Ordo Clericorum Regularium Pauperum Matris Dei
Scholarum Piarum
Святы Юзаф Каласанс
(San Jose de Calasanz)
1557 – 25 жніўня 1648 — каталіцкі святар,
заснавальнік Ордэна Піяраў.
Снежань 7th, 2014 
admin
Кірые, элейсон,
Хрыстэ, элейсон, Кірые, элейсон.
Хрыстэ, пачуй нас,
Хрыстэ, выслухай нас.
Ойча з неба, Божа,
– змілуйся над намі.
Сыне, Адкупіцель свету, Божа,
– змілуйся над намі.
Духу Святы, Божа,
– змілуйся над намі.
Святая Тройца, адзіны Божа,
– змілуйся над намі.
Снежань 5th, 2014 admin Дзякую, Табе Божа, за святло гэтай вучобы. Мы хочам, каб прасветляныя ёю, маглi Цябе заўсёды праслаўляць i выконваць Тваю волю. Праз Хрыста, Пана нашага. Амэн.
Святы Юзаф Каласанс, малiся за нас.
Лістапад 29th, 2014 admin Духу Святы, якi прасвятляеш нашыя сэрцы i розум. Дадай нам ахвоты i здольнасцi, каб нашая вучоба была для нас карыснай у сучаснасцi i вечнасцi. Праз Хрыста, Пана нашага. Амэн.
Святы Юзаф Каласанс, малiся за нас.
Верасень 22nd, 2012 admin Найсвяцейшая Панна Марыя, імя якой змешчана на гербе ордэна піяраў, асаблівым чынам ушаноўваецца ордэнам як Апякунка, а таксама як КАРАЛЕВА ПАБОЖНЫХ ШКОЛАЎ.
Верасень 22nd, 2012 admin Вяночак Дванаццаці Зорак
на ўшанаванне Найсвяцейшай Панны Марыі, складзены св. Юзафам дэ Каласансам
Жнівень 25th, 2012 admin 
Юзаф Каласанс (1557 г. — 25 жніўня 1648 г.) — заснавальнік Ордэна бедных рэгулярных хрысціянскіх школ у імя Божай Маці (піяры). Нарадзіўся ў мясцовасці Перальта-дэ-ла-Саль, што ў Каралеўстве Арагон (Іспанія). Вывучаў права і філасофію ва універсітэце. У 1583 г. атрымаў святарскае пасвячэнне і распачаў душпастырскую працу. Спачатку з’яўляўся сакратаром біскупа Каспары дэ ла Фігуэра, потым — канонікам Капітулы ва Ургелі, пробашчам і эканомам біскупа Андрэя Капілла.
Пасля абароны доктарскай дысертацыі па тэалогіі ў 1592 г. Юзаф Каласанс накіраваўся ў Рым, каб атрымаць касцёльны бенефіцый. Аднак тут ён кардынальна змяняе свае планы. Прычынай былі асабістыя ўнутраныя перажыванні. Вандруючы па бедным гарадскім раёне за Тыбрам, Каласанс сутыкнуўся з сумным лёсам дзяцей, якія не мелі магчымасці вучыцца і лічыліся адкідамі грамадства. Каласанс вырашыў, што не вернецца ў Іспанію, а зоймецца гэтымі дзецьмі.
У 1597 г. узнікла першая ў Еўропе бясплатная пачатковая школа, адчыненая для ўсіх, школа без абмежаванняў, даступная для дзяцей розных веравызнанняў, нацыянальнасцяў і культур. Каласанс працаваў у ёй настаўнікам, выхавацелем, адміністратарам.
Да дзейнасці Юзафа Каласанса неўзабаве далучаюцца іншыя. У выніку ўзнікае супольнасць. Сетка школаў развіваецца хутка і дынамічна — каралі шматлікіх дзяржаў, князі і мясцовыя рады звяртаюцца да Каласанса з просьбай прыслаць да іх на працу братоў з яго ордэна. Школы айцоў піяраў пачынаюць засноўвацца не толькі ў Італіі ці ў Неапалітанскім каралеўстве, але таксама на Сіцыліі, у Маравіі, ВКЛ, Польшчы, Іспаніі, Германіі.
Апошнія гады жыцця Юзафа Каласанса былі невясёлымі. Апостальская візітацыя (у выніку не высветленых да канца абставінаў) прывяла да скасавання ордэна. Памёр Юзаф Каласанс ноччу з 24 на 25 жніўня 1648 г. Праз 8 гадоў ордэн піяраў быў адноўлены.
У 1748 г. Юзаф Каласанс беатыфікаваны, яшчэ праз нейкі час — кананізаваны. У 1948 г. папа Пій XII абвяшчае яго «апекуном хрысціянскіх агульнаадукацыйных школ ва ўсім свеце».
У Беларусі айцы піяры нясуць сваё служэнне ў Шчучыне, Лідзе (Гродзенская дыяцэзія) і Чавусах (Мінска-Магілёўская архідыяцэзія).
Люты 22nd, 2012 admin Харызмай ордэна мы называем тое, што чыніць яго менавіта такім, а не іншым ордэнам. Такім чынам мы з’яўляемся ордэнам
Поўная назва ордэна гучыць: Ордэн Духоўных Рэгулярных Убогіх Маці Божай Пабожных Школаў.
Духоўных — бо мы пераважна (хоць і не выключна) з’яўляемся святарамі і, як святары-законнікі, павінны быць выхавальнікамі.
Рэгулярных — бо наш стыль жыцця Евангеллем апісаны ў Канстытуцыях і Статутах Ордэна (ад лац. regula – норма, правіла).
Убогіх — бо мы пасланыя да ўбогіх і праз убогае жыццё вучымся пакорнасці і іншым добрым якасцям, неабходным для таго, каб быць добрым хрысціянскім выхавальнікам.
Маці Божай — бо з самага пачатку мы ўшаноўваем у ордэне Марыю як Апякунку і прыклад выхавальніцы.
Пабожных Школаў — бо ў школе Каласанса вучні павінны навучыцца пабожнасці, г. зн. спаўняць свае абавязкі адносна Бога, бацькоў і Радзімы.
Наш ордэн мае дзейсны характар, г. зн. яго галоўнай мэтай з’яўляецца навучанне і выхаванне дзяцей і моладзі. Аднак, каб быць здольнымі вучыць іншых Праўдзе, мы павінны найперш пазнаць яе праз кантэмпляцыю. Таму св. Юзаф Каласанс запланаваў піярскі стыль жыцця як змешаны: кантэмпляцыйна-апостальскі.
Люты 22nd, 2012 admin
Піяр — гэта…
• святар альбо законны брат (манах);
• чалавек, які прагне жыць евангельскімі парадамі;
• чалавек, які любіць дзяцей і моладзь так, што ім гатовы прысвяціць усё сваё жыццё.
Дэвіз Ордэна Пабожных Школаў (Піяраў) гучыць так:
Pietas et Litterae (Пабожнасць і Навучанне)
Поўная назва ордэна:
Ордэн Духоўных Рэгулярных Убогіх Маці Божай Пабожных Школаў
Скарочаная назва:
Ордэн Пабожных Школаў
Папулярная назва:
Піяры (ад слова pius, -ae — пабожны; паходзіць ад лацінскай назвы Scholae Piae, што азначае — пабожныя школы)
Апякунка:
Маці Божая Пабожных Школаў
Апякунка місіі:
Маці Божая Добрых Навук
Заснавальнік:
Св. Юзаф Каласанс
Люты 22nd, 2012 admin Юзаф Каласанс, распачынаючы справу навучання і выхавання, зрабіў крок, вынікі якога былі зусім нечаканымі. Ад імкнення да пачэснай касцёльнай кар’еры ён перайшоў у маленькі свет дзяцей вуліцы, ад бясспрэчнай прыстойнасці да найбольш палемічнага праекта.
Сваім рашэннем ён як бы “перакрэсліў” свае папярэднія дасягненні. Юзаф Каласанс меў намер застацца непрыкметным у ананімнай гісторыі настаўніка ўбогіх. Тыбр быў ягоным хрысцільным Ярданам, у які апусціўся чалавек светлы, а выйшаў святы.
Безумоўна, ён нават уявіць сабе не мог, што гісторыя яго жыцця заззяе веліччу і прыгажосцю. На працягу наступных 400 гадоў, у той ці іншай форме, тысячы мужчын і жанчын вырашалі зрабіць падобны крок: перайсці свой Тыбр слабасці, страху, няпэўнасці — і ўсё для таго, каб паўтарыць ягоны выбар.
Святы Юзаф Каласанс стаў айцом дзесяці (!) манаскіх супольнасцяў, якія чэрпаюць з багацця яго духоўнасці і мудрасці. Усе яны ствараюць вялікую каласанскую сям’ю.
Люты 22nd, 2012 admin Найбольш важныя падзеі з гісторыі Ордэна пабожных школаў
1597 г. У Рыме, у гарадскім раёне за Тыбрам, Юзаф Каласанс адкрыў першую бясплатную і агульнадаступную пачатковую школу ў Еўропе.
1602 г. У адным са сваіх лістоў Юзаф Каласанс засведчыў аб перамене, якая з ім адбылася: “я знайшоў (…) спосаб наследавання Бога: служэнне дзецям і моладзі. І нішто на свеце не прымусіць мяне адмовіцца ад гэтага”.
1612 г. “Пабожныя школы” былі перанесены ў дом пры касцёле св. Панцеляймона, гэты дом і стаў генеральным (галоўным) домам ордэна.
1617 г. Моцай брэве “Ad ea per quae” ад 6 сакавіка, выдадзенага Паўлам VI, паўстала Паўлінская Кангрэгацыя Убогіх Маці Божай Пабожных Школаў.
1621 г. Грыгорый XV папскім пасланнем ад 18 лістапада ўзвысіў Пабожныя Школы да ступені ордэна з урачыстымі шлюбамі.
1622 г. Грыгорый XV зацвердзіў Канстытуцыю ордэна.
1631 г. Першая група піяраў перайшла праз Альпы, даючы пачатак Пабожным Школам у Цэнтральнай Еўропе.
