Рыма – каталіцкая парафія
імя Унебаўзяцця НПМ у Лідзе (м-н Індустрыяльны)
ДУШПАСТЫРСКІЯ АБ’ЯВЫ
на ХXII Звычайную Нядзелю /С/
31.08.2025г.
- Сёння а 11:30 адбудзецца св. Імша з благаслаўленнем школьных прыладаў.
На гэтым тыдні:
- 1 верасня (пн) – прыпадае 86-я гадавіна выбуху ІІ-й Сусветнай вайны. Молімся аб супакоі ў свеце, а таксама аб клопаце пра стварэнне з нагоды Сусветнага дня малітвы аб ахове стварэння.
- 3 верасня (ср) – успамін св. Грыгорыя Вялікага, папы і доктара Касцёла. Гэта таксама першая серада месяца. увечары, у 18:30, адбудзецца складковая св. Імша аб здароўе і патрэбныя ласкі праз заступніцтва МБ Нястомнай Дапамогі.
- 4 верасня (чц) – успамін бл. с. Стэллы і 10-ці паплечніц, мучаніц з Навагрудка. Гэта таксама першы чацвер месяца. На св. Імшы ў 18:30 будзем маліцца аб святарскія, манаскія і місійныя пакліканні.
- 5 верасня (пт) – першая пятніца месяца. Першапятнічная споведзь будзе перад св. Імшамі. Набажэнства ў гонар Найсвяцейшага Сэрца Пана Езуса адбудзецца пасля вячэрняй св. Імшы.
- 6 верасня (сб) – першая субота месяца. Св. Імша складковая за памерлых адбудзецца а 9:00. Набажэнства ў гонар Беззаганнага Сэрца НПМ будзе пасля вячэрняй св. Імшы. Таксама ў суботу запрашаем усіх жадаючых на Адарацыю Найсвяцейшага Сакрамэнту, якая распачнецца прыкладна ў 19:15.
- 7 верасня – першая нядзеля месяца. Падчас св. Імшы а 10:00 будзе магчымасць асвяціць ваду. Ваду для благаслаўлення неабходна прынесці з сабой. Пасля св. Імшы а 10:00 адбудзецца выстаўленне Найсвяцейшага Сакрамэнту і змена ружанцóвых таямніцаў. Інтэнцыя на месяц верасень: малітва аб прабуджэнне адказнасці ў бацькоў за рэлігійнае выхаванне сваіх дзяцей.
Іншыя аб’явы:
- З 9 верасня (ат) у нашай парафіі распачнуцца ўрокі рэлігіі. Запіс школьнікаў на катэхезу будзе адбывацца ў катэхетычным класе на працягу двух дзён: 1 і 2 верасня (пн і ат) з 11:00 да 13:30, з 14:00 да 17:30 і з 19:15 да 20:00. План заняткаў размешчаны на дошцы аб’яваў і на нашай інтэрнэт-старонцы.
- Запрашаем у міністранты хлапчукоў пасля першай св. Камуніі, таксама дзяўчынкі і хлапчукоў у дзіцячы хор. Запісацца можна ў сакрыстыі або падчас запісу на ўрокі па рэлігіі.
- У гэтым навучальным годзе ў нашай парафіі працягнуцца ўрокі па рэлігіі і для дарослых. Сустрэчы будуць адбывацца кожны панядзелак у 19:15 пасля вячэрняй св. Імшы ў класе. Першая сустрэча пасля летняга перапынку адбудзецца 15 верасня (пн).
- Ад наступнага панядзелку (8 верасня) ужо будзе магчымасць запісваць інтэнцыі св. Імшаў на наступны 2026 г.
- Чарговы, трэці этап рамонту муру вакол касцёла завершаны. На гэты раз, як ведаеце, работы праходзілі з боку вуліцы Свярдлова. Выказваем шчырую падзяку за разуменне неабходнасці аднаўлення муру, за вашу дапамогу, за шчодрыя ахвяраванні і, канешне ж, за малітву! Вялікі дзякуй!
- З 23 па 30 лістапада ў нашай парафіі пройдуць парафіяльныя місіі, якія правядуць айцы-рэдэмптарысты. Святыя місіі – гэта працяглыя рэкалекцыі, накіраваныя на аднаўленне і ажыўленне парафіяльнага жыцця, якія праводзяцца прыкладна раз на 10 гадоў. Апошнія місіі ў нашым касцёле адбыліся ў 2015 годзе. Запрашаем на гэтую важную для ўсіх нас падзею ўжо сёння, а рыхтавацца да яе будзем праз супольную малітву.
- У касцёльным кіёску можна набываць календары на наступны год на бел. мове.
- З душпастырскімі аб’яваміможна азнаёміццана інтэрнэт-старонцы: pijary.info альбо таксама ў нашай парафіяльнай суполцы ў сацыяльнай сетцы Viber.
- Усім жадаем добрага новага тыдня!
- На гэтым тыдні з нашай парафіяльнай супольнасці адышоў у вечнасць святой памяці: Белаокі Віктар. Wieczny odpoczynek racz mu dać Panie…