У Шчучыне прайшлі духоўныя сустрэчы для юнакоў

З 5 па 7 лістапада ў Шчучыне прайшлі духоўныя сустрэчы для юнакоў. На трохдзённых рэкалекцыях пад назвай “Ён устаў і пайшоў!” удзельнікі разважалі над таямніцай паклікання да манаскага жыцця і святарства.

У межах праграмы духоўных сустрэч юнакі наведалі месца пахавання айцоў піяраў, якія яшчэ зусім нядаўна працавалі ў Беларусі, а таксама згулялі ў квэст-гульню ў старым шчучынскім бункеры.

Адпустовая ўрачыстасць і візітацыя адбыліся ў Шучыне

15 кастрычніка біскуп Гродзенскі Аляксандр Кашкевіч наведаў парафію св. Тэрэзы ад Езуса (Авільскай) у Шчучыне ў адпустовую ўрачыстасць. Наведванне парафіі супала з кананічнай візітацыяй, якая праходзіць у Шчучынскім дэканаце.

Інтэграцыйны выезд піярскай моладзі

Піярская моладзь з Ліды і Шчучына здзейсніла інтэграцыйны выезд па Навагрудчыне. У рамках сустрэчы яе ўдзельнікі пабывалі ў манастыры сясцёр назарэтанак, дзе даведаліся пра гісторыю благаслаўлёных сясцёр мучаніц, а таксама зазірнулі ў адзін з самых старых храмаў Беларусі, які знаходзіцца ва Уселюбе.

Міністранты са Шчучына наведалі Гродна

21 верасня адбыўся інтэграцыйны выезд літургічнай службы алтара са Шчучына ў Гродна. Адной з прычын наведвання сталіцы нашай вобласці было азнаямленне з грэка-каталіцкай культурай. Тэматыку гэтую наблізіў усім міністрантам айцец Андрэй, які служыць святаром у гродзенскай грэка-каталіцкай супольнасці.

Падчас забаўляльнай часткі праграмы хлопцы маглі праявіць сваю кемлівасць у стратэгічнай гульні лазертаг.

16 гадоў як адно імгненне: вернікі Шчучына падзякавалі за служэнне а. Вітальду Пяцельчыцу

25 жніўня вернікі парафіi Св. Тэрэзы ад Езуса (Авільскай) у Шчучыне падзякавалі за 16 гадоў служэння свайму пробашчу айцу піяру Вітальду Пяцельчыцу, які заканчвае працу ў парафіі.

На ўрачыстай Імшы сабраліся шматлікія парафіяне, у тым ліку дзеці і моладзь, якім пробашч прысвячаў шмат часу і сардэчнасці. Шмат добрых слоў было выказана ў гэты дзень вернікамі святару, які з вялікім запалам і самаадданасцю служыў мясцовым жыхарам.

Асаблівыя словы ўдзячнасці за прысвячэнне і любоў былі скіраваны ад наймалодшых парафіян – дзяцей, моладзі і міністрантаў. Найперш ім а. Вітальд Пяцельчыц удзяляў шмат увагі.

Святар распачынае зараз працу ў парафіі Унебаўзяцця Найсвяцейшай Панны Марыі ў Лідзе (Індустрыяльны).

Паводле grodnensis.by

Каталіцкая моладзь Шчучына далучылася да праслаўлення Бога на вуліцах свайго горада

Апошнія дні лета сталі добрай нагодай для маладых людзей сабрацца разам. Перш чым скіравацца на месцы вучобы, яны супольна праводзяць гэтыя апошнія хвіліны адпачынку, чаму часта спрыяе добрае надвор’е.

Каталіцкая моладзь Шчучына на ўзор сваіх аднагодкаў з горада над Нёманам у апошні час таксама выйшла на вуліцы, каб спевам і танцам праслаўляць Бога. Як адзначаюць самі маладыя людзі, гэта сведчанне дзялення верай, якую яны жадаюць усведамляць і дзяліцца ёю з іншымі.

“Канікулы з Богам” у Шчучыне вачыма моладзі з Мастоў

Моладзь парафіі ў Мастах сёлета па запрашэнні айцоў піяраў патрапіла на “канікулы з Богам” у Шчучын. Пра гэта распавялі самі ўдзельнікі.

Лета – гэта тая пара, калі чалавек можа прысвяціць больш свайго асабістага часу на праслаўленне Пана. Прыехаўшы ў Шчучын, мы сталі сведкамі таго, як Пан Бог яднае розных людзей — і маленькіх, і крыху старэйшых, і дарослых.

Рэха роварнай пілігрымкі Шчучын-Тракелі 2019

160 кіламетраў дарогі пераадолелі ўдзельнікі роварнай пілігрымкі Шчучын-Тракелі, якая завяршылася 13 ліпеня бягучага года ў дыяцэзіяльным санктуарыі Маці Божай Каралевы сем’яў.

Імша для выпускнікоў адбылася ў Шчучыне

Ужо сталася добрай традыцыяй, што моладзь, пасля школьных экзаменаў, перад выпускным вечарам, наведвае парафіяльную святыню, каб дзякаваць Богу за час навучання, за ўсіх, хто на працягу адзінаццаці гадоў дапамагаў узрастаць духоўна і інтэлектуальна, а таксама прасіць Святога Духа аб дапамозе на далейшым ужо самастойным шляху.

На св. Імшы за выпускнікоў таксама прысутнічалі бацькі і настаўнікі сваіх выхаванцаў. У невялічкім казанні моладзь мела магчымасць пачуць словы заахвоты трымацца ў дарослым жыцці Езуса, як свайго сябра і з Ім будаваць сваё жыццё.

Паводле grodnensis.by

Сустрэча настаўнікаў прайшла ў шчучынскай парафіі

1 чэрвеня пры парафіі Св. Тэрэзы Авільскай у Шчучыне адбылася сустрэча піярскага душпастырства настаўнікаў Ліды і Шчучына.

Настаўнікі сабраліся на сустрэчы, каб разам дзякаваць Богу за навучальны год, які завяршыўся, за ўсіх сваіх вучняў і прасіць аб благаслаўленні на час канікул.

Сустрэча пачалася святой Імшой. Пасля малітвы адбылася забаўляльная частка, падчас якой былі смачны пачастунак, конкурсы і танцы.

Паводле grodnensis.by

Thanx: Goutu