Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
Пальмóвую нядзелю – Мýкі Пана /С/
13.04.2025 г.
- Сёння Пальмóвая (або вербная) нядзеля. У Касцёле распачаўся Вялікі Тыдзень Мýкі Пана. Падчас кожнай св. Імшы благаслаўляюцца вербы. Пасля св. Імшы а 11.30 адбудзецца конкурс для дзяцей у двух намінацыях: “Найпрыгажэйшая вярба” і “Найбольшая вярба”.
- Сёння Песні Жáльбы (Gorzkie żale) а 15.30.
СВЯТЫ ПАСХАЛЬНЫ ТРЫДУУМ
17 красавіка
Вялікі Чацвер
а 10.00 – Імша Хрызма ў катэдральным касцёле ў Гродне з біскупам і ўсімі святарамі. Таму, у нашым касцёле ў чацвер раніцай а 10.00 не будзе св. Імшы.
Вечарам а 19.00 – Св. Імша Вячэры Пана і распачацце святога Пасхальнага Трыдуума. У гэты дзень Пан Езус устанавіў сакрамэнты Эўхарыстыі і Пасвячэння, таму ў гэты дзень асаблівым чынам будзем маліцца за ўсіх святароў, а таксама аб новых святарскіх пакліканнях. Пасля Св. Камуніі адбудзецца перанясенне Найсвяцейшага Сакрамэнту ў цямніцу. Пасля літургіі з галоўнага алтара будзе зняты абрус, а табэрнакулюм застанецца пустым і прыадчыненым ажно да Вігіліі Пасхальнай. Адарацыя Найсвяцейшага Сакрамэнту ў цямніцы будзе трываць да 22.00 гадз.
18 красавіка
Вялікая Пятніца
У гэты дзень, а таксама ў суботу да вечара, згодна са старадаўняй традыцыяй, Касцёл не цэлебруе Св. Імшу. У другой палове дня адбудзецца Літургія Мýкі Пана, цэнтральнай часткай якой з’яўляецца адарацыя святога Крыжа. У гэты дзень прадпісаны абавязковы сціслы пост – г. зн. на працягу дня можна паесці толькі адзін раз дасыта і два разы лёгка, устрымліваючыся ад мясных страў.
Пасля Літургіі Мýкі Пана і ў суботу ажно да Вігіліі Пасхальнай перад Крыжам укленчваем, як перад Найсвяцейшым Сакрамэнтам. Адарацыя Найсв. Сакрамэнту ў цямніцы распачнецца з 9.00 гадз. Кожны, будзе мець магчымасць прыйсці ў зручную яму гадзіну, каб памаліцца перад Найсвяцейшым Сакрамэнтам у цямніцы.
18.00 – Літургія Мýкі Пана. Ахвяраванні складзеныя падчас адарацыі Крыжа будуць прызначаныя на Божую Грабніцу ў Святой Зямлі. Пасля заканчэння Літургіі Вялікай пятніцы, адбудзецца перанясенне Найсвяцейшага Сакрамэнту ў грабніцу Пана. Гэта таксама першы дзень навэнны да Божай Міласэрнасці. Памолімся Вяночак да Божай Міласэрнасці. Адарацыя Найсвяцейшага Сакрамэнту ў Божай грабніцы будзе трываць да 22.00 гадз.
19 красавіка
Вялікая Субота
У Вялікую суботу ўвесь Касцёл прабывае каля грабніцы Пана, разважае пра мýку і смерць Хрыста і Яго сыходжанне ў адхлáнь. У малітве і посце чакае Яго ўваскрасення. У суботу паводле традыцыі захоўваецца пост ад мясных страў.
Адарацыя Найсвяцейшага Сакрамэнту распачнецца а 9.00.
Благаслаўленне велікодных страў на велікодны стол:
а 13.00 – у Руткевічах
а 13.30 – у Барташах
У касцёле благаслаўленне страў на велікодны стол распачнецца з 9.00 гадз. кожныя поў гадзіны да 18.00 уключна.
а 19.00 – Вігілія Пасхальная. Просьба каб прынесці свечку. Падчас Літургіі будзем аднаўляць абяцанні хросту.
– Адарацыя Найсв. Сакрамэнту пасля Вігіліі Пасхальнай будзе мець ужо пасхальны характар. Падчас адарацыі ўжо не спяваюцца песні пра мýку Пана, але эўхарыстычныя і велікодныя спевы. Гэта таксама другі дзень навэнны да Божай Міласэрнасці.
а 23.00 – Завяршэнне Адарацыі Найсвяцейшага Сакрамэнту.
20 красавіка
Нядзеля Змёртвыхпаўстання Пана (Вялікдзень)
У нашым касцёле будуць дзве св. Імшы.
а 07.00 – Рэзурэкцыйная працэсія і ўрачыстая Св. Імша.
і а 14.00 – Св. Імша агульная для ўсіх вернікаў. Гэта будзе трэці дзень навэнны да Божай Міласэрнасці. У Вялікдзень завяршаецца Пасхальны Трыдуум.
21 красавіка
Велікодны панядзелак (у актаве)
Св. Імшы ў нашым касцёле будуць: а 10.00 і а 19.00. Гэта будзе чацвёрты дзень навэнны да Божай Міласэрнасці.
– Велікодная актава будзе доўжыцца да 27 красавіка – Нядзелі Божай Міласэрнасці. Падчас актавы ў пятніцу 25 красавіка няма посту ад мясных страваў. Восем дзён, як адзін дзень! Таму, заахвочваем да ўдзелу ў св. Імшах падчас велікоднай актавы.
- Што тычыцца магчымага пахавання падчас Пасхальнага Трыдуума (ад Вялікага Чацвярга да Вялікадня) – не прымаем пахаванні ў касцёле. Вялікая просьба, пахаваць памерлага, а св. Імша ў яго інтэнцыі адбудзеца ўжо пасля Вялікадня.
- У касцёле перад алтаром Укрыжаванага Хрыста размешчана скарбонка. Да сённяшняга дня ўключна можна складаць свае ахвяраванні на кветкі, якімі будзе ўпрыгожана Божая грабніца і алтары ў нашым касцёле на Пасху.
- Ахвяраванні якія сёння скадаюцца на тацу, будуць прызначаны на ўтрыманне семінарыстаў МВДС у Гродне. Каталіцкая Семінарыя ўтрымліваецца выключна з ахвяраванняў вернікаў і дабрадзеяў. Заахвочваем падтрымаць сваімі ахвяраваннямі Духоўную навучальную ўстанову.
- 27 красавіка (нд) – Дзіцяча-моладзевы Хор Calasanz нашай парафіі адзначыць сваё 20-годдзе. Урачысты канцэрт распачнецца а 13.00 гадз. у Шчучынскім цэнтры культуры і народнай творчасці. Сардэчна запрашаем раздзяліць гэту радасць з намі!
- У сакрыстыі можна набываць Бібліі, малітоўнікі, свечкі, абразы і іншыя рэлігійныя дэвацыяналіі.
- З душпастырскімі аб’явамі нашай парафіі можна азнаёміцца на дошцы аб’яў, ці на інтэрнэт-старонцы: www.pijary.info
- Вялікі дзякуй за Вашу прысутнасць і супольную малітву, а таксама за вашы ахвяраванні.
- Жадаем усім плённай падрыхтоўкі да Пасхі!