Р ы м а – к а т а л і ц к а я п а р а ф і я
імя Унебаўзяцця Маці Божай у Лідзе (м-н Індустрыяльны)
Д У Ш П А С Т Ы Р С К І Я А Б ’ Я В Ы
на
ІІ-ю НЯДЗЕЛЮ АДВЭНТУ /В/
10.12.2023 г.
- Сёння 10 снежня – ІІ-я Нядзеля Адвэнту, падчас якой асаблівым чынам молімся за дарчынцаў Касцёла на Гродзеншчыне.
Трывае Адвэнт. Рараты ў нашым касцёле адбываюцца штодзённа а 7.00 (апроч нядзелі). Рараты для дзяцей (пн, ср і пт) а 7.00. На Рараты прыносім свечкі, а дзеці – ліхтарыкі.
- 13 снежня (ср) – успамін св. Люцыі, панны і мучаніцы.
- 14 снежня (чц) – успамін св. Яна ад Крыжа, святара і доктара Касцёла.
- 16 снежня (сб) распачнем навэнну да Дзіцяткі Езуса.
- Вялікая просьба, каб да 16 снежня ў сакрыстыі запісваць старэйшых і хворых парафіянаў, якія ўжо самыя не могуць прыйсці ці прыехаць у касцёл каб перад святамі паспавядацца, прыняць св. Камунію і сакрамэнт намашчэння хворых. Вялікая просьба не адкладваць на апошнія дні перад святамі.
- 17 снежня (у наступную нядзелю) у Касцёле распачнецца другая частка Адвэнту – час непасрэднай падрыхтоўкі да ўрачыстасці Божага Нараджэння. У наш касцёл на пачатку св. Імшы а 10.00 прыбудзе бэтлеемскі агонь, які можна будзе ўзяць да дому пасля кожнай св. Імшы на працягу ўсіх дзён да 24 снежня (уключна). Таксама, у наступную нядзелю пасля кожнай св. Імшы (перад алтаром) адбудзецца малітва і благаслаўленне маці, якія чакаюць патомства. Ахвяраванні складзеныя на тацу ў наступную нядзелю, будуць прызначаны на патрэбы Гродзенскай дыяцэзіі.
- Дзень споведзі перад урачыстасцю Божага Нараджэння
ў нашай парафіі адбудзецца 19 снежня (ат).
- У сакрыстыі запісваем інтэнцыісв. Імшаў на 2024 год.
- Да 24 снежня ў сакрыстыі запісваем на душпастырскае наведванне сем’яў (на каляду). Каляда ў нашай парафіі распачнецца 27 снежня (ср).
- У касцёльным кіёску можна набываць аплаткі на вігілійны стол, календары на наступны год, новы нумар газеты “Слова Жыцця” з каляндаром-укладышам на 2024 г., а таксама “Калядныя свечкі” ад “Карытас” Гродзенскай дыяцэзіі. Сабраныя сродкі ад продажу свечак будуць прызначаны на дапамогу дзецям, якія знаходзяцца ў патрэбе. Дзякуем усім тым, хто кожны год далучаецца да гэтай дабрачыннай акцыі і заахвочваем набываць“Вігілійныя свечкі”.
- З душпастырскімі аб’явамі можна азнаёміцца таксама на інтэрнэт-старонцы www.pijary.infо
- Усім вялікі дзякуй за Вашу прысутнасць, супольную малітву і ахвяраванні. Жадаем Вам плённага і радаснага перажывання
ІІ-а тыдня Адвэнту!