Ordo Clericorum Regularium Pauperum Matris Dei
Scholarum Piarum
Святы Юзаф Каласанс
(San Jose de Calasanz)
1557 – 25 жніўня 1648 — каталіцкі святар,
заснавальнік Ордэна Піяраў.
Чэрвень 5th, 2019 
Witalij 
1 чэрвеня пры парафіі Св. Тэрэзы Авільскай у Шчучыне адбылася сустрэча піярскага душпастырства настаўнікаў Ліды і Шчучына.
Настаўнікі сабраліся на сустрэчы, каб разам дзякаваць Богу за навучальны год, які завяршыўся, за ўсіх сваіх вучняў і прасіць аб благаслаўленні на час канікул.
Сустрэча пачалася святой Імшой. Пасля малітвы адбылася забаўляльная частка, падчас якой былі смачны пачастунак, конкурсы і танцы.
Паводле grodnensis.by
Чэрвень 5th, 2019 Witalij 
25 мая пры кляштары айцоў піяраў у Шчучыне прайшла сустрэча міністрантаў, удзельніц хору і іх бацькоў, прымеркаваная да заканчэння навучальнага года.
Сустрэча пачалася святой Імшой. Потым адбылася неафіцыйная частка, падчас якой былі вылучаны “міністрант года” і “харыст года”.
Выпускнікі традыцыйна атрымалі памятныя кубкі. У межах сустрэчы ўдзельнікі не толькі пачаставаліся, але і весела правялі час.
Паводле grodnensis.by
Чэрвень 3rd, 2019 admin ДУШПАСТЫРСКІЯ АБ’ЯВЫ
НА VІІ ВЕЛІКОДНУЮ НЯДЗЕЛЮ
/Год С — 2019/
Рыма-Каталіцкая парафія св. Тэрэзы Авільскай у Шчучыне
У сувязі з першай нядзеляй месяца, сёння пасля св. Імшы а 10.00 гадз. выстаўленне Найсв. Сакрамэнту і Эўхарыстычная працэсія вакол тэрыторыі каля касцёла. Пасля чэрвенскага набажэнства ў 15.30, змена ружанцовых таямніцаў. Інтэнцыя на месяц чэрвень: малітва за вучняў і студэнтаў, якія здаюць экзамены і пішуць тэсты, аб патрэбныя для іх дары Св. Духа.
З літургічнага календара:
3 чэрвеня (панядзелак) – успамін св. Караля Луангі (św. Karola Lwangi i towarzyszy, męcz.) і паплечнікаў, мучанікаў.
5 чэрвеня (серада) – успамін св. Баніфацага, біскупа і мучаніка.
6 чэрвеня першы чацвер месяца. Набажэнства ў інтэнцыі аб новыя пакліканні да святарскай службы і манаскага жыцця адбудзецца пасля чэрвенскага набажэнства.
7 чэрвеня першая пятніца месяца. Споведзь з раніцы ад 9.15 і ўвечары ад 18.15. Пасля св. Імшаў а 10.00 і 19.00 гадз. набажэнства да Найсв. Сэрца Пана Езуса.
8 чэрвеня (субота) – успамін св. Ядвігі Каралевы.
9 чэрвеня (нядзеля) – урачыстасць Спаслання Духа Святога. За прачытанне ў гэты дзень гімна О ствожыцелю Духу пшыйдзь можна атрымаць цалкавіты адпуст. У бліжэйшую нядзелю заканчэнне велікоднага перыяду і велікоднай споведзі. Таму, хто яшчэ не быў у велікоднай споведзі, заахвочваем, каб на гэтым тыдні прыступіў.
Іншыя аб’явы:
Травень 26th, 2019 admin ДУШПАСТЫРСКІЯ АБ’ЯВЫ
НА VІ ВЕЛІКОДНУЮ НЯДЗЕЛЮ
/Год С — 2019/
Рыма-Каталіцкая парафія св. Тэрэзы Авільскай у Шчучыне
Сёння на св. Імшы ў 11.30 заканчэнне катэхетычнага года для дзяцей і моладзі ад 1 да 11 класа. Падчас св. Імшы будзем дзякаваць Богу за мінулы навучальны года і адначасова будзем прасіць аб шчаслівыя і бяспечныя летнія канікулы, а таксама аб дары Духа Святога для тых, хто здае экзамены і піша тэсты.
З літургічнага календара:
27, 28 і 29 мая – Дні малітваў перад урачыстасцю Ўнебаўшэсця Пана Езуса аб спрыяльнае надвор’е і добры ўраджай, каб на зямлі не было голада. У гэтай інтэнцыі будзем маліцца падчас маёвага набажэнства.
30 мая (чацвер) – урачыстасць Унебаўшэсця. Св. Імшы ў нашым касцёле а 10.00 і а 19.00 гадз. Гэта свята абавязковае, таму кожны католік павінен узяць удзел у св. Імшы і ў хаце ўстрымацца ад неабавязковай працы.
31 мая (пятніца) – свята Адведзінаў НПМ (Nawiedzenia NMP). Заканчэнне маёвага набажэнства, а таксама I дзень навэнны перад урачыстасцю Спаслання Духа Святога.
Акрамя гэтага 31 мая ў Ордэне Айцоў Піяраў моляцца аб новыя манаскія пакліканні да суполнасцяў Каласансаўскай сям’і.
.
1 чэрвеня (субота) – успамін св. Юстына, мучаніка і першы дзень чэрвенскага (чэрвцовага) набажэнства, якое ў нашым касцёле будзе праходзіць ў буднія дні пасля св. Імшы а 19.00 гадз., у нядзелю ў 15.30.
1 чэрвеня адзначаецца Сусветны Дзень Дзіцяці. У гэты дзень будзем маліцца, каб дзеці ўзрасталі ў мудрасці і пабожнасці.
Таксама першая субота месяца. Набажэнства да Беззаганага Сэрца НПМ адбудзецца пасля чэрвенскага набажэнства.
2 чэрвеня I нядзеля месяца. Пасля св. Імшы а 10.00 гадз. выстаўленне Найсв. Сакрамэнту, адарацыя і Эўхарыстычная працэсія вакол тэрыторыі каля касцёла. Пасля св. Імшы а 16.00 гадз. змена ружанцовых таямніцаў.
У Гродзенскай дыяцэзіі ў першую нядзелю чэрвеня адзначаецца Дзень Таты. Молімся за жывых і памерлых татаў.
Іншыя аб’явы:
Травень 21st, 2019 admin ДУШПАСТЫРСКІЯ АБ’ЯВЫ
НА V ВЕЛІКОДНУЮ НЯДЗЕЛЮ
/Год С — 2019/
Рыма-Каталіцкая парафія св. Тэрэзы Авільскай у Шчучыне
Сёння ў нашым касцёле на св. Імшах ў 11.30 і 14.00 I св. Камунія дзяцей. У гэтым годзе да I Св. Камуніі прыступіць 111 дзяцей.
З літургічнага календара:
21 мая (аўторак) – успамін св. Яна Непамука (św. Jana Niepomucena), святара і мучаніка.
23 мая (чацвер) – XXVІІІ гадавіна біскупскага пасвячэння кс. бп. Аляксандра Кашкевіча.
24 мая (чацвер) – успамін НПМ Успамогі Хрысціян (NMP Wspomożycielki Wiernych).
25 мая (субота) – у нашай парафіі Каласансаўскі дзень. Пасля св. Імшаў молімся праз пасрэдніцтва св. Юзафа Каласанса за школьнікаў і настаўнікаў.
Таксама ў наступную суботу пасля св. Імшы а 10.00 гадз. у нашым касцёле выступіць польскі тэатр Вільям-Эс з замка Ксёнж. Прадстаўленне будзе на тэму аб’яўленняў Маці Божай у Фаціме. Шчыра запрашаем прыйсці на Імшу і прадстаўленне. Напэўна будзе варта і цікава паглядзець!
Іншыя аб’явы:
Травень 17th, 2019 Witalij 
15 мая ў санктуарыі Маці Божай Фацімскай у Шчучыне дапаможны біскуп Гродзенскай дыяцэзіі Юзаф Станеўскі ўдзяліў 38 вернікам (36 маладым людзям і 2 дарослым) сакрамэнт канфірмацыі.
Іерарх цэлебраваў святую Імшу ў інтэнцыі тых, хто прымаў сакрамэнт хрысціянскай сталасці. Звяртаючыся да іх, ён заахвоціў заўсёды трымацца веры сваіх продкаў і быць гатовымі адважна штодня ёю жыць і бараніць яе.
На заканчэнне маладыя вернікі падзякавалі біскупу за ўдзелены сакрамэнт, а таксама выказалі падзяку святарам, якія дапамагалі ім падрыхтавацца да гэтай урачыстасці.
Да прыняцця сакрамэнту хрысціянскай сталасці кандыдаты рыхтаваліся два гады, удзельнічаючы ў катэхетычных занятках, набажэнствах, разнастайных рэкалекцыях і пілігрымцы ў дыяцэзіяльны санктуарый Маці Божай Каралевы нашых сем’яў у Тракелях.
Паводле grodnensis.by
Травень 13th, 2019 admin ДУШПАСТЫРСКІЯ АБ’ЯВЫ
НА ІV ВЕЛІКОДНУЮ НЯДЗЕЛЮ
/Год С — 2019/
Рыма-Каталіцкая парафія св. Тэрэзы Авільскай у Шчучыне
Сёння нядзеля Добрага Пастыра. Сусветны Дзень малітв аб новыя пакліканні да святарскай службы і манаскага жыцця.
З літургічнага календара:
13 мая (панядзелак) – у нашай парафіі Фацімскі дзень. На св. Імшы а 10.00 гадз. молімся аб прыезд Святога Айца ў Беларусь. Пасля св. Імшы, выстаўленне Найсв. Сакрамэнту і Адарацыя да 12.30. Пасля абеда адарацыя ад 17.00 гадз. У 18.15 супольны ружанец з просьбамі і падзякамі да Маці Божай Фацімскай. Пасля св. Імшы а 19.00 гадз. Фацімскае набажэнства і працэсія вакол тэрыторыі каля касцёла.
14 мая (аўторак) – свята св. Мацея, апостала.
15 мая (серада) – вячэрняя св. Імша а 18.00 гадз., падчас якой дапаможны біскуп Гродзенскай Дыяцэзіі Юзаф Станеўскі ўдзеліць сакрамэнт канфірмацыі групе моладзі і дарослых з нашай парафіі.
16 мая (чацвер) – успамін св. Андрэя Баболі, святара і мучаніка.
18 мая (субота) - ў 10.45 і 11.45 споведзь дзяцей, якія ў гэтым годзе першы раз прыступяць да св. Камуніі.
19 мая (нядзеля) – на св. Імшах ў 11.30 і 14.00, першая св. Камунія дзяцей з нашай парафіі.
У наступную нядзелю а 17.00 гадз. сустрэча настаўнікаў.
Травень 7th, 2019 Witalij 
6 мая пры парафіі Св. Тэрэзы Авільскай у Шчучыне распачаліся Дні моладзі Гродзенскай дыяцэзіі. У сустрэчы ўдзельнічае больш за 1000 чалавек з розных парафій дыяцэзіі, а таксама прадстаўнікі Мінска-Магілёўскай архідыяцэзіі.
У ходзе сустрэчы адбудзецца праца ў групах, дзе моладзь будзе разважаць над рэалізацыяй свайго жыцця праз місійнае служэнне, дабрачыннасць, жыццё ў святарстве, законнае ці сямейнае, а таксама праз служэнне ў каталіцкіх СМІ, евангелізацыйнае служэнне, парафіяльнае служэнне, музычнае служэнне.
Травень 7th, 2019 Witalij 
На працягу ўжо многіх гадоў выпускнікі 11-х класаў сярэдніх школ г. Шчучына адпраўляюцца ў пілігрымку ў Будслаў. Гэты год не стаў выключэннем: перад заканчэннем школы моладзь па традыцыі скіравалася ў Нацыянальны санктуарый Маці Божай, дзе атрымала спецыяльнае благаслаўленне на далейшы жыццёвы шлях.
За два дні, колькі працягвалася невялікае падарожжа, выпускнікі ўбачылі мноства святынь і проста цікавых мясцінаў роднай зямлі.
Травень 6th, 2019 Witalij 
Маладыя вернікі парафіі ў Шчучыне здзейснілі пілігрымку ў Тракелі і Ліду перад прыняццем сакрамэнту канфірмацыі. Шчучын — Тракелі — Ліда — шлях, які стаў ужо традыцыйным: кожны год моладзь са Шчучына пераадольвае яго вясною, каб з дапамогай Марыі лепш падрыхтавацца да сакрамэнту хрысціянскай сталасці.
Падчас святой Імшы ў Тракелях 27 красавіка маладыя людзі прасілі аб патрэбных ласках для годнага прыняцця канфірмацыі.
