Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ХІІІ Звычайная Нядзеля /С/
29.06.2025 г.
- Сёння – 29 чэрвеня– Урачыстасць святых Пятра і Паўла, Апосталаў.Гэта ўрачыстасць абавязковая, таму кожны католік у гэты нядзельны дзень павінен удзельнічаць у св. Імшы. Ахвяраванні складзеныя сёння на тацу, будуць прызначаны на патрэбы Апостальскай Сталіцы. Ініцыятыва “Грош святога Пятра” даé канкрэтную магчымасць падтрымаць Святога Айца і яго апостальскае служэнне Паўсюднаму Касцёлу, а таксама спрыяць абвяшчэнню Евангелля, умацаванню міру і пашырэнню хрысціянскай міласэрнасці.
- 30 чэрвеня (пн) – Успамін НПМ Нястомнай Дапамогі ( у гэтым годзе успамін перанесены з 27 чэрвеня на панядзелак згодна з правіламі рымскага календара). А 18.30 – адбудзецца заканчэнне чэрвеньскага набажэнства ў гонар Найсвяцейшага Сэрца Пана Езуса.
- 3 ліпеня (чц) – Свята св. Тамаша, Апостала.
У нашай дзяржаве ў гэты дзень адзначаецца Дзень Незалежнасці. У гэты памятны дзень падчас св. Імшы а 10.00 гадз. будзем маліцца за нашу Бацькаўшчыну і ўзносіць супольную малітву-падзяку Пану Богу за вызваленне сталіцы і ўсёй нашай краіны ад нямецка-фашысцкіх захопнікаў. Асаблівым чынам будзем памятаць у нашых малітвах аб мучаніках нашай зямлі, якія ахвяравалі сваё жыццё дзеля ўратавання бліжняга. Гэта таксамапершы чацвер месяца. Будзем маліцца аб святарскіх, манаскіх і місійных пакліканнях. У гэтай інтэнцыі будзе цэлебравацца св. Імша а 19.00.
- 4 ліпеня – Першая пятніца месяца.Першапятнічная споведзь будзе перад св. Імшамі раніцай і ўвечары, а набажэнства ў гонар Найсвяцейшага Сэрца Пана Езуса адбудзецца пасля св. Імшаў.
- 5 ліпеня – Першая субота месяца. Набажэнства ў гонар Беззаганнага Сэрца НПМ будзе пасля св. Імшаў.
- Сёлета Будслаўскі фэст пройдзе 4 і 5 ліпеня пад дэвізам: «Міласэрнасць Божая – давяраем табе». Падчас урачыстасцяў у Нацыянальным санктуарыі ў Будславе адбудзецца прысвячэнне Касцёла ў Беларусі, Божай Міласэрнасці і Беззаганнаму Сэрцу НПМ. Хто не зможа быць у Будславе, можна будзе ўдзельнічаць ва ўрачыстасцях праз інтэрнэт-трансляцыю на партале Catolic.by або праз тэлебачанне Беларусь 3 у суботу а 11.30.
- 6 ліпеня – Першая нядзеля месяца.Пасля св. Імшы а 10.00 адбудзецца выстаўленне Найсвяцейшага Сакрамэнту і адарацыя. Пасля благаслаўлення адбудзецца змена ружанцовых таямніцаў.
Інтэнцыя на месяц ліпень: Будзе малітва ў інтэнцыі людзей старэйшага ўзросту, аб пашане і клопаце асабліва аб пакінутых, хворых і церпячых.
- Дзякуем за прынесеныя кветкі на мінулым тыдні. Заахвочваем прыносіць кветкі на гэтым тыдні ў пятніцу, найлепш, перад ранішняй або вячэрняй св. Імшой.
- Ёсць новы нумар газеты „Слова Жыцця”. Заахвочваем браць і чытаць каталіцкую прэсу.
- З душпастырскімі аб’явамі нашай парафіі можна азнаёміццана дошцы аб’яў або на інтэрнэт-старонцы: www.pijary.info
- Дзякуем за супольную малітву і складзеныя ахвяраванні. Жадаем усім Вам добрага нядзельнага дня і шчаслівага новага тыдня!