Р ы м а – к а т а л і ц к а я п а р а ф і я
імя Унебаўзяцця Маці Божай у Лідзе (м-н Індустрыяльны)
Д У Ш П А С Т Ы Р С К І Я А Б ’ Я В Ы
на
ХVІІ Звычайную Нядзелю /В/
28.07.2024
- У сувязі з літургічным успамінам св. Крыштафа, мучаніка, апякуна вадзіцеляў і падарожных, які адзначаўся 25 ліпеня,сённяпасля кожнай св. Імшы на паркінгу каля касцёла адбудзецца благаслаўленне вадзіцеляў і транспартных сродкаў. Заахвочваем усіх вадзіцеляў прыняць спецыяльнае благаслаўленне. Таксама, сёння ў Касцёле адзначаецца Сусветны дзень дзядуль, бабуль і пажылых людзей. Гэты дзеньправодзіцца ў 4-ю нядзелю ліпеня для таго, каб “паказаць блізкасць Бога і Касцёла да кожнага пажылога чалавека”. Касцёл заахвочвае ўсіх нас да малітвы за пажылых людзей і прапануе, асабліва моладзі, наведаць сваіх бабуль і дзядуль ці адзінокіх, пажылых людзей, а таксама памаліцца аб вечным жыцці для тых, хто ўжо адышоў з гэтага свету.
- 29 ліпеня (пн) – Успамін св. Марты, Марыі і Лазара.
- 31 ліпеня (ср) – Успамін св. Ігнацыя Лаёлы, святара.
- 1 жніўня (чц) – Успамін св. Альфонса Лігуоры, біскупа і дК. Гэта першы чацвер месяца. У гэты дзень будзем маліцца аб святарскіх, манаскіх і місійных пакліканнях. У гэтай інтэнцыі будзе цэлебравацца св. Імша ў 18.30.
- 2 жніўня (пт) – Успамін Маці Божай Анёльскай. У гэты дзеньможна атрымаць поўны Адпуст Парцыюнкулі. Св. Францішак памёр у невялічкай хатцы ў Парцыюнкулі непадалёк ад Асізі. Адсюль і такая назва: Адпуст Парцыюнкулі. Нагадваем, што адпуст можна ахвяраваць за сябе, або ў інтэнцыі аднаго памерлага (умовы атрымання адпусту: прысутнасць на
св. Імшы ў касцёле, не быць прывязаным да цяжкага граху, быць пасля споведзі і прыняць Св. Камунію, памаліцца ў інтэнцыях Папы Францішка). Гэта таксама першая пятніца месяца. Набажэнства ў гонар Найсвяцейшага Сэрца Пана Езуса адбудзецца пасля вячэрняй св. Імшы. Першапятнічная споведзь будзе перад св. Імшамі.
- 3 жніўня – Першая субота месяца. Св. Імша складковая за памерлых будзе а 9.00. Набажэнства ў гонар Беззаганнага Сэрца Маці Божай адбудзецца пасля вячэрняй св. Імшы.
- 4 жніўня – Першая нядзеля месяца (адарацыйная).Пасля св. Імшы а 10.00 адбудзецца выстаўленне Найсвяцейшага Сакрамэнту і кароткая адарацыя. Пасля благаслаўлення адбудзецца змена ружанцовых таямніцаў.
Інтэнцыя на месяц жнівень: Будзе малітва ў інтэнцыі аб цвярозасці ў нашых сем’ях і аб вызваленні ўсіх залежных ад алкаголю і іншых залежнасцяў.
- З 18 па 25 жніўня ў нашай парафіі адбудуцца Канікулы з Богам для дзяцей ад дашкольнікаў па 11 кл. Запісвацца можна кожны дзень перад або пасля святой Імшы ў сакрыстыі. Перад алтаром да 11 жніўня (уключна) будзе знаходзіцца скарбонка, у якую можна складаць свае ахвяраванні, каб падтрымаць рэалізацыю акцыі “Канікулы з Богам” для дзяцей з нашай парафіі.
- Заахвочваем прыносіць кветкі, каб імі ўпрыгожыць нашу святыню. Найлепш прыносіць кветкі перад вячэрняй св. Імшой у пятніцу.
- У сакрыстыі запісваем інтэнцыі св. Імшаў індывідуальныя і складковыя.
- З душпастырскімі аб’явамі нашай парафіі можна таксама азнаёміццана інтэрнэт-старонцы www.pijary.info
- Вялікі дзякуй за Вашы ахвяраванні. Жадаем усім Вам добрага і плённага новага тыдня!