Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
Ўрачыстаць Найсвяцейшай Тройцы /С/
15.06.2025 г.
- Сёння ў літургіі Касцёла адзначаем Урачыстасць Найсвяцейшай Тройцы. Таксамаў нашай краіне сёння Дзень медыцынскага работніка. Памятайма ў сваіх малітвах аб медыках, асабліва з нашай парафіі.
- Чэрвеньскае набажэнства ў гонар Найсвяцейшага Сэрца Пана Езуса ў нашым касцёле адбываецца кожны дзень а 18.30, а ў нядзелю а 15.30.
- (ат) – Успамін св. Альберта Хмялёўскага, законніка. Падчас св. Імшы а 19.00 будзем маліцца ў інтэнцыі а. Яна Асіповіча з нагоды яго Дня Нараджэння.
- 19 чэрвеня (чц) – Урачыстасць Найсвяцейшага Цела і Крыві Езуса Хрыста (Божае Цела). Гэта ўрачыстасць абавязковая, таму кожны католік павінен устрымацца ад працы дома і ўдзельнічаць у св. Імшы. Св. Імшы ў нашым касцёле будуць а 10.00 і а 18.00. Наша парафія атрымала дазвол ад Шчучынскага райвыканкама на правядзенне працэсіі. Вялікая просьба да парафіян, каб падрыхтаваць алтары на традыцыйных месцах па вул. Леніна і вул. Горкага, дзе будзе праходзіць Эўхарыстычная працэсія. Літанію да Найсв. Сэрца Пана Езуса распачнем спяваць выходзячы з касцёла, пасля першага стацыйнага алтара ў касцёле.
- 21 чэрвеня (сб) – Успамін св. Алаíзія Ганзáгі, законніка.
- У наступную нядзелю 22 чэрвеня – 84-я гадавіна распачацця ВАВ. У нашай краіне – гэта Дзень Усенароднай памяці ахвяр Вялікай Айчыннай вайны і генацыду беларускага народа. Няхай у гэты дзень кожны памоліцца малітвай “Анёл Панскі” у інтэнцыі ўсіх загінулых. Таксама ў сваіх малітвах памятайма аб супакоі ва ўсім свеце.
- Вялікая просьба, каб на гэтым тыдні ў аўторак прыносіць кветкі ў сакрыстыю перад святой Імшой (раніцай або ўвечары).
- Ёсць новы нумар газеты „Слова Жыцця”. Заахвочваем браць і чытаць каталіцкую прэсу.
- З душпастырскімі аб’явамі нашай парафіі можна азнаёміцца на дошцы аб’яў або на інтэрнэт-старонцы: www.pijary.info
- Вялікі дзякуй Вам за супольную малітву і ахвяраванні. Няхай добры Бог Вам аддзячыць! Жадаем усім шчаслівага новага тыдня!