы ахвяраванні. Жадаем ўсім добрай нядзелі!