PIJARY.INFO

29 сакавіка, у V нядзелю Вялікага посту, павялічылася колькасць міністрантаў у лідскай парафіi Унебаўзяцця Найсвяцейшай Панны Марыі. Два новыя хлопцы пасля адпаведнай падрыхтоўкі далучыліся да літургчінай службы алтара.

Урачыстае прыняцце іх у міністранты здзейсніў пробашч парафіі а. Аляксандр Махнач SP. Новыя міністранты далі абяцанне верна служыць Хрысту ля алтара, запэўніваючы, што будуць добрым прыкладам для свайго атачэння і будуць верна спаўняць даручаныя ім заданні.

Міністранты – жывы скарб кожнай святыні. Дзякуючы ім Касцёл амалоджваецца, іх прысутнасць ля алтара нясе надзею, што не будзе адсутнасці жадаючых пайсці за голасам паклікання і прысвяціць сваё жыццё на выключнае служэнне Богу. Бо не сакрэт, што пераважная частка святароў адкрыла сваё пакліканне ў дзяцінстве ці юнацтве, стоячы ля алтара.

Паводле grodnensis.by

З 1 па 5 жніўня aдбыліся пяцідзённыя рэкалекцыі для юнакоў ва ўзросце ад 14 гадоў. Рэкалекцыі былі арганізаваны айцамі піярамі. У іх удзельнічалі хлопцы з Ліды і Шчучына.

Духоўныя практыкаванні прайшлі пад назвай “Даверыцца Езусу!”. Падчас рэкалекцый была супольная малітва, штодзённае разважанне над Святым Пісаннем, тэматычныя сустрэчы, размовы са святаром. Эўхарыстыя была цэнтрам дня. Да яе падрыхтоўвалі сустрэчы са Словам Божым сам-насам.

Праводзіў духоўныя практыкаванні а. Аляксандр Махнач SP, піярскі душпастыр пакліканняў у Беларусі. На рэкалекцыях панавала атмасфера малітвы, цішыні і супольнай рэкрэацыі. Ёй спрыялі сяброўскія адносіны паміж удзельнікамі.

Паводле grodnensis.by

2 чэрвеня біскуп Гродзенскі Аляксандр Кашкевіч благаславіў новыя арганы ў касцёле св. Юзафа Каласанса ў Лідзе.

Благаслаўленне адбылося на святой Імшы, якую іерарх цэлебраваў у інтэнцыі ўсіх ахвярадаўцаў і вернікаў парафіі.

Падчас абраду благаслаўлення іерарх скіраваў да арганаў урачысты зварот, заклікаўшы іх абуджаць і ўзносіць праз музыку хвалу Богу Айцу і Стварыцелю, Езусу Хрысту Адкупіцелю і Духу Святому, які ажыўляе нас Божым подыхам.

Біскуп заклікаў арганы несці чалавечыя просьбы і спеў да трону Марыі і абуджаць веру тых, у чые сэрцы ўвайшло сумненне. Знешнім знакам прысвячэння арганаў Богу было іх акаджэнне.

Пастыр Касцёла на Гродзеншчыне пажадаў вернікам гэтай парафіяльнай супольнасці, каб новыя арганы вучылі ўсіх, хто прыходзіць у святыню, гармоніі і супрацоўніцтву са Стварыцелем і абуджалі ў чалавечым сэрцы найпрыгажэйшае.

Іерарх выказаў удзячнасць пробашчу парафіі а. Андрэю Агелю SP за клопат аб святыні, якая з кожным годам становіцца ўсё больш прыгожай і ўтульнай.

Паводле grodnensis.by

19 мая падчас нядзельнай святой Імшы дапаможны біскуп Гродзенскай дыяцэзіі Юзаф Станеўскі ўдзяліў сакрамэнт канфірмацыі моладзі парафіі Унебаўзяцця Найсвяцейшай Панны Марыі ў Лідзе (м-н Індустрыяльны), дзе служаць айцы піяры. Сакрамэнт хрысціянскай сталасці прынялі 25 чалавек.

Звяртаючыся да шматлікіх прысутных у святыні, біскуп падкрэсліў, што будучыня ў большай меры залежыць ад маладога чалавека сённяшняга часу.

Іерарх дадаў, што моладзь – гэта не будучыня, а сучаснасць. “Трэба жыць і рабіць што-небудзь не “калі вырасту”, а ўжо сення”, – сказаў біскуп Станеўскі, адказны ў епіскапаце Беларусі за пастырства моладзі.

3 сакавіка літургічная служба алтара у Лідзе (м-р Індустрыяльны) перажывала сваё свята – у яе лік увайшлі 3 новых міністранта: Апончык Ягор, Іваноў Павел, Федасевіч Яўгеній.

Цырымонія прыняцця, якую ўзначаліў пробашч парафіі — а. Андрэй Агель SP, адбылася падчас урачыстай св. Імшы.

Разам з новымі міністрантамі, уся Літургічная служба алтара парафіі – як штогод, аднавіла свае абяцанні. Юнакі нанова абяцалі рупліва служыць пры алтары, узорна сябе паводзіць і быць добрым прыкладам для ўсіх.

Урачыстаць упрыгожыў спеў дзіцячага хору пад кіраўніцтвам а. Аляксандра SP