Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ХXІІ Звычайную Нядзелю /В/
31.08.2025г.
- Сёння а 11.30 адбудзецца (-лася) св. Імша на распачацце новага навучальнага, катэхетычнага і акадэмічнага года з благаслаўленнем вучняў і студэнтаў, а таксама школьных прыладаў.
- Заўтра 1-а верасня (пн) – Распачацце новага навучальнага і катэхетычнага года. Таксама, гэта Дзень малітвы за ўсіх загінулых падчас ІІ-й Сусветнай вайны.У бягучым годзе прыпадае 86-я гадавіна выбуху гэтай вайны. Памятайма ў асабістых малітвах аб супакоі ў свеце, а таксама аб клопаце пра стварэнне з нагоды Сусветнага дня малітвы аб ахове стварэння.
- Запіс школьнікаў на катэхезу (урокі па рэлігіі) з 1 па 11 кл. абавязковы, да гэтага таксама заахвочвае ў сваім пасланні наш пастыр б-п Уладзімір. Запіс будзе адбывацца ў кляштары (у класах) на працягу двух дзён 2-3 верасня (ат-ср) з 11.00 да 13.00 і з 14.30 да 18.30. Урокі рэлігіі ў нашай парафіі распачнуцца з 8 верасня (пн).
- 3 верасня (ср) – Успамін св. Грыгорыя Вялікага, Папы і дК. Складковая св. Імша Аб здароўе і патрэбныя ласкі а 19.00.
- 4 верасня (чц) – Успамін бл. с. Стэлы і 10-ці паплечніц, мучаніц з Навагрудка. Гэта першы чацвер месяца. Падчас св. Імшы і набажэнства а 19.00 гадз. будзем маліцца аб святарскіх, манаскіх і місійных пакліканнях.
- 5 верасня (пт) – Першая пятніца месяца. Першапятнічная споведзь будзе перад св. Імшамі: раніцай і ўвечары, а набажэнства ў гонар Найсвяцейшага Сэрца Пана Езуса адбудзецца пасля Св. Імшаў.
- 6 верасня (сб) – Першая субота месяца. Набажэнства ў гонар Беззаганнага Сэрца НПМ будзе пасля Святых Імшаў.
- 7 верасня –Першая нядзеля месяца (адарацыйная).Пасля св. Імшы а 10.00 адбудзецца выстаўленне Найсвяцейшага Сакрамэнту, адарацыя і Эўхарыстычная працэсія на прыкасцёльнай тэрыторыі. Напрыканцы св. Імшы а 16.00 гадз. адбудзецца змена ружанцóвых таямніцаў.
Інтэнцыя на месяц верасень: Малітва ў інтэнцыі аб прабуджэнне адказнасці ў бацькоў за рэлігійнае выхаванне сваіх дзяцей.
- З распачаццем новага навучальнага і катэхетычнага года варта нагадаць пра падрыхтоўку да сакрамэнтаў у нашай парафіі:
- Падрыхтоўка да Першай Святой Камуніі:
І год падрыхтоўкі – 3 клас (або старэйшыя, хто прапусціў катэхезу ў 3 класе);
ІІ год падрыхтоўкі – 4 клас (або старэйшыя класы, хто ўжо прайшоў першы год падрыхтоўкі).
- Падрыхтоўка да Сакрамэнту Канфірмацыі (бежмавання):
І год падрыхтоўкі – 8 клас.
ІІ год падрыхтоўкі – 9 клас і старэйшыя класы.
Таксама будзе набірацца група для дарослых і працуючай моладзі, якія па розных прычынах яшчэ не прынялі сакрамэнт бежмавання. Просьба да дарослых, каб запісвацца на падрыхтоўку да бежмавання ў сакрыстыі на працягу тыдня да наступнай нядзелі ўключна.
Запрашаем хлапчукоў пасля Першай св. Камуніі ў кандыдаты ў міністранты. Запрашаем дзяўчынкі і хлапчукоў у дзіцячы і моладзевы хор “Calasanz”. Запісацца можна 2-3 верасня падчас запісу на ўрокі рэлігіі.
У гэтым навучальным годзе ў нашай парафіі працягнуцца ўрокі рэлігіі для дарослых. Падчас гэтых заняткаў будзем пазнаваць глыбей нашу веру, Св. Пісанне, навучанне Касцёла, Літургію
і многае іншае. Сустрэчы будуць адбывацца кожны панядзелак а 19.45 пасля вячэрняй св. Імшы ў класе. Першая сустрэча пасля летняга перапынку і дачнага сезону адбудзецца 29 верасня. Заняткі будзе весці пробашч а. Аляксандр. Усіх, пастаянных удзельнікаў і новых – сардэчна запрашаем!
Таксама, у нашай парафіі арганізоўваецца група “Біблійнае кола” для разважання Святога Пісання. Сустрэчы будуць адбывацца кожную суботу пасля вячэрняй св. Імшы а 19.45. Першая сустрэча адбудзецца 27 верасня. Сустрэчы будзе праводзіць дк. Аляксандр Г. Усіх ахвотных запрашаем!
Таксама, распачнуцца сустрэчы для каталіцкіх педагогаў з нашай парафіі. Інфармацыя педагогам будзе пададзена пазней.
Нагадваем, што ў нашай парафіі да сакрамэнту хросту прыходзім запісвацца ў сакрыстыю за 2 тыдні перад планаванай датай хросту. Што тычыцца падрыхтоўкі да шлюбу, – прыходзім запісвацца
ў сакрыстыю за тры месяцы перад планаванай датай шлюбу.
- З душпастырскімі аб’явамі нашай парафіі можна азнаёміццана дошцы аб’яў або на інтэрнэт-старонцы: www.pijary.info
- Вялікі дзякуй усім за прысутнасць, за вашы ахвяраванні, а таксама тым, хто ахвяраваў кветкі для нашай святыні. Вялікая просьба каб прыносіць кветкі ў пятніцу ў сакрыстыю перад вячэрняй св. Імшой. Жадаем ўсім добрага нядзельнага дня і шчаслівага новага тыдня!