Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ІІ Велікодную Нядзелю /С/
Божай Міласэрнасці
27.04.2025 г.
- Сёння – Нядзеля Божай Міласэрнасці,а таксамазаканчэннеВелікоднай актавы. Ахвяры на тацу, якія сёння збіраюцца падчас усіх імшаў – згодна з распараджэннем кс. біскупа – будуць прызначаны на патрэбы Гродзенскай дыяцэзіі.
Сёння дзіцяча-моладзевы Хор Calasanz нашай парафіі адзначае сваё 20-годдзе. Урачысты канцэрт распачнецца а 13.00 гадз. у Шчучынскім цэнтры культуры і народнай творчасці. Сардэчна запрашаем раздзяліць гэту радасць з намі! Уваход бясплатны.
Сёння а 15.30 запрашаем на набажэнства да Божай Міласэрнасці перад Найсвяцейшым Сакрамэнтам. Такія набажэнтвы з Вяночкам да Божай Міласэрнасці ў нашым касцёле будуць замест нядзельных нешпараў тады, калі не прыпадае набажэнства: маёвае, чэрвеньскае, ружанцовае, песні жальбы, ці фацімскі дзень.
- 29 красавіка (ат) – свята Кацярыны Сіенскай, панны і доктара Касцёла, апякункі Еўропы.
- 1 мая (чц) – Успамін св. Юзафа Рамесніка, апякуна працаўнікоў. Гэта першы чацвер месяца. Будзем маліцца аб святарскіх, манаскіх і місійных пакліканнях. У гэтай інтэнцыі будзе цэлебравацца св. Імша а 19.00. У першы дзень маяраспачнём маёвае набажэнства. Літанія Ларэтанская да НПМ будзе кожны дзень перад св. Імшой а 18.30, а ў нядзелю а 15.30. Заахвочваем да малітвы перад прыдарожнымі крыжамі, каплічкамі, а таксама ў сваіх сем’ях.
- 2 мая (пт) – Успамін св. Атаназія, біскупа і доктара Касцёла. Гэта таксама першая пятніца месяца.Першапятнічная споведзь будзе перад св. Імшамі раніцай і ўвечары, а набажэнства ў гонар Найсвяцейшага Сэрца Пана Езуса адбудзецца пасля ранішняй св. Імшы, а перад вячэрняй св. Імшой а 18.30 адбудзецца разам з Літаніяй Ларэтанскай.
- 3 мая (сб) – У Гродзенскай дыяцэзіі ўспамін НПМ Каралевы Польшчы. Гэта першая субота месяца.Набажэнства ў гонар Беззаганнага Сэрца НПМ адбудзецца пасля ранішняй св. Імшы, а перад вячэрняй св. Імшой а 18.30 адбудзецца разам з Літаніяй Ларэтанскай. У гэты дзень свае імяніны адзначае біскуп эмэрыт Аляксандр Кашкевіч. Памятайма пра яго ў сваіх малітвах.
- 4 мая (нд) – Першая нядзеля месяца. Пасля св. Імшы а 10.00 адбудзецца выстаўленне Найсвяцейшага Сакрамэнту, адарацыя і працэсія Эўхарыстычная на прыкасцёльнай тэрыторыі. Напрыканцы св. Імшы а 16.00 адбудзецца змена ружанцовых таямніцаў.
Інтэнцыя на месяц май: Будзе малітва аб Божай апецы для духавенства, манаскіх асоб і вернікаў Гродзенскай дыяцэзіі, аб адзінстве Касцёла, і аб разуменні місіі Хрыстовага Касцёла ў сучасным свеце.
4 мая ў Гродзенскай Дыяцэзіі адзначаецца Дыяцэзіяльны Дзень Маці. Будзем маліцца за жывых і памерлых мам. 4 мая, таксама, успамінаем св. Фларыяна, мучаніка, апякуна пажарных. У гэты дзень адзначаецца Міжнародны дзень пажарных.
- Учора ў Рыме адбылося пахаванне Папы Францішка, які адышоў у вечнасць 21 красавіка, маючы 88 гадоў. Прадстаўнікі ад беларускага Касцёла і нашай Дзяржавы прысутнічалі на пахаванні Пантыфіка. Цяпер у Касцёле трывае перыяд sede vacante (вакантнага пасаду). Касцёлам у гэты час кіруе Камерлéнга Святога Рымскага Касцёла кардынал Кэвін Джозэф Фарэл. Калегіум кардыналаў прызначаць дату канклава, падчас якога будзе абраны чарговы Пантыфік – Пётр нашага часу. У Каталіцкім Касцёле распачалася 9-дзённая жалоба, якая завершыцца 4 мая. Паводле права, канклаў павінен распачацца праз 15-20 дзён пасля смерці папы. Кандыдат павінен быць не старэйшым за 80 год. Таму, у гэтыя дні асаблівым чынам будзем маліцца аб выбары новага Пантыфіка.
- Вялікі дзякуй за супольную малітву і ўсе Вашы ахвяраванні на патрэбы нашага касцёла і парафіі.
- З душпастырскімі аб’явамі можна азнаёміццана інтэрнэт-старонцы: www.pijary.info
- Жадаем усім шчаслівага новага, майскага тыдня!