У Чавусах перад пачаткам навучальнага года благаславілі дзяцей і настаўнікаў

25 жніўня ў парафіі Найсвяцейшай Панны Марыі Маці Касцёла ў Чавусах адбылася святая Імша перад пачаткам навучальнага года. Падчас яе а. Гжэгаж Ксёнжэк SP благаславіў дзяцей і настаўнікаў.

Напрыканцы Імшы вернікі парафіі мелі магчымасць ушанаваць рэліквіі св. Юзафа Каласанса. Таксама яны атрымалі ў дар ад а. Гжэгажа Ксёнжэка малітоўнік «Вяночак 12 зорак» з малітвай, якую склаў калісьці сам заснавальнік ордэна піяраў.

Паводле catholic.by

Нараджэнне Божае адзначаюць Чавускія католікі

IMG_0206

Свята Божага Нараджэння адзначылі каталіцкія вернікі Чавускага раёна. 24 снежня ўвечары парафіяне касцёла Найсвяцейшай Панны Марыі – Маці Касцёла сабраліся на Святую Імшу з Вігіліі Божага Нараджэння, а раніцай 25 снежня Святую Імшу, прысвечаную гэтаму вялікаму святу, ўзначаліў дапаможны біскуп Мінска-Магілёўскай архідыяцэзіі Аляксандр Яшэўскі. Напачатку богаслужэння ён павіншаваў чавускіх вернікаў са святам Нараджэння Збаўцы, адзначыў, што для яго  вялікая радасць – быць у гэты важны момант з парафіянамі і несці словы малітвы да Бога разам.

Паводле chausynews.by

План малітваў за памерлых у Чавусах

1 лістапада, чацвер, св. Імша а 10.00 і 18.00 гадзіне

2 лістапада, пятніца, св. Імша а 7.00, 09.30 і 18.00 гадзіне. Пасля св. Імшы а 09.30 гадз. працэсія на каталіцкія могілкі, а таксама выпамінкі і асвячэнне могілак

У сакрыстыі прымаем запісы на Выпамінкі. У інтэнцыі запісаных памерлых на выпамінкі ў лістападзе будзем маліцца ў кожную нядзелю на св. Імшы а 09.30 гадзіне.

Распараджэнне Арцыбіскупа Тадэвуша Кандрусевіча адносна пастырскай праграмы Году веры ў Мінска-Магілёўскай архідыяцэзіі

Р А С П А Р А Д Ж Э Н Н Е

Арцыбіскупа Тадэвуша Кандрусевіча

адносна пастырскай праграмы Году веры

ў Мінска-Магілёўскай архідыяцэзіі

 

 

Глыбокапаважаныя святары, кансакраваныя асобы, браты і сёстры!

 

Абвешчаны Святым Айцом Бэнэдыктам XVI Год веры павінен знайсці сваё практычнае месца ў пастырскай дзейнасці. Зыходзячы з Ноты Кангрэгацыі Веравучэння ад 6 студзеня 2012г., падрыхтаванай Апостальскай Сталіцай праграмы, Пастырскага паслання Біскупаў Беларусі і падрыхтоўкі да святкавання Юбілею 400-годдзя прыбыцця цудоўнага абраза Божай Маці ў Будслаў, а таксама заклікаючы ўсіх вас актыўна ўключыцца ў праграму адраджэння веры, гэтым распараджэннем зацвярджаю наступныя асноўныя яе пункты ў Мінска-Магілёўскай архідыяцэзіі на Год веры.

 

  1. Год веры распачынаецца 14 кастрычніка 2012г. урачыстай святой Імшой, перад якой неабходна ўнесці і на адпаведным месцы ўсталяваць Дакументы Другога Ватыканскага Сабору і Кампендыя Катэхізіса Каталіцкага Касцёла.
  2. Гаміліі, катэхезы, фармацыйныя сустрэчы усіх узроўняў павінны ўключаць разважанні на тэму веры.
  3. Вернікі павінны вывучыць на памяць Сімвалу веры.
  4. Святары, кансакраваныя асобы і вернікі павінны грунтоўна вывучаць Святое Пісанне, Дакументы Другога Ватыканскага Сабору і Катэхізіс Каталіцкага Касцёла.
  5. Удзел у Эўхарыстыі ў нядзелю і прадпісаныя святы, павінен стаць асаблівым вызнаннем нашай веры.
  6. З нагоды малітвы за памерлых на могілках (2 лістапада), што з’яўляецца праяўленнем нашай веры ў жыццё вечнае, неабходна паклапаціцца каб месцы спачывання памерлых былі адпаведна прыбраныя, асабліва святароў, кансэкраваных асоб, а таксама тыя, пра якія няма каму клапаціцца.
  7. Неабходна аднавіць існуючыя крыжы, а дзе ў адпаведных месцах іх няма або знішчаныя па меры магчымасці ўстанавіць новыя.
  8. Больш выкарыстоўваць масс-медыя для распаўсюджвання праўдаў веры.
  9. Па магчымасці пашыраць сувязь са светам навукі і культуры і таксама прысвяціць асаблівую ўвагу няверуючым.
  10. Парафіяльныя рэкалекцыі ў Адвэнце і Вялікім посце трэба правесці ў духу ўмацавання нашай веры і яе сувязі з штодзённым жыццём.
  11. Напярэдадні свята Нараджэння Пана неабходна арганізаваць у парафіях адвэнтовыя сустрэчы для розных груп людзей з мэтай дзялення аплаткай, каб такім чынам глыбей зразумець прўду веры аб уцелаўленні Збаўцы.
  12. У касцёлах і капліцах вывесіць лагатып Году веры.
  13. Правесці ў архідыяцэзіі перэгрынацыю копіі абраза Маці Божай Будслаўскай. Ва ўсіх парафіях перад перэгрынацыяй арганізаваць спецыяльны трыдыум.
  14. У першыя суботы месяца ад кастрычніка 2012г. да чэрвеня 2013г. правесці ў парафіях Навэнну да Божай Маці Будслаўскай.
  15. Арганізаваць прысвечаныя Другому Ватыканскаму Сабору, катэхізацыі і апосталам славян святым Кірылу і Мяфодзію тэматычныя Сімпозіумы.
  16. Быць сведкамі веры ў штодзённым жыцці, ажыццяўляць справы міласэрнасці і весці дыялог з іншымі веравызнаннямі.
  17. Трэба выкарыстаць традыцыю правядзення ў парафіях Працэсіі Божага Цела для паглыблення веры ў прысутнасць Хрыста ў Эўхарыстыі.
  18. Неабходна падтрымліваць звычай святкавання парафіяльных урачыстацяў з нагоды тытулу касцёла або апекуна цэлебруючы ўрачыстую святую Імшу, праводзяцы эўхарыстычную працэсію і традыцыйныя набажэнствы з удзелам святароў з іншых парафій, каб такім чынам прычыняцца да будавання супольнасці і даць магчымасць вернікам падчас свята перажыць сустрэчу з Панам у сакрамаэнце пакаяння і Эўхарыстыі.
  19. Пасля кожнай нядзельнай святой Імшы перад благаслаўленнем чытаць малітву аб умацаванні веры.
  20. Запланаваць пілігрымкі ў Святую Зямлю, Рым і іншыя святыя месцы.
  21. Зыходзячы з канкрэтнай сітуацыі святары могуць дадаць новыя ініцыятывы.

 

Давяраючы ўсіх вас апецы Маці Божай Будслаўскай на плённае перажыванне Году веры ад усяго сэрца благаслаўляю ў імя Айца, + і Сына, і Духа Святога.

 

Арцыбіскуп Тадэвуш Кандрусевіч

Мітрапаліт Мінска-Магілёўскі

 

Распараджэнне атрыманні поўнага адпусту падчас Году веры ў Мінска-Магілёўскай Архідыяцэзіі

РАСПАРАДЖЭННЕ

аб атрыманні поўнага адпусту падчас Году веры

ў Мінска-Магілёўскай архідыяцэзіі

Апублікаваны паводле загаду Святога Айца Бэнэдыкта XVI 5 кастрычніка2012 г. Дэкрэт Апостальскай Пэнітэнцыярыі вызначае ўмовы атрымання поўнага адпусту – гэта азначае прабачэння часовых караў за грахі для сябе або кагосьці з памерлых – на працягу Году веры ад 11 кастрычніка2012 г. да 24 лістапада2013 г.

Святы Айцец пастанавіў, што акрамя звычайных умоваў, такіх як споведзь, св. Камунія, малітва ў інтэнцыі Папы, поўны адпуст могуць атрымаць вернікі, якія:

-         кожны раз, калі прымуць удзел прынамсі ў трох гаміліях падчас святых місій ці прынамсі ў трох лекцыях аб навучанні Другога Ватыканскага Сабору або Катэхізісу Каталіцкага Касцёла ў любым касцёле або адпаведным для гэтага месцы;

-         кожны раз калі наведаюць як пілігрымы адну з папскіх базылік або хрысціянскія катакомбы, катэдральны касцёл ці абранае праз мясцовага Ардынарыя месца для Году веры і дзе прымуць удзел у якім небудзь набажэнстве або правядуць адпаведны час на пабожным разважанні (медытацыі), завяршаючы малітвай «Ойча наш», вызнаннем веры ў любой дазволенай форме, а таксама памоляцца любой малітвай да Маці Божай, апосталаў ці святых апекуноў;

-         кожны раз у вызначаных днях мясцовым Ардынарыем прымуць удзел у св. Імшы або Літургіі гадзінаў у якім нібудзь святым месцы, дадаючы вызнанне веры ў любой дазволенай форме.

-         у любы дзень пабожона наведаюць баптыстэрый ці іншае месца, дзе цэлебруецца сакрамэнт хросту, і там адновяць абяцанні хросту ў любой дазволенай форме;

-         калі па важных прычынах не могучы асабіста прыняць удзел ва ўрачыстых набажэнствах (нпр. па прычыне хваробы, старасці, знаходжання ў вязніцы і г.д.) яднаюцца духоўна ў думках з прысутнамі на іх вернікамі, асабліва пры праглядзе ці праслухоўванні тэле- ці радыётрансляцый з набажэнстваў, якія ўзначальвае Святы Айцец ці дыяцэзіяльны біскуп, молячыся малітвай “Ойча наш”, “Веру ў Бога” у любой дазволенай форме ці іншымі малітвамі, адпавядаючымі сэнсу і значэнню Года веры, а таксама ахвяроўваючы свае пакуты ці жыццёвыя цяжкасці.

 

У сувязі з выжэй сказаным пастанаўляю:

1).      Месцамі Году веры, дзе можна атрымаць поўны адпуст з’яўляюцца Мінская архікатэдра Імя Найсвяцейшай Панны Марыі, Магілёўская катэдра Унебаўзяцця Найсвяцейшай Панны Марыі і св. Станіслава, Санктуарый Божай Маці Будслаўскай. У іх павінна быць усталявана апаведная інфармацыя.

Месцамі атрымання адпусту таксама з’яўляюцца касцёлы і капліцы падчас знаходжання ў іх копіі цудоўнага абраза Божай Маці Будслаўскай з нагоды яе перэгрынацыі па парафіях архідыяцэзіі.

2).      Днямі, калі можа атрымаць поўны адпуст прымаючы ўдзел святой Імшы або Літургіі гадзінаў з’яўляюцца:

урачыстасць усіх Святых;

урачыстасць Хрыста Валадара Сусвету;

урачыстасць Беззаганнага Зачацця Найсвяцейшай Панны Марыі;

урачыстасць Нараджэння Пана;

урачыстасць Багародзіцы Марыі;

урачыстасць Аб’яўлення Пана (Трох Каралёў);

свята ахвяравання Езуса ў святыні (Грамніцы);

урачыстасць Звествання Пана;

нядзеля Мукі Пана (Пальмовая нядзеля);

урачыстасць Уваскрасення Пана (Пасха);

урачыстасць Спаслання Святога Духа;

урачыстасць Найсвяцейшага Цела і Крыві Хрыста (Божага Цела);

урачыстасць святых апосталаў Пятра і Паўла;

урачыстасць Маці Божай Будслаўскай;

урачыстасць Унебаўзяцця Найсвяцейшай Панны Марыі;

свята Узвышэння Святога Крыжа;

свята св. Міхала арханёла.

3).      У месцах Году веры пробашчы павінны паклапаціцца аб адпаведнай арганізацыі споведзі, каб усе жадаючыя маглі паяднацца з Богам і Касцёлам. У сувязі з гэтым абавязваю святароў суседніх парафій, асабліва ў Мінску, дапамагаць у гэтай так важнай пастырскай справе і ўзгодніць з пробашчамі месцаў Году веры графік паслугі ў канфесіянале.

4).      Святарам, якія будуць спавядаць у гэтых месцах, удзяляю ўладу звальнення ад зарэзарваваных біскупу касцёльных караў in foro interno.

Усіх вернікаў Мінска-Магілёўскай архідыяцэзіі давяраю апецы Маці Божай Будслаўскай і на Год веры, як год асаблівай Божай ласкі, благаслаўляю ў імя Айца, + і Сына, і Святога Духа.

 

Арцыбіскуп Тадэвуш Кандрусевіч

Мітрапаліт Мінска-Маглёўскі

 

 

 

Чавусы на Парафіядзе

IMG_5254

Група дзяцей і моладзі ужо трэці раз прымала ўдзел у Міжнароднай Парафіядзе Дзяцей і Моладзі ў Варшаве. На працягу двух тыдняў мы адпачывалі ў парафіяднам лагеры ў Параніне паблізу Закапанаў. Дзякуючы таму, што непадалёку былі Татры, мы хадзілі ў паход ў горы, у тым ліку на “Морске Око” і ў прытулак на “Халі Гонсіннецовэй”. Падчас наведвання Кракава мы не толькі пазнаёміліся з горадам, але і пабывалі ў Вышэйшай Духоўнай Семінырыі Айцоў Піяраў, а таксама ў Каталіцкім Ліцэі Айцоў Піяраў. Пасля наведалі святыню Божай Міласэрнасці ў Лагеўніках і пабывалі ў піярскай парафіі ў Лапшах Ніжніх, што на Спішу. Мы убачылі забыткі ў Нядзіцы і правялі разам з дзецьмі з Лапш Ніжніх выдатны інтэграцыйны вечар каля вогнішча. Адбылася супольная вячэра каўбаскамі, печанымі на агні, усе пелі рэлігійныя песні, забаўляліся і гулялі ў розныя гульні. У рамках лагера, мы пабачылі ўсю прыгажосць Татр, Кракава, Спішу і Падгаля. Штодня мы перажывалі супольную св. Імшу і удзельнічалі ў малітвах на працягу дня, якія падрыхтоўвалі ўдзельнікі. Мы перажылі разам таксама і спартыўны дзень. Падчас Парафіяды мы наведалі музей Каперніка ў Варшаве, а ў рамках спартыўных спаборніцтваў заваявалі два медалі. Бронзу ў 1500 м выйграў Сыравежкін Павел і яшчэ адзін бранзовы медаль заваявала у настольным тэнісе Акуленка Марыя.

Парафіяльная Урачыстасць у Чавусах

IMG_5097_thumb

28 мая 2012 года мы перажывалі Свята Марыі – Маці Касцела. У гэты дзень Сваю Парафіяльную Урачыстасць перажывала наша піярская парафія ў Чавусах. Урачыстасць узначаліў кс. Дзекан з Касцюковічаў – кс. Андрэй Доляньскі. Прысутныя былі таксама і іншыя святары – а. Віталь Чабатар, клярэтын з Магілева, кс. Павел Шылак з Крычава, а. Ян Осіповіч, пробашч нашай піярскай парафіі ў Лідзе, а. Гжэгож Ксенжэк – пробашч Чавускай парафіі, а таксама а. Віталь Сапеха, дамініканец з Магілева, які прамовіў да вернікаў падчас гаміліі.
Падчас навукі а. Віталь нагадаў усім прысутным аб патрэбе і абавязку быцця сведкам Уваскрослага Хрыста. У сучасным свеце кожны католік павінен быць свекам на ўзор Марыі – Маці Касцела, якая заўседы была побач свайго Сына Езуса і якая была ў пачатках нашай хрысціанскай веры і ў пачатках Касцела. На працягу ўсяго часу Марыя была Сведкай жывой веры.
Урачыстасць Адпустовую ўпрыгожыў мужчынскі хор з Магілева.
На заканчэнне ўрачыстай св. Імшы былі ўручаны малітоўнікі і пасвядчэнні аб заканчэнні катэхітычнага года для пяці маладых чалавек, выпускнікоў гэтага года.
Урачыстасць закончылася малітвай перад Найсвяцейшым Сакрамантам і літаніяй да Маці Божай.
На прыканцы самыя маленькія адтрымалі салодкія пачастункі.

Першая камунія ў Чавусах

27 мая 2012 г пасля двух гадоў прыгатавання ў нашай піярскай парафіі ў Чавусах адбылася Урачыстасць Першай св. Камуніі. Гэтае свята адбылося ва Урачыстасць Спаслання Святога Духа, што ўжо памалу становіцца традыцыяй у Чавусах. Да св. Камуніі прыступіло трое дзяцей (дзяўчаты). Урачыстасць узначаліў Дзекан Мсціслаўскі Робарт Мацееўскі. Ад 2000 года гэта была ўжо другая парафіяльная Урачыстасць Першай св. Камуніі.

 
У гэты радасны дзень казанне сказаў кс пробашч Гжэгож Ксенжэк. Падчас навукі ўзгадаў постаць Святога Духа і нагадаў усім прысутным аб патрэбе жывой веры і аб тым, што кожны з нас забавязаны да таго, каб сведчыць аб сваей веры ў штодзенным жыцці. Звяртаючыся да дзяцей, кс. Пробашч выразіў сваю радасць з таго, што дзеці могуць прымаць св. Камунію да свайго сэрца і пажадаў, каб Езус заўседы быў у іх сэрцы і жыцці, а таксама вялікай радасці з магчымасці прыняцця св. Камуніі.
На заканчэнне дзеці адтрымалі малітоўнікі, ружанцы, св. Пісанне а таксама пасведчанні аб прыняцці св. Камуніі.

Сустрэча піяраў, якія жывуць і працуюць у Беларусі

Неўзабаве пасля Святаў Змертвыхпаўстання Пана, 10 – 12 красавіка, адбылася чарговая сустрэча піяраў, якія працуюць і жывуць у Рэспубліцы Беларусь. На гэты раз нашая сустрэча праводзілася ў Чавусах, што ма Магілеўшчыне, дзе працуе адзін з піяраў – а. Грыгорый Ксенжэк.

У той жа дзень, 10 красавіка, у гадавіну аварыі пад Смаленскам, у чавускім парафіяльным касцеле адбылася супольная Эўхарыстыя ў інтэнцыі нашага памерлага субрата Юзафа Енца і ўсіх загінулых у катастрофе пад Смаленскам 2 гады таму. Св. Імшу ўзначаліў і сказаў казанне Рэктар піяраў у Беларусі – а. Вітольд Пэтэльчыц.

Трыдуум і Пасха ў Чавусах

Thanx: Goutu