Душпастырскія аб’явы Лiда 14.03.2021

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (м-н Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

ІV Нядзелю Вялікага посту /В/ – Laetare

 

14.03.2021 г.

 

  • Сёння 14 сакавіка – ІV Нядзеля Вялікага посту – Laetare, якая мае радасны характар. Нядзеля гэтая была апошнім днём радасці перад часам пакаяння. Ад XVI ст. у Рыме у базіліцы св. Крыжа Папа Рымскі асвячаў залатую ружу і ўручаў яе асобе, заслужанай для Касцёла, а сабраныя вернікі дарылі адзін аднаму звычайныя ружы – сімвал прыгажосці, а таксама болю і цярпення. Менавіта таму ў гэты дзень у літургіі ўжываецца арнат ружовага колеру.

 

  • Сёння падчас св. Імшы а 11.30 да ЛСА нашай парафіі будуць прынятыя чатыры новыя міністранты. Уся ЛСА адновіць міністранцкія абяцанні.

 

  • У гэтыя дні ў Касцёле трывае навэнна да св. Юзафа.

 

  • 19 сакавіка (пт) – Урачыстасць св. Юзафа, Абранніка НМП. Гэта — абавязковая ўрачыстасць. Кожны вернік мае абавязак удзельнічаць у св. Імшы (рэальна ці анлайн). Імшы ў гэты дзень а 9.00 і а 18.30. Гэта таксама дзень імянінаў Папы на пенсіі Бэнэдыкта XVI а таксама кс. б-па Юзафа Станеўскага, дапаможнага біскупа Гродзенскай дыяцэзіі. У гэты дзень будзем маліцца за дастойных імяніннікаў і ўсіх тых, хто носіць імя Юзаф ці Юзэфа.

 

  • Заахвочваем да ўдзелу ў велікапосных набажэнствах:
  • Крыжовы шлях (Droga Krzyżowa) у кожную пятніцу:

а 9.30 (пасля ранішняй св. Імшы)

а 17.00 - для дзяцей і школьнай моладзі

а 19.00 (пасля вячэрняй св. Імшы)

  • Песні Жальбы (Gorzkie żale) у кожную нядзелю а 17.30.

Хто не можа ўдзельнічаць у велікапосных набажэнствах у касцёле, заахвочваем маліцца дома. Нагадваем, што за ўдзел у велікапосных набажэнствах можна атрымаць цалкавіты адпуст кары за свае грахі або аднаго памерлага.

 

  • Вялікая просьба, каб да 20 сакавіка ўключна ў сакрыстыі запісваць старэйшых і хворых парафіян, якія жадаюць перад святамі паспавядацца, прыняць св. Камунію і сакрамэнт намашчэння хворых.

 

  • Велікапосныя рэкалекцыі ў нашай парафіі адбудуцца з 22-га па 24-га сакавіка (пн, ат, ср), якія правядзе кс. Віталій Сідорка, пробашч парафіі св. Юзафа — рамесніка і сясцёр назарэтанак – мучаніц з м-на Паўднёвы ў Лідзе. Дзень споведзі адбудзецца 23 сакавіка (ат).

 

  • У сакрыстыі запісваем інтэнцыі св. Імшаў індывідуальныя і складковыя.

 

  • Перад алтаром размешчана спецыяльная скарбонка, у якую можна складаць свае ахвяраванні на кветкі, якімі будзе ўпрыгожана Божая грабніца і алтар на Пасху.

 

  • У касцёльным кіёску можна набываць велікодныя паштоўкі, фігуры Пана Езуса і Марыі, крыжы, падсвечнікі, Бібліі, малітоўнікі і іншыя дэвацыяналіі.

 

  • Вялікі дзякуй за ўсе Вашы ахвяраванні на патрэбы нашага касцёла і парафіі.

 

  • З душпастырскімі аб’явамі нашай парафіі можна азнаёміцца на інтэрнэт-старонцы www.pijary.info

 

 

 

 

 

Написать ответ

Вы должны войти для возможности оставлять коментарии

Thanx: Mirnews