Рыма – каталіцкая парафія
імя Унебаўзяцця Маці Божай у Лідзе (м-н Індустрыяльны)
ДУШПАСТЫРСКІЯ АБ’ЯВЫ
ХXV Звычайную Нядзелю /B/
22.09.2024 г.
- Сёння адзначаеццаСусветны Дзень мігранта і бежанца.
З літургічнага календара:
- 23 верасня (пн) – успамін св. Айца Піо, святара і законніка.
- 25 верасня (ср) – Каласансаўскі дзень.Падчас ранішняй і вячэрняй св. Імшаў у гонар св. Юзафа Каласанса будзем выпрóшваць патрэбныя ласкі і Божыя дары для дзяцей і моладзі, выкладчыкаў і настаўнікаў, выхавацеляў і катэхетаў. Сардэчна запрашаем.
- 27верасня (пт) – успамін св. Вінцэнта дэ Поля, святара.
- 28верасня (сб) – успамін св. Вацлава, мучаніка.
- У наступную нядзелю – 29 верасня – з нагоды свята святых Арханёлаў, будзем маліцца за Пастыраў і вернікаў Касцёла нашай краіны. Св. Арханёл Міхал з’яўляецца апякунам Каталіцкага Касцёла ў Беларусі.
Іншыя аб’явы:
- Далей запісваем жадаючых спяваць у дзіцячым хоры. Зацікаўленых просім звяртацца ў сакрыстыю.
- У гэтым навучальным годзе хочам запрапанаваць у нашай парафіі сустрэчы для маладых сямейных пар. Сустрэчы, якія будуць праходзіць раз на месяц, накіраваны на ўмацаванне сямейнага жыцця, праз малітву, супольнае разважанне над словам Божым і праз уласнае сведчанне сужэнцаў. Першая арганізацыйная сустрэча адбудзецца ў наступную нядзелю, 29 верасня, пасля святой Імшы для дзяцей.
- Таксама ў наступную нядзелю, пасля святых Імшаў, запрашаем у сакрыстыю зэляторак – адказных за кола Жывога Ружанца ў нашай парафіі, на кароткую сустрэчу, прысвечаную месяцу ружанцовай малітве.
- Запрашаем дарослых да чытання Літургіі Слова падчас святых Імшаў, так у будні дзень, як і ў нядзелю. Усе падрабязнасці, як і калі чытаць Божае Слова, можна будзе знайсці ў Вайберы на нашым парафіяльным канале.
- У сакрыстыі можна запісаць інтэнцыі св. Імшаў.
- З душпастырскімі аб’явамі можна азнаёміццана інтэрнэт-старонцы: www.pijary.info альбо таксама ў нашай парафіяльнай суполцы ў сацыяльнай сетцы Viber.
- Дзякуем усім за супольную малітву, за ўсе ахвяраванні і жадаем благаслаўлёнага новага тыдня.