Душпастырскія аб’явы Лiда 07.03.2021

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (м-н Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

ІІІ Нядзелю Вялікага посту /В/

 

07.03.2021 г.

 

  • Сёння 7 сакавіка – ІІІ Нядзеля Вялікага посту і Агульнанацыянальны дзень “Карытас”. Ахвяраванні, якія Вы сёння складалі на тацу, будуць прызначаны на патрэбы Дабрачыннай арганізацыі “Caritas” у Беларусі. Сёння першая нядзеля месяца. Пасля  св. Імшы а 10.00 адбудзецца выстаўленне Найсвяцейшага Сакрамэнту і кароткая адарацыя. Пасля адарацыі і благаслаўлення адбудзецца змена ружанцовых таямніцаў.

Інтэнцыя на месяц сакавік: Будзе малітва аб навяртанні да Бога і плённым перажыванні перыяду Вялікага посту ў сем’ях нашай парафіі.

 

- Вялікая просьба, каб ад сённяшняй нядзелі па 20 сакавіка (уключна) у сакрыстыі запісваць старэйшых і хворых парафіян, якія ўжо самыя не могуць прыйсці ў касцёл, але жадаюць перад святамі паспавядацца, прыняць св. Камунію і сакрамэнт намашчэння хворых.

 

  • 8 сакавіка (пн) – Міжнародны жаночы дзень. У гэты дзень асаблівым чынам падчас св. Імшы а 18.30 будзем маліцца за ўсіх дзяўчын і жанчын.

 

  • 8 снежня 2020 г. Папа Францішак абвясціў у Касцёле                  Год св. Юзафа прысвечаны 150-годдзю прызнання святога Юзафа апекуном Каталіцкага Касцёла. Ён будзе працягвацца па 8 снежня бягучага года. У сувязі з гэтым Біскуп Гродзенскі Аляксандр Кашкевіч заахвочвае, каб ва ўсіх касцёлах і капліцах нашай дыяцэзіі пасля кожнай св. Імшы (а дакладна: пасля благаслаўлення) маліцца да св. Юзафа і запрапанаваў малітву якую адмыслова напісаў Папа Францішак. Таму, 10 сакавіка распачнем навэнну да св. Юзафа перад урачыстасцю                 св. Юзафа, Абранніка НПМ. Ад 19 сакавіка да 8 снежня пасля благаслаўлення на заканчэнне кожнай св. Імшы будзем маліцца праз заступніцтва св. Юзафа.

 

  • 13 сакавіка (сб) – Восьмая гадавіна абрання Папы Францішка на пасаду св. Пятра. У гэты дзень будзем маліцца за пантыфіка, каб Бог захаваў яго ў здароўі на наступныя гады апосталькага служэння.

 

  • Заахвочваем да ўдзелу ў велікапосных набажэнствах:
  • Крыжовы шлях (Droga Krzyżowa) у кожную пятніцу:

а 9.30 (пасля ранішняй св. Імшы)

а 17.00 для дзяцей і школьнай моладзі

а 19.00 (пасля вячэрняй св. Імшы)

  • Песні Жальбы (Gorzkie żale) у кожную нядзелю а 17.30.

Хто не можа ўдзельнічаць у велікапосных набажэнствах у касцёле, заахвочваем маліцца дома. Нагадваем, што за ўдзел у велікапосных набажэнствах можна атрымаць цалкавіты адпуст кары за свае грахі або аднаго памерлага.

 

  • Велікапосныя рэкалекцыі ў нашай парафіі адбудуцца з 22-га па 24-га сакавіка (пн, ат, ср), якія правядзе кс. Віталій Сідорка, пробашч парафіі св. Юзафа — рамесніка і сясцёр назарэтанак – мучаніц з м-на Паўднёвы ў Лідзе. Дзень споведзі адбудзецца 23 сакавіка (ат).

 

  • У сакрыстыі запісваем інтэнцыі св. Імшаў індывідуальныя і складковыя.

 

  • Перад алтаром размешчана спецыяльная скарбонка, у якую можна складаць свае ахвяраванні на кветкі, якімі будзе ўпрыгожана Божая грабніца і алтар на Пасху.

 

  • У касцёльным кіёску можна набываць велікодныя паштоўкі і іншыя дэвацыяналіі.

 

  • Вялікі дзякуй за ўсе Вашы ахвяраванні на патрэбы нашага касцёла і парафіі.

 

  • З душпастырскімі аб’явамі нашай парафіі можна азнаёміцца на інтэрнэт-старонцы www.pijary.info

 

 

 

 

 

Написать ответ

Вы должны войти для возможности оставлять коментарии

Thanx: Mirnews