Ordo Clericorum Regularium Pauperum Matris Dei
Scholarum Piarum
Святы Юзаф Каласанс
(San Jose de Calasanz)
1557 – 25 жніўня 1648 — каталіцкі святар,
заснавальнік Ордэна Піяраў.
Сакавік 20th, 2020 
Witalij 
З 13 па 15 сакавіка ў парафіi Унебаўзяцця Найсвяцейшай Панны Марыі ў Лідзе адбыліся пiярскiя сустрэчы для юнакоў. У трохдзённых рэкалекцыях прыняло ўдзел 15 чалавек з Ліды і Шчучынa.
Акрамя розных канферэнцый, падчас якіх юнакі разважалі на тэму прысутнасці Хрыста ў асабістым жыцці, шмат часу было прысвечана супольнай малітве, інтэграцыйным сустрэчам і спартыўным гульням.
У плане было таксама крыху часу на наведванне адной з галоўных славутасцяў горада – Лідскага замка.
Лістапад 16th, 2019 Witalij 
З 5 па 7 лістапада ў Шчучыне прайшлі духоўныя сустрэчы для юнакоў. На трохдзённых рэкалекцыях пад назвай “Ён устаў і пайшоў!” удзельнікі разважалі над таямніцай паклікання да манаскага жыцця і святарства.
У межах праграмы духоўных сустрэч юнакі наведалі месца пахавання айцоў піяраў, якія яшчэ зусім нядаўна працавалі ў Беларусі, а таксама згулялі ў квэст-гульню ў старым шчучынскім бункеры.
Верасень 12th, 2019 Witalij 
З 1 па 5 жніўня aдбыліся пяцідзённыя рэкалекцыі для юнакоў ва ўзросце ад 14 гадоў. Рэкалекцыі былі арганізаваны айцамі піярамі. У іх удзельнічалі хлопцы з Ліды і Шчучына.
Духоўныя практыкаванні прайшлі пад назвай “Даверыцца Езусу!”. Падчас рэкалекцый была супольная малітва, штодзённае разважанне над Святым Пісаннем, тэматычныя сустрэчы, размовы са святаром. Эўхарыстыя была цэнтрам дня. Да яе падрыхтоўвалі сустрэчы са Словам Божым сам-насам.
Праводзіў духоўныя практыкаванні а. Аляксандр Махнач SP, піярскі душпастыр пакліканняў у Беларусі. На рэкалекцыях панавала атмасфера малітвы, цішыні і супольнай рэкрэацыі. Ёй спрыялі сяброўскія адносіны паміж удзельнікамі.
Паводле grodnensis.by
Сакавік 10th, 2019 Witalij 
З 8 па 10 сакавіка ў Лідзе (м-н Індустрыяльны) адбыліся Дні духоўных сустрэч для юнакоў. На гэты раз удзельнікі сустрэч засяродзіліся на тэме: “Пачуць голас Езуса ў сваім сэрцы”.
Акрамя канферэнцый, якія падрыхтаваў адказны за піярскае душпастырства пакліканняў у Беларусі а. Аляксандр Махнач SP, кожны меў магчымасць скарыстацца з індывідуальнай размовы, з сакрамэнту пакаяння, а таксама правесці свой вольны час гуляючы, напрыклад, у пінг-понг.
Такім чынам, на вясновых духоўных сустрэчах ў піяраў сабралася 12 юнакоў з трох парафій Гродзенскай дыяцэзіі: Шчучын, Ліда-Фара і Ліда-Індустрыяльны.
Тэкст: а. Аляксандр Махнач SP
Фота: Масло Сяргей і Снапко Маргарыта
Кастрычнік 10th, 2012 admin Прапановы для цябе:
— калі ты хочаш больш даведацца пра харызму нашага ордэна, піярскую духоўнасць, працу…
— калі ты хочаш прыняць удзел у днях духоўных сустрэчаў, якія арганізоўваюцца на працягу ўсяго года, калі хочаш удзельнічаць у піярскіх вакацыях з Богам, рэкалекцыях, даведацца пра срокі і месцы іх правядзення…
— а можа, ты адчуваеш пакліканне (быць святаром, настаўнікам і манахам) і прагнеш падзяліцца сваімі сумненнямі і няўпэўненасцю…
— ці проста знаходзішся ў пошуках і разважаеш над сваім будучым — напішы!
Малітва аб пакліканнях у Ордэн Пабожных Школаў
Наймілейшы Езу, Ты сказаў: “Тое, што вы зрабiлi аднаму з гэтых братоў Маiх меншых, вы Мне зрабілі” і вучыў нас прасіць аб новых пакліканнях да абвяшчэння Евангелля, паўтараючы: “Прасіце Гаспадара жніва, каб выслаў працаўнікоў на жніво сваё”. Узглянь ласкава на дзяцей, якія яшчэ не ведаюць Цябе, і якія не маюць таго, хто адорыць іх хлебам мудрасці і пабожнасці. Запалі ў сэрцах многіх маладых людзей Божы агонь, які абудзіць у іх жаданне цалкам прысвяціць сябе хрысціянскаму выхаванню дзяцей і моладзі па прыкладу св. Юзафа дэ Каласанса, каб неўзабаве ўсе дзеці свету нястомна хвалілі Цябе разам з Айцом і Духам Святым. Амэн.
Душпастырства пакліканняў ордэна Айцоў Піяраў
г. Шчучын, вул. Савецкая, 1, 231513
e-mail: pijary@mail.ru — а. Аляксандр SP
