Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ІІ Нядзелю Вялікага посту /С/
16.03.2025 г.
- Сёння распачалася 2-я Нядзеля Вялікага посту. У Касцёле трывае навэнна да св. Юзафа, Абранніка НПМ.
- 18 сакавіка (ат) – Успамін св. Кірыла Ерузалéмскага, біскупа і доктара Касцёла іапошні дзень навэнны да св. Юзафа.
- 19 сакавіка (ср) – Урачыстасць св. Юзафа, Абранніка НМП. Гэта — абавязковая ўрачыстасць. Кожны вернік мае абавязак у гэты дзень удзельнічаць у св.Імшы. Св. Імшы ў нашым касцёле а 10.00 і 19.00. Гэта таксама дзень імянінаўксяндза арцыбіскупа Юзафа Станеўскага, Мітрапаліта Мінска — Магілёўскага. У гэты дзень асаблівым чынам будзем маліцца за ўсіх імяніннікаў, хто носіць імя святога ў розных фанетычных варыянтах: Юзаф, Іосіф, Язэп, Осіп, ці жаночае: Юзэфа.
- Велікапосныя набажэнствы ў нашым касцёле:
Крыжовы шлях (Droga Krzyżowa)у кожную пятніцу:
а 10.30 (пасля ранішняй св. Імшы)
а 18.15 (для дзяцей, моладзі і іх бацькоў)
Песні Жальбы (Gorzkie żale) у кожную нядзелю а 15.30.
За ўдзел у велікапосных набажэнствах можна атрымаць поўны адпуст кары за свае грахі або ахвяраваць яго за аднаго памерлага.
- Ахвяраванні складзеныя на тацу ў наступную нядзелю 23 сакавіка, будуць прызначаны на патрэбы Дабрачыннай арганізацыі “Caritas” у Беларусі.
- Перад алтаром Укрыжаванага Хрыста знаходзіцца скарбонка, у якую на працягу Вялікага Посту можна складаць ахвяраванні на кветкі, якімі будзе ўпрыгожана Божая грабніца і ўсе алтары ў нашым касцёле на Пасху.
- Ёсць новы нумар газеты „Слова Жыцця”. Заахвочваем набываць і чытаць каталіцкую прэсу.
- Вялікая просьба, каб да сённяшняга дня (уключна) у сакрыстыі запісваць хворых парафіян, якія самыя не могуць прыйсці ў касцёл, але перад святам Пасхі жадаюць прыняць святыя сакрамэнты.
- Нагадваем парадак адведвання хворых:
18 сакавіка (ат) – з 11.30 – Плянты, Старыя Гернікі і Даўлюдаўшчына.
19 сакавіка (ср) – з 11.30 – Рэзы і Руткевічы.
20 сакавіка (чц) – з 11.30 – Навасёлкі і Янчукі.
21 сакавіка (пт) – з 11.30 – Буйвічы і Тур’я.
22 сакавіка (сб) – 11.30 – Тапілішкі і г. Шчучын вуліцы: Рудога, Паўднёва-Заходняя, Будаўнікоў, Заходняя і “Поле Цудаў”.
25 сакавіка (ат) – частка горада ад аўтастанцыі да возера.
29 сакавіка (сб) – частка горада ад касцёла да “Масласырзавода”.
Хворых у горадзе будзем адведваць зранку або ўвечары, адпаведна з тым, як каму зручна.
- У межах святкавання Юбілейнага 2025 года, Душпастырствам моладзі Гродзенскай дыяцэзіі арганізуецца пілігрымка моладзі з нашай дыяцэзіі на сустрэчу з Пантыфікам. Святы Айцец запрашае маладых людзей з усяго свету ў Рым, як “пілігрымаў надзеі”. Узрост удзельнікаў – з 18 да 35 гадоў. Выезд з Гродна – 25 ліпеня, вяртанне – 5 жніўня. Падрабязную інфармацыю пра выезд можна атрымаць у сакрыстыі. Запісацца можна да 25 сакавіка (уключна).
- З душпастырскімі аб’явамі можна азнаёміцца на дошцы аб’яваў або ў інтэрнэце на старонцы:www.pijary.info
- Вялікі дзякуй за супольную малітву і ўсе Вашы ахвяраванні. Жадаем усім плённага перажывання перыяду Вялікага посту.