Р ы м а – к а т а л і ц к а я п а р а ф і я
імя Унебаўзяцця Маці Божай у Лідзе (м-н Індустрыяльны)
Д У Ш П А С Т Ы Р С К І Я А Б ’ Я В Ы
на
НЯДЗЕЛЮ –
СВЯТА СВ. СЯМ’І: ЕЗУСА, МАРЫІ і ЮЗАФА /В/
31.12.2023
- 31 снежня – Свята Святой Сям’і: Езуса, Марыі і Юзафа. Адпустовая ўрачыстасць парафіі св. Сям’і ў Лідзе на вул. Тухачэўскага, адбудзецца а 13.00. Пасля вячэрняй св. Імшы а 18.00 у нашым касцёле адбудзецца выстаўленне Найсвяцейшага Сакрамэнту і набажэнства падзякі Пану Богу за атрыманыя ласкі і дары ў адыходзячым 2023 годзе. У гэты дзень за публічную малітву ці спеў гімна Цябе Бога праслаўляем…, можна атрымаць поўны адпуст захоўваючы звычайныя ўмовы: трэба быць у стане асвячальнай ласкі г.зн. быць пасля споведзі, прыняць св. Камунію і памаліцца ў інтэнцыях у якіх моліцца Папа Францішак.
- 1 студзеня (пн) – Новы год і заканчэнне Актавы Божага Нараджэння. У Касцёле адзначаецца ўрачыстасць Багародзіцы Марыі. Таксама гэта Сусветны дзень малітвы аб міры ў свеце. У гэты дзень за публічную малітву ці спеў гімна Прыйдзі, Стварыцель Дух Святы… (O Stworzycielu Duchu przyjdź…), можна атрымаць поўны адпуст захоўваючы звычайныя ўмовы. Таму, 1-га студзеня будзем спяваць гімн да Духа Св. на распачацце святых Імшаў. Св. Імшы 1-а студзеня ў нашым касцёле будуць а 10.00 і ў 11.30.
- 2 студзеня (ат) – Успамін св. Базыля Вялікага і Грыгорыя Назіянзскага, біскупаў і доктараў Касцёла.
- 3 студзеня – Першая серада месяца. Набажэнства і складковая св. Імша Аб патрэбных ласках праз заступніцтва НПМ Нястомнай дапамогі распачнеццаў 18.30.
- 4 студзеня – Першы чацвер месяца. У гэты дзень асабліва будзем маліцца аб святарскіх, манаскіх і місійных пакліканнях. У гэтай інтэнцыі будзе цэлебравацца вячэрняя св. Імша ў 18.30.
- 5 студзеня – Першая пятніца месяца. Складковая св. Імша за памерлых адбудзецца ў пятніцу падчас вячэрняй св. Імшы ў 18.30. Першапятнічная споведзь будзе перад святымі Імшамі, а набажэнства ў гонар Найсвяцейшага Сэрца Пана Езуса адбудзецца пасля вячэрняй св. Імшы.
- 6 студзеня (сб) – Урачыстасць Аб’яўлення Пана (Трох Каралёў). Таксама гэта Сусветны місійны дзень дзяцей. Святыя Імшы з абрадам благаслаўлення крэйды і кадзіла ў нашым касцёле адбудуцца а 9.00 і ў 18.00. Крэйду для благаслаўлення трэба прынесці з сабою або набыць у касцёльным кіёску.Гэта таксама першая субота месяца. 6 студзеня будзе магчымасць скласці ахвяраванні на ўтрыманне семінарыстаў МВДС у Гродне ў спецыяльную скарбонку, якая будзе знаходзіцца перад алтаром.
- У наступную нядзелю 7 студзеня – Свята Хросту Пана і заканчэнне літургічнага перыяду Божага Нараджэння. Згодна з традыцыяй, калядкі спяваем да 2 лютага (уключна). У наступную нядзелю, асаблівым чынам будзем памятаць у малітвах пра святароў, якія ўдзялілі нам сакрамэнт хросту, а таксама пра нашых бацькоў і хросных. У наступную нядзелю няхай кожны прынясе свечку. З запаленымі свечкамі будзем вызнаваць нашу веру і аднаўляць абяцанні св. хросту. Таксама ў наступную нядзелю напрыканцы святых Імшаў адбудзецца абрад благаслаўлення вады. Ваду для благаслаўлення трэба прынесці з сабою. Таксама, гэта першая нядзеля месяца (адарацыйная). Пасля св. Імшы а 10.00 адбудзецца выстаўленне Найсвяцейшага Сакрамэнту і адарацыя. Пасля благаслаўлення адбудзецца змена ружанцовых таямніцаў. Інтэнцыя на месяц студзень: Будзе малітва Аб адзінстве паміж вернікамі ўсіх хрысціянскіх веравызнанняў у Беларусі.Вячэрнюю св. Імшу а 18.00 ўзначаліць арцыбіскуп Юзаф Станеўскі Мітрапаліт Мінска-Магілёўскі. Спадзяемся, што кс. арцыбіскуп Юзаф у гэты дзень будзе маліцца з намі, прыме нашае аднаўленне абяцанняў хросту і благаславіць ваду.
- У сакрыстыі запісваем інтэнцыісв. Імшаў на наступны год.
- Расклад Душпастырскага наведвання сем’яў:
4 студзеня (чацвер):
з 18.00: вул. Сасновая д.22; д.24/1.
з 19.30: вул. Сасновая д.24/2; вул. Прытыцкага д.4/1.
5 студзеня (пятніца):
з 18.00: вул. Прытыцкага д.4/3.
з 19.30: вул. Прытыцкага д.6/2.
- З парафіяльнымі аб’явамі і раскладам душпастырскага наведвання сем’яў можна азнаёміцца на інтэрнэт-старонцы www.pijary.infо
- Усім вялікі дзякуй за Вашу прысутнасць, супольную малітву і ахвяраванні. Няхай добры Бог благаслаўляе ўсіх нас на распачацце Новага года.