PIJARY.INFO

Д У Ш П А С Т Ы Р С К І Я  А Б ’ Я В Ы 

на

Нядзелю Змёртвыхпаўстання Пана /А/

09.04.2023 г.

• Сёння Нядзеля Змёртвыхпаўстання Пана (Пасха) і заканчэнне Пасхальнага Трыдуума. Распачалася Велікодная актава, якая будзе трываць да 16 красавіка – Нядзелі Божай Міласэрнасці. Сёння яшчэ будзе св. Імша а 11.30 для ўсіх вернікаў. Сёння трэці дзень навэнны да Божай Міласэрнасці.
• 10 красавіка - Велікодны панядзелак. Св. Імшы ў нашым касцёле адбудуцца раніцай а 9.00, а вечарам у 18.30.
• 13 красавіка (чц) – 32-я гадавіна прэканізáцыі (г.зн. зацвярджэнне і абвяшчэнне намінацыі) б-па Аляксандра Кашкевіча і заснаванне ў 1991г. Гродзенскай дыяцэзіі св. Папам Рымскім Янам Паўлам ІІ. Таму, у гэты дзень асаблівым чынам будзем маліцца за Пастыра нашай дыяцэзіі.
• Трывае велікодная актава, таму 14 красавіка (пт) посту няма.
• 16 красавіка — наступная нядзеля — Урачыстасць Божай Міласэрнасці. Парафіяльны адпуст у парафіі Божай Міласэрнасці ў м-не Маладзёжны адбудзецца а 13.00 гадзіне.      

• У сакрыстыі запісваем інтэнцыі св. Імшаў індывідуальныя і складковыя.

• Вялікі дзякуй за ўсе Вашы ахвяраванні на патрэбы нашага касцёла і парафіі.

• Віншаванні кс. біскупа Аляксандра Кашкевіча: https://grodnensis.by/nawiny/11706-vinshavanni-biskupa grodzenskaga-alyaksandra-kashkevicha-na-rachystasts-uvaskrasennya-pana-2023.html

• Дарагія парафіяне і госці нашай парафіі! Таксама і ад нашай піярскай супольнасці прыміце самыя шчырыя пажаданні з нагоды ўрачыстасці Змёртвыхпаўстання Пана. Няхай пасхальная Праўда дапамагае кожнаму знайсці адказы на актуальныя выклікі ў нашым штодзённым жыцці. Пасхальная радасць і яе навізна, няхай асвятляе і напаўняе ў гэты няпросты час усе нашыя сем’і, месцы працы, вучобы і ўсю нашу Бацькаўшчыну! Няхай ўваскрослы Езус сваёй ласкай дапамагае ўсім нам штодзённа ўваскрасаць да новага жыцця і толькі Яго прызнаваць сваім Богам і Збаўцам. Жадаем усім радасных, поўных спакою пасхальных святаў! Хрыстус Уваскрос! Сапраўды Уваскрос! Аллелюя!