PIJARY.INFO

 

Д У Ш П А С Т Ы Р С К І Я  А Б ’ Я В Ы 

на

Пальмóвую нядзелю — Мýкі Пана /А/

02.04.2023 г.

• Сёння Пальмóвая (або вербная) нядзеля. У Касцёле распачаўся Вялікі Тыдзень Мýкі Пана. Падчас кожнай св. Імшы благаслаўляюцца вербы. Пасля св. Імшы а 11.30 адбудзецца конкурс для дзяцей “Найвышэйшая і найпрыгажэйшая вярба”.

• Сёння першая нядзеля месяца. Пасля св. Імшы а 10.00 адбудзецца выстаўленне Найсвяцейшага Сакрамэнту і адарацыя. Пасля адарацыі і благаслаўлення будзе змена ружанцовых таямніцаў. Інтэнцыя на месяц красавік: Малітва за мір у шматлікіх “гарачых кропках” свету, а таксама аб спакоі ў нашых сэрцах і ў сем’ях нашай парафіі.

• Сёння Песні Жальбы (Gorzkie żale) а 17.30.

• 5 красавіка – Першая серада месяца. Набажэнства і складковая св. Імша Аб здароўі і патрэбных ласках праз заступніцтва МБ Нястомнай Дапамогі распачнецца ў 18.30.

 

 

6 красавіка

Вялікі Чацвер

10.00 — Імша Хрызма ў катэдральным касцёле ў Гродне з біскупам і святарамі. Таму, у нашым касцёле ў чацвер раніцай не будзе св. Імшы а 9.00.

Вечарам а 18.30 – Св. Імша Вячэры Пана і распачацце святога Пасхальнага Трыдуума.  У гэты дзень Пан Езус устанавіў сакрамэнты Эўхарыстыі і Пасвячэння, таму ў гэты дзень асаблівым чынам будзем маліцца за ўсіх святароў, а таксама аб новых святарскіх пакліканнях. Пасля Св. Камуніі адбудзецца перанясенне Найсвяцейшага Сакрамэнту ў цямніцу. Пасля літургіі з галоўнага алтара будзе зняты абрус, а табэрнакулюм застанецца пустым і прыадчыненым ажно да Вігіліі Пасхальнай. Адарацыя Найсвяцейшага Сакрамэнту ў цямніцы будзе трываць да 22.00 гадз.

 

 7 красавіка

Вялікая Пятніца

У гэты дзень, а таксама ў суботу да вечара, згодна са старадаўняй традыцыяй, Касцёл не цэлебруе Св. Імшу. У другой палове дня адбудзецца Літургія Мýкі Пана, цэнтральнай часткай якой з’яўляецца адарацыя святога Крыжа. У гэты дзень прадпісаны абавязковы сціслы пост – г. зн. на працягу дня можна толькі адзін раз паесці дасыта і два разы лёгка, устрымліваючыся ад мясных страў.

Пасля Літургіі Мýкі Пана і ў суботу ажно да Вігіліі Пасхальнай перад Крыжам укленчваем, як перад Найсвяцейшым Сакрамэнтам.                                                                                                                                                                                                                                                                                                                                                                                                                                      Крыжовы шлях будзе а 9.00. Потым будзе працяг Адарацыі Найсв. Сакрамэнту ў цямніцы. Кожны, будзе мець магчымасць прыйсці ў зручную яму гадзіну, каб памаліцца перад Найсвяцейшым Сакрамэнтам.

15.00 – Вяночак да Божай Міласэрнасці. Пасля будзе працяг Адарацыі Найсвяцейшага Сакрамэнту.

17.30 – Крыжовы Шлях для ўсіх вернікаў нашай парафіі.

18.30 – Літургія Мýкі Пана. Ахвяраванні складзеныя падчас адарацыі Крыжа будуць прызначаныя на Божую Грабніцу ў Святой Зямлі. Пасля заканчэння Літургіі Вялікай пятніцы, адбудзецца перанясенне Найсвяцейшага Сакрамэнту ў грабніцу Пана. Гэта таксама першы дзень навэнны да Божай Міласэрнасці. Памолімся Вяночак да Божай Міласэрнасці, а потым заспяваем Песні Жальбы (Gożkie Żale) – усе тры часткі. Адарацыя Найсвяцейшага Сакрамэнту ў Божай грабніцы будзе трываць да 22.00 гадз.

8 красавіка

Вялікая Субота

 

У Вялікую суботу ўвесь Касцёл прабывае каля грабніцы Пана, разважае пра мýку і смерць Хрыста і Яго сыходжанне ў адхлань. У малітве і посце чакае Яго ўваскрасення. У суботу паводле традыцыі захоўваецца пост ад мясных страў.

Адарацыя Найсвяцейшага Сакрамэнту распачнецца а 9.00.

 

Благаслаўленне велікодных страў на велікодны стол:

11.30 – в.Чэхаўцы (каля крыжа);

11.45 – в. Верх-Ліда, вул. Новая (каля першага крыжа).

12.00 – в. Верх-Ліда (каля другога крыжа).

У касцёле благаслаўленне страў распачнецца ад 13.00 гадз. кожныя поў гадзіны да 17.30 уключна.

18.00 – Ружанец

18.30 – Вігілія Пасхальная. Просьба каб прынесці свечку. Будзем аднаўляць абяцанні хросту.

– Адарацыя пасля Вігіліі Пасхальнай будзе мець ужо пасхальны характар. Падчас адарацыі не спяваюцца песні пра мýку Пана, але эўхарыстычныя спевы і велікодныя. Гэта таксама другі дзень навэнны да Божай Міласэрнасці.

21.00 – Адарацыю Найсвяцейшага Сакрамэнту правядзе моладзь нашай парафіі.

9 красавіка

Нядзеля Змёртвыхпаўстання Пана (Пасха)

У нашым касцёле будуць дзве св. Імшы.

а 07.00 – Рэзурэкцыйная працэсія і ўрачыстая Св. Імша.

і ў 11.30 – Св. Імша агульная для ўсіх вернікаў. Гэта будзе трэці дзень навэнны да Божай Міласэрнасці.

10 красавіка

Велікодны панядзелак (у актаве)  

• Просьба, каб на працягу трох дзён Пасхальнага Трыдуума прыносіць з сабой “спеўнік”.

• Што тычыцца пахаванняў падчас Трыдуума (ад Вялікага Чацвярга да Вялікадня) — не прымаем пахаванні ў касцёле. Вялікая просьба, пахаваць памерлага, а св. Імша ў яго інтэнцыі адбудзеца ўжо пасля Вялікадня.

• У сакрыстыі запісваем інтэнцыі св. Імшаў індывідуальныя і складковыя.

• Перад алтаром размешчаны дзве скарбонкі. У першую скарбонку да сённяшняга дня ўключна можна складаць свае ахвяраванні на кветкі, якімі будзе ўпрыгожана Божая грабніца і алтар на Пасху. У другую скарбонку можна складаць ахвяраванні на ўтрыманне семінарыстаў МВДС у Гродне. Скарбонкі падпісаныя.

• У касцёльным кіёску можна набываць Бібліі, малітоўнікі,  велікодныя паштоўкі, свечкі, абразы і г.д.

• З душпастырскімі аб’явамі нашай парафіі можна азнаёміцца на інтэрнэт-старонцы www.pijary.info

• Вялікі дзякуй за прысутнасць, за вашы ахвяраванні на патрэбы нашага касцёла і рамонт муру.

• Жадаем усім Вам плённай падрыхтоўкі да Пасхі!