PIJARY.INFO

НА НЯДЗЕЛЮ СВ. СЯМ’І

/Год В – 20120/ — 27.12.2020

Сёння дзень малітвы за сем’і, каб узрасталі ў святасці і хрысціянскім жыцці.

З літургічнага календара:

28 снежня (панядзелак) – свята св. Немаўлят (św. Młodzianków), мучанікаў. Таксама дзень малітвы-падзякі за дар жыцця і перапрашэння за забойства ненароджаных дзяцей.

29 снежня (аўторак) - а 10.00 гадзіне адбудзецца Святая Імша ў інтэнцыі душаў у чыстцы церпячых.

31 снежня (чацвер) – будзем дзякаваць за мінулы календарны год і прасіць Божай апекі на новы надыходзячы год.

Запрашаем на Св. Імшу і набажэнства падзякі за мінулы календарны год у 19.00

1 студзеня (пятніца) – Урачыстасць Святой Багародзіцы Марыі. Сусветны дзень малітвы аб супакой на зямлі. У гэты дзень св. Імшы ў нашым касцёле а 10.00, 14.00 і 16.00 гадзінах.

Інтэнцыя на месяц студзень: малітва аб супакой на зямлі.

Іншыя аб’явы:

У гэтым годзе з-за каранавіруса каляды не будзе.

Аднак звяртаемся да Вас з вялікай просьбай, каб сабраць ахвяры з каждай вёскі і вышэй пералічаных вуліц горада. Гэтыя ахвяры будуць прызначаныя на ўтрыманне касцёла і кляштара.

Ахвяры можна прыносіць або асобна (індывідуальна), або агульным спісам з дадзенай вёскі ці вуліцы.

У сувязі з тым, што не будзе каляды гэтай зімой, мы будзем адпраўляць Святыя Імшы асобна за кожную вёску і вуліцу. Гэтыя Святыя Імшы будуць адпраўляцца за жыхароў, а таксама за тых, хто будзе складваць свае ахвяры. Святыя Імшы будуць адпраўляцца ў кожную нядзелю а 10.00 гадзіне.

Шчыра ўдзячныя Вам за ахвяры, якія прыносіця на патрэбы ўтрымання касцёла і кляштара…

НА IV НЯДЗЕЛЮ АДВЭНТА

/Год В – 2020/ — 20.12.2020

З літургічнага календара:

21 снежня (панядзелак) - а 10.00 гадзіне адбудзецца Святая Імша ў інтэнцыі душаў у чыстцы церпячых.

24 снежня (чацвер) – Вігілія Божага Нараджэння. У гэты дзень на працягу дня, згодна з традыцыяй, падчас Вігілійнай вячэры просім не спажываць мясных блюд і алкаголю.

Ноччу а 24.00 гадз. – Пастэрка.

25 снежня (пятніца) – Урачыстасць Божага Нараджэння. У гэты дзень св. Імшы а 10.00 гадз. і 14.00. На св. Імшу а 14.00 гадз. асаблівым чынам запрашаем дзяцей і моладзь. У сувязі з Актавай Божага Нараджэння ў гэтую пятніцу няма посту.

У Барташах і Руткевічах св. Імша на свята Божага Нараджэння будзе ў 8.30

26 снежня (субота) – другі дзень святаў, свята св. Стэфана, дыякана і першамучаніка. Св. Імшы ў нашым касцёле а 10.00 і 19.00 гадзінах і згодна з традыцыяй, пасля кожнай св. Імшы благаслаўленне аўса.

27 снежня (нядзеля) – свята Святой Сям’і. Молімся аб хрысціянскае жыццё і святасць у нашых сем’ях.

Таксама ў гэты дзень успамінаем св. Яна, апостала і евангеліста. Пасля кожнай св. Імшы благаслаўленне віна.

НА III НЯДЗЕЛЮ АДВЭНТА

/Год В – 2020/ - 13.12.2020

З літургічнага календара:

16 снежня (серада) - а 10.00 гадзіне адбудзецца Святая Імша ў інтэнцыі душаў у чыстцы церпячых.

16, 18 і 19 (снежня) – Квартальныя Дні Малітваў аб хрысціанскае жыццё і аб святасці ў сем’ях.

17 снежня (чацвер) — дзень споведзі ў нашай парафіі.

Спавядаць будзем ад 9.00 гадз. да 12.30 потым ад 14.00 да 17.30 і ад 18.00 да 20.30.

Заахвочваем, каб хто толькі можа, быць у гэты дзень да споведзі!

Пазней будзе цяжэй прыступіць да споведзі, паколькі святары будуць ездзіць па іншых парафіях і будуць прыязджаць толькі на св. Імшу.

Парадак св. Імшаў у дзень споведзі наступны:

10.00 – св. Імша з казаннем для дарослых;

11.30 – св. Імша з казаннем для дарослых;

15.00 - св. Імша з казаннем для дарослых;

16.30 - св. Імша з казаннем для дзяцей і моладзі;

19.00 - св. Імша з казаннем для дарослых.

20 снежня (нядзеля) - ахвяры, якія будуць складацца на тацу ў гэты дзень, будуць прызначаны на патрэбы дыяцэзіі.

ДУШПАСТЫРСКІЯ АБ’ЯВЫ

НА II НЯДЗЕЛЮ АДВЭНТА

/Год В – 2020/ — 06.12.2020

Падчас Адвэнту Рараты для дзяцей і моладзі ў пан., сераду і пятн. а 19.00 гадз.; для дарослых у аўт., чацв. і суб. а 10.00 гадз. На Рараты прыходзім са свечкамі.

З літургічнага календара:

7 снежня (панядзелак) - свята гадавіны Асвячэння Катэдральнай Базылікі ў Гродна.

-успамін св. Амброзія, біскупа і доктара Касцёла.

Таксама ў гэты дзень а 10.00 гадзіне адбудзецца Святая Імша ў інтэнцыі душаў у чыстцы церпячых.

8 снежня (аўторак) – урачыстасць Беззаганнага Зачацця Найсвяцейшай Панны Марыі. У гэты дзень кожны католік павінен дома ўстрымацца ад неабавязковай працы і ўзяць удзел у св. Імшы. Св. Імшы ў гэты дзень у нашым касцёле а 10.00 і 19.00 гадзінах.

10 снежня (чацвер) – успамін Маці Божай Ларэтанскай.

13 снежня (нядзеля) – дзень Фацімскі ў нашай парафіі. Пасля св. Імшы а 7.00 гадз. адарацыя Найсв. Сакрамэнту да 9.45 гадз. У 15.15 супольны ружанец з просьбамі і падзякамі за пасрэдніцтвам Маці Божай, пасля св. Імшы а 16.00 гадз. Фацімскае набажэнства.

Пасля св. Імшаў ў 11.30 і 14.00 благаславенства мам, якія чакаюць на нараджэнне дзіцяці.

НА I НЯДЗЕЛЮ АДВЭНТА

/Год В – 2020/ - 29.11.2020

Сёння распачынаецца Адвэнт. Гэта перыяд духоўнай падрыхтоўкі да свята Божага Нараджэння і другога прыйсця Езуса Хрыста, таму пастараемся больш часу прызначыць на малітву і іншыя духоўныя практыкі.

Падчас Адвэнту Рараты для дзяцей і моладзі ў пан., сераду і пятн. а 19.00 гадз.; для дарослых у аўт., чацв. і суб. а 10.00 гадз. На Рараты прыходзім са свечкамі.

З літургічнага календара:

30 лістапада (панядзелак) – свята св. Андрэя, апостала. У гэты дзень x. Андрэй адзначае дзень імянінаў. Павіншаваць ксяндза можна будзе ў наступную нядзелю пасля св. Імшаў а 10.00 гадз. і ў 11.30

Таксама ў гэты дзень а 10.00 гадзіне адбудзецца Святая Імша ў інтэнцыі душаў у чыстцы церпячых.

3 снежня (чацвер) - успамін св. Францішка Ксаверыя, святара.

Першы чацвер месяца. Пасля св. Імшы а 19.00 гадз. выстаўленне Найсв. Сакрамэнту і набажэнства ў інтэнцыі аб новыя пакліканні да святарскай службы і манаскага жыцця. Шчыра ўсіх запрашаем на гэтае набажэнства!

4 снежня (пятніца) - першая пятніца месяца. Споведзь зранку ад 9.15 і ўвечары ад 18.15. Пасля св. Імшаў набажэнства да Найсвяцейшага Сэрца Пана Езуса.

5 снежня (субота) – першая субота месяца. Пасля св. Імшаў набажэнства да Беззаганнага Сэрца НПМ.

Гродзенскай дыяцэзіі. Таксама будзем маліцца за ахвярадаўцаў нашай парафіі.

Іншыя аб’явы:

ДУШПАСТЫРСКІЯ АБ’ЯВЫ

НА  XXXIV ЗВЫЧАЙНУЮ НЯДЗЕЛЮ,

НЯДЗЕЛЮ ХРЫСТА, ВАЛАДАРА СУСВЕТУ.

/Год А – 2020/-22.11.2020

З літургічнага календара:

24 лістапада (аўторак) - успамін святых Мучанікаў з В’етнама, а таксама ў гэты дзень а 10.00 гадзіне адбудзецца Святая Імша ў інтэнцыі душаў у чыстцы церпячых.

27 лістапада (пятніца) – свята Апекі св. Юзафа Каласанса. У гэты дзень молімся асаблівым чынам за Ордэн Піяраў.

29 лістапада (нядзеля) – І нядзеля Адвэнта. Заахвочваем, каб у гэты асаблівы перыяд літургічнага года больш часу прызначыць на малітву і іншыя духоўныя практыкі.

Таксама ў гэты дзень успамінаем VI гадавіну абвяшчэння праз Папу Францішка Юзафа Станеўскага біскупам.

Таксама будзем гасціць у нашай парафіі а. Пятра Бялевіча з Мінска, які будзе расправаджаць Біблійную агенду з Евангеллем на кожны дзень 2021 года.

Душпастырскія аб’явы

на XXXIII  Звычайную Нядзелю

(год A – 15.11.2020)

1. З літургічнага каляндара:

На гэтым тыдні Ружанец за памерлых і св. Імшы выпамінковыя адбудуцца у наступныя дні:

- 16.11. – панядзелак – 9.15;

- 17.11. – аўторак – 18.15;

- 18.11 – серада – 9.15;

- 19.11 – чацвер – 18.15;

НА  XXXII ЗВЫЧАЙНУЮ НЯДЗЕЛЮ

/Год А – 2020/-08.11.2020

З літургічнага календара:

10 лістапада (аўторак) - а 10.00 гадзіне адбудзецца Святая Імша ў інтэнцыі душаў у чыстцы церпячых.

11 лістапада (серада) – успамін св. Марціна Турскага (św. Marcina z Tour), біскупа.

12 лістапада (чацвер) – успамін св. Язафата (Józafata), біскупа і мучаніка.

13 лістапада (пятніца) -  дзень Фацімскі ў нашай парафіі. Пасля св. Імшы а 10.00 гадз. адарацыя Найсв. Сакрамэнту да 12.30 і пасля абеда пачатак адарацыі а 17.00 гадз. У 18.15 супольны ружанец з просьбамі і падзякамі праз пасрэдніцтва Маці Божай Фацімскай. Пасля св. Імшы а 19.00 гадз. Фацімскае набажэнства.

15 лістапада (нядзеля) – Сусветні Дзень Бедных (ад 2016 г.).

- панядзелак і серада ў 9.15;

- аўторак, чацвер і субота ў 18.15;

- у нядзелю ў 15.15.

Расклад выпамінак можна таксама прачытаць выходзячы з касцёла на дошцы аб’яваў.

НА XXX ЗВЫЧАЙНУЮ НЯДЗЕЛЮ

/Год А – 2020/ — 25.10.2020

З літургічнага календара:

26 кастрычніка (панядзелак) -   а 10.00 гадзіне адбудзецца Святая Імша ў інтэнцыі душаў у чыстцы церпячых.

28 кастрычніка (серада) – свята св. Сымона і Юды Тадэвуша (św. Szymona i Judy Tadeusza), апосталаў. Дзень імянінаў кс. абп Тадэвуша Кандрусевіча.

31 кастрычніка (субота) – заканчэнне ружанцовага набажэнства.

1 лістапада (нядзеля) – Урачыстасць Усіх святых. Пасля св. Імшы а 10.00 гадз. працэсія на каталіцкія могілкі і асвячэнне гэтых жа могілак. У гэты дзень не будзе Св. Імшы ў 11.30

Таксама ў гэты дзень прыпадае першая нядзеля месяца, адарацыйная. Пасля св. Імшы а 16.00 гадз. змена ружанцовых таямніцаў.

Інтэнцыя на месяц лістапад: малітва за памерлых з нашых сем’яў.

2 лістапада (панядзелак) – успамін Усіх памерлых. Пасля св. Імшы а 10.00 гадз. працэсія на могілкі па вуліцы Цітова і на камунальныя, за аб’яздной.

НА XXIX ЗВЫЧАЙНУЮ НЯДЗЕЛЮ

/Год А – 2020/ - 18.10.2020

З літургічнага календара:

Сёння Сусветны Місійны Дзень (ад 1926 г.). Таксама ў гэты дзень молімся за ўрачоў, медсёстраў і ўсіх работнікаў медыцынскай службы.

Сёння, таксама ў нашай парафіі госцім спадарыню Людмілу Губіну, якая з’яўляецца прадстаўніком каталіцкага руху “Маці ў малітве”. На заканчэнне кожнай Св. Імшы спадарыня Людміла будзе распавядаць аб сутнасці гэтага руху. Можна будзе таксама з ёй асабіста паразмаўляць, пасля заканчэння кожнай Св. Імшы, а таксама запісацца, каб стаць удзельнікам руху “Маці ў малітве”.

20 кастрычніка (аўторак) – а 10.00 гадзіне адбудзецца Святая Імша ў інтэнцыі душаў у чыстцы церпячых.

22  кастрычніка (чацвер) – успамін св. Яна Паўла II, папы.

25 кастрычніка (нядзеля) – ўрачыстасць гадавіны асвячэння ўласнага касцёла.