Рыма – каталіцкая парафія
імя Унебаўзяцця НПМ у Лідзе (м-н Індустрыяльны)
ДУШПАСТЫРСКІЯ АБ’ЯВЫ
на ХXVI Звычайную Нядзелю /С/
28.09.2025г.
- Ахвяраванні складзеныя сёння на тацу, будуць прызначаны на патрэбы Гродзенскай дыяцэзіі.
На гэтым тыдні:
- 29 верасня (пн) – свята свв. Міхала, Габрыэля і Рафала, Арханёлаў. Св. Арханёл Міхал з’яўляецца апякунам Каталіцкага Касцёла ў Беларусі. Таму, у гэты дзень асабліва памятайма ў сваіх малітвах аб Пастырах і верніках Касцёла нашай краіны. Св. Імша ў гэты дзень, як і ў кожны панядзелак, а 18:30.
- 30 верасня (ат) – успамін св. Гераніма, святара і доктара Касцёла.
- 1 кастрычніка (ср) – успамін св. Тэрэзы ад Дзіцяткі Езуса, панны. Складковая св. Імша аб здароўе і патрэбныя ласкі праз заступніцтва МБ Нястомнай Дапамогі а 18:30.
- 1 кастрычніка распачнем месяц ружанцовай малітвы. У нашай парафіяльнай святыні ружанцовае набажэнства будзе штодзённа а 18:00, а ў нядзелю ў 17:30. Ружанцовае набажэнства для дзяцей будзе традыцыйна ў аўторак, сераду і чацвер. У 9:30 (пасля ранішняй св. Імшы) – ружанец для тых, хто вучыцца ў 2-ю змену ў школе, і а 18:00 (перад вячэрняй св. Імшой) – ружанец для тых, хто вучыцца ў 1-ю змену ў школе.
- Запрашаем кола Жывога Ружанца да правядзеня малітвы ружанцовай у гэтым месяцы па панядзелкам, пятніцам і суботам. У бліжэйшую пятніцу правесці малітву запрашаецца Ружа Маці Божай Грамнічнай, а суботу – Ружа св. Сям’і.
- 2 кастрычніка (чц) – успамін святых Анёлаў Ахоўнікаў. Гэта таксама першы чацвер месяца. На св. Імшы ў 18:30 будзем маліцца аб святарскія, манаскія і місійныя пакліканні.
- 3 кастрычніка (пт) – першая пятніца месяца. Набажэнства ў гонар Найсвяцейшага Сэрца Пана Езуса адбудзецца на заканчэнне ружанцовага набажэнства. Першапятнічная споведзь будзе перад святымі Імшамі. Таксама 3 кастрычніка прыпадае трэцяя гадавіна смерці а. Віктара Занеўскага. Св. Імша за спачылага святара ў нашым касцёле будзе а 18:30.
- 4 кастрычніка (сб) – успамін св. Францішка Асізскага, законніка. Гэта першая субота месяца. Складковая св. Імша за памерлых адбудзецца а 9:00, а набажэнства ў гонар Беззаганнага Сэрца НПМ адбудзецца на заканчэнне ружанцовага набажэнства. Таксама ў суботу запрашаем усіх жадаючых на Адарацыю Найсвяцейшага Сакрамэнту, якая распачнецца прыкладна ў 19:15.
- 5 кастрычніка – першая нядзеля месяца. Падчас св. Імшы а 10:00 будзе магчымасць асвяціць ваду. Ваду для благаслаўлення неабходна прынесці з сабой. Пасля св. Імшы а 10:00 адбудзецца выстаўленне Найсвяцейшага Сакрамэнту і змена ружанцóвых таямніцаў. Інтэнцыя на месяц кастрычнік: аб духоўных плёнах для ўсіх удзельнікаў розных дыяцэзіяльных мерапрыемстваў.
- У Беларусі першая нядзеля кастрычніка – гэта дзень малітвы за выкладчыкаў, настаўнікаў, выхавацеляў і катэхетаў. Будзем памятаць аб іх у нашых малітвах.
Іншыя аб’явы:
- Жадаючых пазнаваць Святое Пісанне і маліцца Словам Божым запрашаем на біблейскі гурток, кожны чацвер у 19:30, у катэхетычны клас.
- З наступнай нядзелі ў сакрыстыі можна падаць запіску з імёнамі памерлых на выпамінкі. На століку з газетамі ёсць спецыяльныя карткі, на якіх можна напісаць імёны памерлых. Вялікая просьба пісаць выразна прозвішчы і не скланяць імёны, а пісаць іх у назоўным склоне (в именительном падеже). Спачатку пішам прозвішча, а потым імёны. Маліцца будзем на працягу актавы малітвы за памерлых падчас Ружанца і св. Імшы з 1 па 8-га лістапада.
- Ёсць новы нумар газеты “Слова Жыцця”.
- Нагадваем, што з нашай парафіі арганізоўваецца аўтобусная пілігрымка ў Гервяты і бліжэйшыя да гэтага месца касцёлы. Запланаваны выезд адбудзецца ў суботу, 18 кастрычніка. Запісацца на выезд можна ў сакрыстыі да канца месяца.
- У сакрыстыі ёсць магчымасць запісваць інтэнцыі св. Імшаў на наступны 2026 г.
- У касцёльным кіёску можна набываць календары на наступны год на бел. і польскай мовах.
- З душпастырскімі аб’яваміможна азнаёміцца на інтэрнэт-старонцы: pijary.info альбо таксама ў нашай парафіяльнай суполцы ў сацыяльнай сетцы Viber.
- Дзякуем усім за супольную малітву, за ахвяраванні і жадаем благаслаўлёнага новага тыдня!
- На мінулым тыдні з нашай парафіяльнай супольнасці адышла ў вечнасць святой памяці Лазарава Люцыя. Wieczny odpoczynek racz jej dać Panie…