Р ы м с к а – к а т а л і ц к а я п а р а ф і я
св. Тэрэзы Авільскай у Шчучыне
Д У Ш П А С Т Ы Р С К І Я А Б ’ Я В Ы
на
ІII Нядзелю Адвэнту /C/
15.12.2024 г.
- Сёння 15 снежня – IІІ-я Нядзеля Адвэнту. Ахвяраванні складзеныя сёння на тацу, прызначаны на патрэбы нашай Гродзенскай дыяцэзіі. Пасля св. Імшаў а 11.30 і 14.00 адбудзецца благаслаўленне матуль, якія чакаюць нараджэння дзіцяці.
- Трывае Адвэнт. Рараты ў нашым касцёле адбываюцца штодзённа (апроч нядзелі).
Рараты для дарослых (ат, чц і сб) а 10.00.
Рараты для дзяцей і моладзі (пн, ср і пт ) а 19.00.
На Рараты прыносім свечкі, а дзеці – ліхтарыкі.
- 16 снежня (пн) распачнем Навэнну да Дзіцяткі Езуса.
- 17 снежня (ат) –у Касцёле распачнецца другая частка Адвэнту – час непасрэднай падрыхтоўкі да ўрачыстасці Божага Нараджэння. А 10.00 гадз. адбудзецца св. Імша ў інтэнцыі за душы церпячыя ў чысцы.
- (чц) –У нашай парафіі будзе Дзень споведзі перад Урачыстасцю Божага Нараджэння. Духоўна падрыхтавацца да святаў дапаможа нам кс. Віктар Ханько, пробашч парафіі Маці Божай Тройчы Цудоўнай у Мастах, які таксама з’яўляецца дзеканам Мастоўскага дэканату.
Святары будуць спавядаць: з 9.00 да 12.30
потым з 14.00 да 17.30
і ўвечары з 18.00 – 20.00
Вялікая прасьба да ўсіх парафіянаў! Калі ласка, заплануйце свой час такім чынам, каб прыйсці і паяднацца з Богам у сакрамэнце пакаяння. Спавядаць будуць святары з нашага Шчучынскага дэканату. Таксама, перадайце гэту інфармацыю тым нашым парафіянам, хто не ведае пра дзень споведзі ў нашай парафіі, бо рэдка ходзіць у касцёл. Вялікая просьба не адкладваць споведзь на апошнія дні Адвэнту, бо потым двум святарам будзе складана ўсіх паспавядаць. Пастаўцеся да гэтай просьбы адказна і са зразуменнем!
Парадак св. Імшаў у дзень споведзі:
10.00; 11.30; 15.00; 19.00 – св. Імшы з навукай для дарослых.
16.30 – св. Імша з навукай для дзяцей і моладзі.
- Парадак адведвання хворых у г. Шчучыне:
- снежня (ср) – частка горада ад аўтастанцыі да возера.
21снежня (сб) – частка горада ад касцёла да “Масласырзавода”. Хворых будзем адведваць адпаведна з тым, як каму зручна (зранку ці ўвечары).
- 22 снежня – IV-я Нядзеля Адвэнту – У гэты дзень напачатку св. Імшы а 14.00 скаўты перадуць у нашу святыню “Бэтлеемскае святло міру”. Таму, пасля кожнай св. Імшы да 24 снежня (уключна) можна будзе ўзяць Бэтлеемскі агонь у свае дамы. Для гэтага трэба прынесці лампадку.
- У сакрыстыі можна набываць аплаткі на вігілійны стол, календары на наступны год, газету “Слова Жыцця” з каляровым укладышам-каляндаром на 2025 г., а таксама “Калядныя свечкі” ад “Карытас” Гродзенскай дыяцэзіі. Сабраныя сродкі ад продажу свечак будуць прызначаны на дапамогу дзецям, якія знаходзяцца ў патрэбе. Дзякуем усім тым, хто кожны год далучаецца да гэтай дабрачыннай акцыі і заахвочваем набываць“Калядныя свечкі”.
- Да 22 снежня (уключна) у сакрыстыі запісваем на душпастырскае наведванне сем’яў (на каляду). Каляда ў нашай парафіі распачнецца 27 снежня (пт).
- У гэтым годзе адведванне сем’яў з душпастырскім візітам адбудзецца ў Шчучыне на наступных вуліцах:
Вуліцы каля скрыжавання на ўездзе ў Шчучын: вул. Новая, Паўночны завулак, І.Мележа, Рабінавая, Лідская, Кляновая, Вербная, Каштанавы завулак, вул. Каштанавая, Палявая, Сонечная, Паўночна-Усходняя, Паўночна-Усходні завулак.
Вуліцы на г.зв.“Поле Цудаў”: вул. Ажэшкі, Дружбы, Гродзенская, Гродзенскі завулак, Ф.Скарыны і дамы (часны сектар) па вул. Пушкіна – гэта значыць ад вул. Пралетарскай (за могілкамі у бок аб’яздной дарогі).
Вуліцы на Паўднёвым Захадзе горада: вул. Заходняя, Будаўнікоў, Паўднёва-Заходняя, Рудóга.
Святары і дыякан будуць хадзіць выключна паводле запісу.Трэба запісацца індывідуальна ў сакрыстыі, або прынесці спіскі з вуліц (прыватны сектар) або з дамоў (ці з пад’ездаў).
- З душпастырскімі аб’явамі можна азнаёміцца на дошцы аб’яў або на інтэрнэт-старонцы: www.pijary.infо
- Усім вялікі дзякуй за Вашу прысутнасць, супольную малітву і ахвяраванні. Няхай добры Бог благаслаўляе нас на перажыванне Трэцяга тыдня Адвэнту.