Р ы м а – к а т а л і ц к а я п а р а ф і я
імя Унебаўзяцця Маці Божай у Лідзе (м-н Індустрыяльны)
Д У Ш П А С Т Ы Р С К І Я А Б ’ Я В Ы
на
ХV Звычайная Нядзеля /В/
14.07.2024
- 16 ліпеня (ат) – Успамін НПМ з гары Кармэль.
- 20 ліпеня (сб) – У гэты дзень узгадваецца чарговая гадавіна мучаніцкай смерці благаслаўлёнай Мар’яны Бярнацкай, святароў і жыхароў Гродна і ваколіц, растраляных гітлераўцамі з 13 па 16 ліпеня 1943 г. на фартáх каля Навýмавіч.
- З 18 па 25 жніўня ў нашай парафіі адбудуцца Канікулы з Богам. Запрашаем да ўдзелу дзяцей з 1 па 11 кл. Запісвацца можна ўжо з заўтрашняга дня перад або пасля святой Імшы і толькі ў сакрыстыі. Не запісваем па тэлефоне, ці праз інстаграм. Святар не носіць увесь час спіскі з сабой. Спіскі знаходзяцца ў сакрыстыі, таму вельмі просім прыйсці ў сакрыстыю перад або пасля святой Імшы і запісацца. Арганізацыю гэтага мерапрыемства для дзяцей з нашай парафіі заахвочваем падтрымаць таксама і сваімі ахвяраваннямі, якія будуць прызначаны на пасілкі і падарункі для дзяцей. Перад алтаром да 11 жніўня (уключна) будзе знаходзіцца скарбонка, у якую можна складаць добраахвотныя ахвяраванні на рэалізацыю Канікул з Богам. Заахвочваем, каб мы ўсе разам, як адна парафіяльная сям’я, прычыніліся да арганізацыі гэтага тыдня летняга адпачынку для дзяцей і моладзі нашай парафіі!
- У пятніцу (12 ліпеня) у пілігрымку ў Санктуарый МБ у Тракелях хадзіла і група вернікаў з нашай парафіі. У пілігрымцы ўдзельнічала 84 асобы разам з дзецьмі. Вялікі дзякуй усім удзельнікам пілігрымкі (і транспарту, які кожны год нас суправаджае) за вашае жаданне ісці да Марыі, за вашу паставу, адкрытае сэрца і асабістае сведчанне вашай веры.
- З душпастырскімі аб’явамі нашай парафіі можна азнаёміццана інтэрнэт-старонцы www.pijary.info
- Ёсць новы нумар газеты „Слова Жыцця”. Заахвочваем браць і чытаць каталіцкую прэсу.
- Заахвочваем прыносіць кветкі, каб імі ўпрыгожыць нашу парафіяльную святыню. Найлепш прыносіць кветкі перад вячэрняй св. Імшой у пятніцу.
- Вялікі дзякуй за супольную малітву, усе Вашы ахвяраванні і жадаем усім Вам добрага нядзельнага дня і шчаслівага новага тыдня!