21.06.2024

industrialny 40

14 мая біскуп Гродзенскі Аляксандр Кашкевіч наведаў парафію Унебаўзяцця Найсвяцейшай Панны Марыі ў Лідзе (Індустрыяльны).

На Эўхарыстыі, якая цэлебравалася ў інтэнцыі ўсёй парафіяльнай супольнасці, іерарх удзяліў сакрамэнт хрысціянскай сталасці групе з 18 маладых людзей.

Пробашч парафіі а. Аляксандр Махнач SP ад імя кандыдатаў да канфірмацыі звярнуўся да біскупа з просьбай удзяліць ім сакрамэнт, беручы пад увагу іх жаданне яго прыняць і падрыхтоўку, якую яны прайшлі. Затым на словы іерарха кандыдаты супольна адказалі, якіх ласкаў чакаюць ад Бога ў канфірмацыі, і аднавілі абяцанні хросту.

Пасля спецыяльнай малітвы біскуп удзяліў сакрамэнт, здзейсніўшы гэта праз намашчэнне алеем хрызма, якім зрабіў знак крыжа на чале кожнага канфірмаванага, выражаючы пры гэтым адпаведную сакрамэнтальную формулу.

Звяртаючыся да тых, хто быў узбагачаны сямю дарамі Духа Святога, біскуп адзначыў, што ў душах маладых людзей, якія прыступілі да канфірмацыі, адбываецца тое ж, што было з апосталамі ў вячэрніку: яны сталі напоўненыя Духам.

industrialny 23

Пастыр Касцёла на Гродзеншчыне падкрэсліў, што Дух Святы ўмацоўвае ў адважным вызнаванні веры, робіць здольным мужна выступаць у яе абарону і штодзённа даваць сведчанне ўласным жыццём, згодным з навукай Хрыста.

На заканчэнне літургіі прадстаўнікі канфірмаваных выказалі біскупу падзяку за ўдзяленне сакрамэнту, а таксама падзякавалі сваім душпастырам за тое, што падрыхтавалі іх да гэтай падзеі.

 

industrialny_21
industrialny_22
industrialny_23
industrialny_24
industrialny_25
industrialny_26
industrialny_27
industrialny_28
industrialny_29
industrialny_30
industrialny_31
industrialny_32
industrialny_33
industrialny_34
industrialny_35
industrialny_36
industrialny_37
industrialny_38
industrialny_39
industrialny_40

Прэс-служба Гродзенскай дыяцэзіі

https://grodnensis.by/

Пакінуць адказ