Рыма – каталіцкая парафія
імя Унебаўзяцця Маці Божай у Лідзе (м-н Індустрыяльны)
ДУШПАСТЫРСКІЯ АБ’ЯВЫ
на IІ-ю Нядзелю Вялікага посту /С/
16.03.2025г.
- Ахвяраванні, сабраныя сёння на тацу, будуць прызначаны, у якасці дапамогі, для далейшага будаўніцтва касцёла ў мікрараёне паўднёвым (парафія св. Юзафа Рамесніка і бл. сясцёр мучаніц з Навагрудка).
- Сёння пасля вячэрняй св. Імшы адбудзецца фармацыйная сустрэча для педагогаў. Запрашаем!
З літургічнага календара:
- 19 сакавіка (ср) – Урачыстасць св. Юзафа, Абранніка НПМ. Гэта – абавязковая ўрачыстасць. Кожны вернік мае абавязак у гэты дзень удзельнічаць у св. Імшы. Гэта таксама дзень імянінаў ксяндза арцыбіскупа Юзафа Станеўскага, Мітрапаліта Мінска-Магілёўскага.
- 23 сакавіка (ндз) – свой Дзень Нараджэння будзе адзначаць брат Павел Пастушын SP. Падчас св. Імшы а 11:30 будзем маліцца ў яго інтэнцыі.
Іншыя аб’явы:
- Вялікая просьба, каб з сённяшняга дня і да наступнай нядзелі, 23 сакавіка, (уключна) у сакрыстыі запісваць хворых парафіян, якія жадаюць перад святам паспавядацца, прыняць Св. Камунію і сакрамэнт намашчэння хворых.
- Ахвяраванні складзеныя ў наступную нядзелю на тацу, будуць прызначаны на патрэбы Дабрачыннай арганізацыі “Caritas” у Беларусі. У сувязі з гэтым, у канцы касцёла са століка можна ўзяць з сабой улёткі з падрабязнай інфармацыяй аб гэтай дабрачыннай арганізацыі.
- Заахвочваем да ўдзелу ў велікапосных набажэнствах:
Крыжовы шлях (Droga Krzyżowa) у кожную пятніцу:
у 9:40 (пасля ранішняй св. Імшы)
а 17:00 для школьнікаў
і ў 19:00 (пасля вячэрняй св. Імшы)
Песні Жальбы (Gorzkie żale) у кожную нядзелю ў 17:30.
- Нагадваем, што сёлета плануецца далейшы рамонт цаглянага муру каля касцёла. Ахвяраванні на неабходныя матэрыялы можна складаць у сакрыстыі.
- На прыканцы касцёла, на століку, знаходзяцца велікодныя паштоўкі. Ёсць таксама новы нумар часопіса “Ave Maria”.
- Перад алтаром размешчана спецыяльная скарбонка, у якую можна складаць свае ахвяраванні на кветкі, якімі будзе ўпрыгожана Божая грабніца і алтар на Пасху.
- З душпастырскімі аб’яваміможна азнаёміццана інтэрнэт-старонцы: pijary.info альбо таксама ў нашай парафіяльнай суполцы ў сацыяльнай сетцы Viber.
- Вялікі дзякуй за супольную малітву і ахвяраванні. Усім жадаем благаслаўлёнага новага тыдня!
- На мінулым тыдні з нашай парафіяльнай супольнасці адышлі ў вечнасць святой памяці: Якімовіч Галіна, Пецюк Часлаў і Мацюк Ганна. Wieczny odpoczynek racz im dać Panie…