Рыма – каталіцкая парафія
імя Унебаўзяцця Маці Божай у Лідзе (м-н Індустрыяльны)
ДУШПАСТЫРСКІЯ АБ’ЯВЫ
на VII-ю Звычайную Нядзелю /С/
23.02.2025 г.
- Сёння пасля св. Імшы а 11:30 у касцёле адбудзецца бацькоўскі сход тых дзяцей, якія ў месяцы маі прыступяць да Першай Св. Камуніі ў нашай парафіі. Прысутнасць прынамсі аднаго з бацькоў – абавязковая!
- Ахвяраванні складзеныя сёння на тацу, будуць прызнáчаны на патрэбы Гродзенскай дыяцэзіі.
З літургічнага календара:
- 25 лютага (ат) – Каласансаўскі дзень. У гэты дзень праз заступніцтва св. Юзафа Каласанса будзем выпрóшваць патрэбныя ласкі і Божыя дары для дзяцей і моладзі, выкладчыкаў і настаўнікаў, выхавацеляў і катэхетаў. Сардэчна запрашаем.
- 26 лютага (ср) – успамін св. Паўлы Монталь, заснавальніцы супольнасці сясцёр піярак.
- 1 сакавіка (сб) – першая субота месяца. Св. Імша складковая за памерлых адбудзецца а 9:00. Набажэнства ў гонар Беззаганнага Сэрца НПМ будзе пасля вячэрняй св. Імшы. Таксама ў суботу запрашаем на моладзевую Адарацыю, якая распачнецца прыкладна ў 19:15
- Наступная нядзеля – 2 сакавіка – першая нядзеля месяца. Пасля св. Імшы а 10:00 адбудзецца выстаўленне Найсвяцейшага Сакрамэнту і змена ружанцóвых таямніцаў. Інтэнцыя на месяц сакавік: малітва аб ласцы навяртання і сапраўднага паяднання з Богам і бліжнімі для непрактыкуючых вернікаў.
Іншыя аб’явы:
- Адной з прапаноў, зробленых падчас Каляды, была просьба хаця б раз на месяц асвячаць у касцёле ваду, якую заўсёды можна было б забраць дадому. У сувязі з гэтай прапановай, у кожную першую нядзелю месяца, пачынаючы з наступнага тыдня, падчас святой Імшы а 10:00 будзе давацца такая магчымасць. Ваду для благаслаўлення неабходна прынесці з сабой.
- Ёсць новы нумар часопіса газеты “Слова Жыцця”. Заахвочваем браць і чытаць каталіцкую прэсу.
- З душпастырскімі аб’яваміможна азнаёміццана інтэрнэт-старонцы: pijary.info альбо таксама ў нашай парафіяльнай суполцы ў сацыяльнай сетцы Viber.
- Дзякуем усім за супольную малітву, за ўсе ахвяраванні і жадаем благаслаўлёнага новага тыдня!