Рыма – каталіцкая парафія
імя Унебаўзяцця Маці Божай у Лідзе (м-н Індустрыяльны)
ДУШПАСТЫРСКІЯ АБ’ЯВЫ
на І-ю НЯДЗЕЛЮ АДВЭНТУ /С/
01.12.2024 г.
- Сёння – І-я Нядзеля Адвэнту. Распачынаецца новы літургічны і душпастырскі год. Касцёл заахвочвае нас ў гэты перыяд засяродзіцца над адносінамі з Богам і сваім духовым жыццём, каб перажыць гэты час пабожна і ў трэзвасці.
Св. Імшы ў гонар Маці Божай – Рараты – у нашым касцёле будуць праходзіць штодзённа а 7.00 (акрамя нядзелі). Дзяцей і моладзь на Рараты запрашаем у панядзелак, сераду і пятніцу а 7.00 гадз.
Таксама сёння перажываем першую нядзелю месяца. Пасля св. Імшы а 10.00 гадз. адбудзецца выстаўленне Найсвяцейшага Сакрамэнту і змена ружанцовых таямніцаў. Інтэнцыя на месяц снежань: малітва аб Божым благаслаўленні для сужонкаў і сем’яў нашай парафіі, а таксама аб плённым перажыванні перыяду Адвэнту.
З літургічнага календара:
- 3 снежня (ат) – успамін св. Францішка Ксавэрыя, святара.
- 4 снежня (ср) – набажэнства і складковая св. Імша аб здароўе і патрэбныя ласкі праз заступніцтва Маці Божай Нястомнай Дапамогі адбудзецца ў 18.30.
- 5 снежня (чц) – першы чацвер месяца. У гэты дзень будзем маліцца аб святарскіх, манаскіх і місійных пакліканнях падчас св. Імшы ў 18.30.
- 6 снежня (пт) – свята Гадавіна пасвячэння Базылікі катэдральнай у Гродне. Таксама ў гэты дзень успамінаем святога Мікалая, біскупа.
Першапятнічная споведзь будзе раніцай і ўвечары перад св. Імшамі, а набажэнства ў гонар Найсвяцейшага Сэрца Пана Езуса адбудзецца пасля вячэрняй св. Імшы.
- 7 снежня (сб) – успамін св. Амброзія, біскупа і доктара Касцёла.
Гэта першая субота месяца. У гэты дзень з 11.00 гадз. распачнецца перадсвяточная споведзь для старэйшых і хворых парафіянаў у Чэхаўцах і Верх-Лідзе.
Св. Імша складковая за памерлых адбудзецца не раніцай, а вечарам у 18.30. Набажэнства ў гонар Беззаганнага Сэрца НПМ будзе пасля вячэрняй св. Імшы.
Таксама ў суботу, прыкладна у 19.15 у касцёле адбудзецца адарацыя Найсвяцейшага Сакрамэнту для моладзі і тых, хто лічыць сябе маладым.
- Па той прычыне, што ў гэтым годзе 8 снежня прыпадае на нядзелю, Урачыстасць Беззаганнага Зачацця Найсвяцейшай Панны Марыі пераносіцца на панядзелак – 9 снежня.
- У наступную нядзелю будзем маліцца за дарчынцаў Касцёла на Гродзеншчыне.
Іншыя аб’явы:
- У наступную нядзелю, прыкладна а 19.00 гадз. адбудзецца чарговая сустрэча для настаўнікаў і выхавацеляў.
- Вялікая просьба, каб да наступнай нядзелі, 8 снежня (уключна), ў сакрыстыі запісваць старэйшых і хворых парафіянаў, якія ўжо самыя не могуць прыйсці ці прыехаць у касцёл, каб перад святамі паспавядацца і прыняць св. Камунію.
- Інфармацыя адносна запісу на Душпастырскае адведванне сем’яў (каляду) будзе пададзена ў наступную нядзелю.
- У сакрыстыі ёсць магчымасць запісаць інтэнцыі св. Імшаў на наступны 2025 г.
- У касцёльным кіёску можна набываць календары і аплаткі на вігілійны стол.
- З душпастырскімі аб’яваміможна азнаёміццана інтэрнэт-старонцы: pijary.info альбо таксама ў нашай парафіяльнай суполцы ў сацыяльнай сетцы Viber.
- Дзякуем усім за супольную малітву, за ўсе ахвяраванні і жадаем благаслаўлёнага новага тыдня!