Травень 29th, 2022 
admin Р ы м а – к а т а л і ц к а я п а р а ф і я
імя Унебаўзяцця Маці Божай у Лідзе (м-н Індустрыяльны)
Д У Ш П А С Т Ы Р С К І Я А Б ’ Я В Ы
на
VII Велікодную Нядзелю /С/
29.05.2022 г.
- 31 мая (ат) – Свята Адведзінаў НПМ. Заканчэнне маёвага набажэнства.
- 1 чэрвеня (ср) – Успамін св. Юстына, мучаніка. Распачнем чэрвеньскае набажэнства ў гонар Найсвяцейшага Сэрца Пана Езуса, якое ў нашым касцёле будзе кожны дзень а 18.00, а ў нядзелю а 17.30. У гэты дзень адзначаецца Міжнародны дзень абароны дзяцей. Будзем маліцца за ўсіх дзяцей, аб здароўі, мудрасці, бяспечных канікулах і аб добрым рэлігійным выхаванні. Складковая св. Імша Аб здароўе і патрэбныя ласкі праз заступніцтва МБ Нястомнай Дапамогі адбудзецца а 18.30.
- 2 чэрвеня (чц) – Гэта першы чацвер месяца, калі асабліва молімся аб пакліканнях да святарства, манаскага і місійнага жыцця. У гэтай інтэнцыі будзе цэлебравацца св. Імша а 18.30.
- 3 чэрвеня (пт) – Успамін св. Кáраля Луангі і паплечнікаў, мучанікаў. Гэта першая пятніца месяца. Першапятнічная споведзь будзе перад св. Імшамі раніцай і ўвечары.
- 4 чэрвеня (сб) – Успамін св. Баніфацыя, біскупа і мучаніка. Гэта першая субота месяца. Св. Імша складковая за памерлых адбудзецца а 9.00. Малітва ў гонар Беззаганнага Сэрца Маці Божай будзе падчас чэрвеньскага набажэнства. Пасля вячэрняй св. Імшы моладзь нашай парафіі запрашае на адарацыю-чуванне ў вігілію Урачыстасці Спаслання Духа Святога.
- 5 чэрвеня (ндз) — Урачыстасць Спаслання Духа Святога (Пяцідзясятніца), у народзе — Сёмуха. За прычытанне ці спеў гімна Прыйдзі, Стварыцель Дух Святы (O Stworzycielu Duchu przyjdź) можна атрымаць поўны адпуст караў за грахі. Адпуст можна ахвяраваць за цябе, або ў інтэнцыі аднаго памерлага (умовы атрымання наступныя: не быць прывязаным да цяжкага граху, быць пасля споведзі і прыняць Св. Камунію, памаліцца ў інтэнцыях Папы Рымскага). У наступную нядзелю закончваецца велікодны перыяд. Паводле аднаго з касцёльных наказаў, завяршаецца перыяд велікоднай споведзі і Св. Камуніі. У наступную нядзелю ў Гродзенскай дыяцэзіі адзначаецца Дзень Бáцькі. Памятайма аб малітве за жывых і памерлых тáтаў. Таксама, гэта Першая нядзеля месяца. Пасля св. Імшы а 10.00 адбудзецца выстаўленне Найсвяцейшага Сакрамэнту і адарацыя. Пасля благаслаўлення будзе змена ружанцовых таямніцаў.
Інтэнцыя на месяц чэрвень: Будзе малітва ў інтэнцыі дзяцей і моладзі, каб яны бяспечна і пабожна перажылі летнія канікулы.
- Ёсць новы нумар газеты „Слова Жыцця” і часопіса “Ave Maria”. Заахвочваем браць і чытаць каталіцкую прэсу.
- У сакрыстыі запісваем інтэнцыі св. Імшаў індывідуальныя і складковыя.
- З душпастырскімі аб’явамі нашай парафіі можна азнаёміцца на інтэрнэт-старонцы www.pijary.info
- Жадаем усім сонечнага і шчаслівага новага тыдня!
Опубликовано в 
