Рыма – каталіцкая парафія
імя Унебаўзяцця Маці Божай у Лідзе (м-н Індустрыяльны)
ДУШПАСТЫРСКІЯ АБ’ЯВЫ
ХXІІІ Звычайную Нядзелю /B/
08.09.2024 г.
- Сёння –з нагоды свята Нараджэння НПМ, напрыканцы кожнай св. Імшы адбудзецца благаслаўленне зерня на сяўбу.
- Таксама сёння пасля вячэрняй св. Імшы (прыкладна а 19:00 гадз.) адбудзецца першая, у гэтым навучальным годзе, сустрэча для настаўнікаў і выхавацеляў. Усіх ахвотных педагогаў сардэчна запрашаем!
З літургічнага календара:
- 12 верасня (чц) – успамін Найсвяцейшага імя Марыі, а ў Ордэне піяраў – гэта свята.
- 13верасня (пт) – успамін св. Яна Хрызастома (Залатавýснага) біскупа і доктара Касцёла.
- 14верасня (сб) – свята Узвышэння Св. Крыжа.
- У наступную нядзелю, 15 верасня, ахвяраванні складзеныя на тацу, будуць прызначаны на патрэбы Гродзенскай дыяцэзіі.
Іншыя аб’явы:
- На гэтым тыдні ў нашай парафіі ўжо распачнуцца ўрокі па рэлігіі. Хто яшчэ са школьнікаў не запісаўся, можна гэта ўчыніць сёння пасля св. Імшы ў сакрыстыі. Расклад катэхезы знаходзіцца на дошцы аб’яваў, або на інтэрнэт-старонцы www.pijary.info
- Запрашаем уміністранты хлапчукоў пасля першай св. Камуніі, таксама дзяўчынкі і хлапчукоў удзіцячы хор. Запісацца можна
ў сакрыстыі.
- Таксама будзе набірацца група для дарослых і працуючай моладзі, якія па розных прычынах яшчэ не прынялі сакрамэнт бежмавання. Запісвацца можна да наступнай нядзелі ўключна.
- 12 кастрычніка ў санктуарыі Маці Божай Барунскай адбудзецца Каранацыя цудадзейнага абраза св. Марыі. У рамках падрыхтоўкі да гэтай урачыстасці пачалася Навэна да Маці Божай. На працягу дзевяці тыдняў кожны з дэканатаў нашай Гродзенскай дыяцэзіі здзяйсняе пілігрымку ў гэтую святыню, каб памаліцца за Касцёл
ў Беларусі, за нашу Краіну і за ўсе сем’і. Наведванне гэтага святога месца для нашага (Лідскага) дэканата прыпадае на бліжэйшую суботу, 14 верасня. Хто хацеў бы ўзяць удзел у пілігрымцы да Маці Божай Барунскай, неабходна запісацца ў сакрыстыі да аўторка ўключна.
- У нашай парафіі ў сацыяльнай сетцы вайбер з’явілася свая суполка. У шматлікіх парафій ёсць вялікі досвед падобнай практыкі, напрыклад можна хутка азнаёміцца з душпастырскімі аб’явамі ці іншай карыснай інфармацыяй. Вырашылі паспрабаваць і мы стварыць свой вайбер-канал. Далучыцца да гэтай суполкі можна альбо праз qr-код, размешчаны на дошцы аб’яваў, альбо папрасіць тых, хто ўжо знаходзіцца ў гэтым чаце, далучыць вас.
- У сакрыстыі можна запісваць інтэнцыі св. Імшаў.
- Вялікі дзякуй усім за прысутнасць, супольную малітву, за ўсе Вашы ахвяраванні. Дзякуем таксама ўсім, хто на мінулым тыдні дапамагаў нам вырашаць розныя гаспадарчыя пытанні, якія датычацца нашай парафіі.