Р ы м а – к а т а л і ц к а я п а р а ф і я
імя Унебаўзяцця Маці Божай у Лідзе (м-н Індустрыяльны)
Д У Ш П А С Т Ы Р С К І Я А Б ’ Я В Ы
на
ХXІ Звычайную Нядзелю /В/
25.08.2024
- Учора ў нашай парафіі закончыліся “Канікулы з Богам”. Выказваю вялікі дзякуй маім сабратам а. Віталію Сл., брату Паўлу П. і кл. Аляксандру Д. а таксама ўсім выхавацелям (моладзі) нашай прафіі за дапамогу ў правядзенні гэтай акцыі. Удзельнічала ўсіх больш за 400 асоб. Выказваю сваю падзяку Вам, дарагія парафіяне за ахвяраванні, якія Вы складалі ў скарбонку на правядзенне “Канікул з Богам”. Няхай з цудоўным настроем дзеці і моладзь увойдуць у чарговы навучальны год.
З літургічнага календара:
- Сёння, 25 жніўня (нд) – Урачыстасць св. Юзафа Каласанса, заснавальніка Ордэна Піяраў і першай у Еўропе бясплатнай школы для ўсіх дзяцей. Наша парафіяльная супольнасць перажывае адпустовую ўрачыстасць у сувязі з тытулам нашага касцёла ў гонар св. Юзафа Каласанса. У гэтым годзе адпуст прыпадае ў нядзелю. Святыя Імшы ў нашым касцёле будуць як у кожную нядзелю. Галоўная адпустовая св. Імша, якую ўзначаліць Кс. Біскуп Уладзімір Гуляй, Каад’ютар Гродзенскай Дыяцэзіі, распачнецца а 18.00 з Эўхарыстычнай працэсіяй. Падчас гэтай адпустовай св. Імшы, Дэкан Лідскага дэканату кс. Андрэй Роўба ўвядзе на пасаду новага пробашча а. Віталія Слуку. Напрыканцы св. Імшы да парафіянаў звернецца а. Аляксандр М. Усіх сардэчна запрашаем!
- 26 жніўня (пн) – Успамін НПМ Чэнстахоўскай.
- 27 жніўня (ат) – Успамін св. Монікі.
- 28 жніўня (ср) – Успамін св. Аўгустына, біскупа і доктара Касцёла.
- 29 жніўня (чц) – Успамін Мучаніцтва св. Яна Хрысціцеля.
- 1 верасня (нд) – Распачацце новага навучальнага, катэхетычнага і акадэмічнага года. Таксама гэта дзень малітвы за ўсіх загінулых падчас ІІ-й Сусветнай вайны. У бягучым годзе прыпадае 85-я гадавіна выбуху гэтай вайны. Будзем маліцца аб супакоі ў свеце, а таксама аб клопаце пра стварэнне з нагоды Сусветнага дня малітвы аб ахове стварэння. Гэта таксама Першая нядзеля месяца (адарацыйная).Пасля св. Імшы а 10.00 адбудзецца выстаўленне Найсвяцейшага Сакрамэнту і адарацыя. Пасля благаслаўлення адбудзецца змена ружанцовых таямніцаў.
Інтэнцыя на месяц верасень: Будзе малітва ў інтэнцыі аб Божым благаслаўленні ўсіх школьнікаў і студэнтаў, педагогаў і выкладчыкаў у новым навучальным і акадэмічным годзе.
Таксама, у наступную нядзелю падчас св. Імшы а 10.00 адбудзецца прывітанне ў парафіі вікарыя кс. Андрэя Агеля.
А ў 11.30 адбудзецца св. Імша з благаслаўленнем школьных прыладаў. Сардэчна запрашаем усіх школьнікаў, навучэнцаў і студэнтаў прыняць благаслаўленне на новы навучальны год!
- Інфармацыя адносна запісу на катэхезу (урокаў па рэлігіі) будзе пададзена ў наступную нядзелю 1 верасня.
- У сакрыстыі запісваем інтэнцыі св. Імшаў індывідуальныя і складковыя.
- З душпастырскімі аб’явамі нашай парафіі можна азнаёміццатаксама на інтэрнэт-старонцы: www.pijary.info
- Вялікі дзякуй усім Вам за прысутнасць у гэты нядзельны і адпустовы дзень, за малітву і за Вашы ахвяраванні. Дзякуй усім тым, хто ахвяраваў кветкі для ўпрыгожвання нашай святыні. Вялікая просьба каб прыносіць кветкі найлепей у пятніцу перад вячэрняй св. Імшой. Няхай Бог усім Вам аддзячыць!
- Жадаем ўсім добрай нядзелі і благаслаўлёнага новага тыдня!