Душпастырскія аб’явы Шчучын 22.05.2022

ДУШПАСТЫРСКІЯ АБ’ЯВЫ

НА VІ ВЕЛІКОДНУЮ НЯДЗЕЛЮ

/Год С — 2022/ — 22.05.2022

 

 

З літургічнага календара:

23 мая (панядзелак) – XXХІ гадавіна біскупскага пасвячэння кс. бп. Аляксандра Кашкевіча.

Таксама ў гэты дзень а 10.00 гадзіне адбудзецца Святая Імша ў інтэнцыі душаў у чыстцы церпячых.

 

23, 24 і 25 мая – Дні малітваў перад урачыстасцю Ўнебаўшэсця Пана Езуса аб спрыяльнае надвор’е і добры ўраджай, каб на зямлі не было голада. У гэтай інтэнцыі будзем маліцца падчас маёвага набажэнства.

 

24 мая (аўторак) – успамін НПМ Успамогі Хрысціян (NMP Wspomożycielki Wiernych).

 

25 красавіка (серада) - адзначаем Каласансаўскі дзень. Пасля св. Імшаў зранку і ўвечары набажэнства да св. Юзафа Каласанса, падчас якога асаблівым чынам будзем маліцца за школьнікаў і настаўнікаў.

 

26 мая (чацвер) – урачыстасць Унебаўшэсця. Св. Імшы ў нашым касцёле а 10.00 і а 19.00 гадз. Гэта свята абавязковае, таму кожны католік павінен узяць удзел у св. Імшы і ў хаце ўстрымацца ад неабавязковай працы.

 

27 мая (пятніца) – I дзень навэнны перад урачыстасцю Спаслання Духа Святога.

 

 

Іншыя аб’явы:

 

 

  • Нагадваем, што маёвае набажэнства ў нашым касцёле кожны

будні дзень у 18.30, у нядзелю ў 15.30 замест нешпараў.

 

  • У канцы касцёла на століку можна набываць каталіцкую

прэсу.

 

 

 

Душпастырскія аб’явы Лiда 22.05.2022

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (м-н Індустрыяльны)

Д У Ш П А С Т Ы Р С К І Я  А Б ’ Я В Ы 

на 

VI Велікодную Нядзелю /С/

22.05.2022 г.

 

  • Трывае месяц май і маёвае набажэнства. У нашым касцёле Літанія Ларэтанская да НПМ кожны дзень а 18.00, а ў нядзелю а 17.30. Заахвочваем таксама да малітвы дома ў сваіх сем’ях.

 

  • Сёння а 11.30 і а 14.30 у нашым касцёле адбудзецца урачыстасць Першай Св. Камуніі, да якой прыступяць 88 дзяцей. Памятайма пра першакамунійных дзяцей у сваіх малітвах.

 

  • Сённяшнія ахвяраванні з тацы будуць прызначаны на патрэбы Гродзенскай дыяцэзіі.

 

  • 23 мая (пн)31-я гадавіна біскупскага пасвячэння Пастыра нашай Дыяцэзіі ксяндза біскупа Аляксандра Кашкевіча. Таму, асабліва памятайма ў сваіх малітвах у інтэнцыі ксяндза біскупа і аб яго плённым апостальскім служэнні ў нашай дыяцэзіі.

 

  • З 23 па 25 мая – Дні малітваў аб Божым благаслаўленні ў палявых працах і аб ураджаі.

 

  • З 23 па 28 мая для першакамунійных дзяцей будзе Белы тыдзень. Дзеці будуць прыходзіць кожны дзень на св. Імшу а 9.00 (прыходзіць 2-я змена ў школе) і а 18.30 (прыходзіць 1-я змена ў школе).

 

  • 24 мая (ат) – Успамін НПМ Успамогі Хрысціянаў.

 

  • 25 мая (ср)Каласáнсаўскі дзень. У гэты дзень асаблівым чынам будзем маліцца праз заступніцтва св. Юзафа Каласанса, заснавальніка Ордэна Піяраў і апякуна нашай парафіяльнай святыні. Падчас ранішняй і вячэрняй св. Імшаў у гонар святога апекуна, будзем выпрóшваць патрэбныя ласкі і Божыя дары для дзяцей і моладзі, выкладчыкаў і настаўнікаў, выхавацеляў і катэхетаў на прыканцы вучэбнага і катэхетычнага году.

 

  • 26 мая (чц) Урачыстасць Унебаўшэсця Пана. У нашым касцёле св. Імшы а 9.00 і а 18.30. У гэты дзень кожны католік абавязаны ўстрымацца ад фізічнай працы дома і ўдзельнічаць у св. Імшы.

 

  • 27 мая (пт) – Распачнем Першы дзень навэнны перад Урачыстасцю Спаслання Духа Святога. На працягу 9-ці дзён, напрыканцы маёвага набажэнства будзем маліцца навэннай да Духа Святога.

 

  • Ёсць новы нумар газеты „Слова Жыцця” і часопісаAve Maria. Заахвочваем браць і чытаць каталіцкую прэсу.

 

  • У сакрыстыі запісваем інтэнцыі св. Імшаў індывідуальныя і складковыя.

 

  • Перад або пасля св. Імшы ў сакрыстыі можна складваць свае ахвяраванні на рамонт муру вакол касцёла.

 

  • Вялікі дзякуй за ўсе Вашы ахвяраванні на патрэбы нашага касцёла і парафіі.

 

  • З душпастырскімі аб’явамі нашай парафіі можна азнаёміцца на інтэрнэт-старонцы www.pijary.info

 

  • Жадаем усім дабрага нядзельнага дня і шчаслівага новага тыдня!

 

 

БІСКУП КАШКЕВІЧ УДЗЯЛІЎ САКРАМЭНТ КАНФІРМАЦЫІ Ў ЛІДСКАЙ ПАРАФІІ УНЕБАЎЗЯЦЦЯ НАЙСВЯЦЕЙШАЙ ПАННЫ МАРЫІ

industrialny 40

14 мая біскуп Гродзенскі Аляксандр Кашкевіч наведаў парафію Унебаўзяцця Найсвяцейшай Панны Марыі ў Лідзе (Індустрыяльны).

На Эўхарыстыі, якая цэлебравалася ў інтэнцыі ўсёй парафіяльнай супольнасці, іерарх удзяліў сакрамэнт хрысціянскай сталасці групе з 18 маладых людзей.

Пробашч парафіі а. Аляксандр Махнач SP ад імя кандыдатаў да канфірмацыі звярнуўся да біскупа з просьбай удзяліць ім сакрамэнт, беручы пад увагу іх жаданне яго прыняць і падрыхтоўку, якую яны прайшлі. Затым на словы іерарха кандыдаты супольна адказалі, якіх ласкаў чакаюць ад Бога ў канфірмацыі, і аднавілі абяцанні хросту.

Пасля спецыяльнай малітвы біскуп удзяліў сакрамэнт, здзейсніўшы гэта праз намашчэнне алеем хрызма, якім зрабіў знак крыжа на чале кожнага канфірмаванага, выражаючы пры гэтым адпаведную сакрамэнтальную формулу.

Праграма СВЯТЫХ МIСIЙ з 22 па 29 мая 2022 г. Шчучын

Душпастырскія аб’явы Лiда 15.05.2022

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (м-н Індустрыяльны)

Д У Ш П А С Т Ы Р С К І Я  А Б ’ Я В Ы 

на 

V Велікодную Нядзелю /С/

15.05.2022 г.

 

  • Трывае месяц май і маёвае набажэнства. У нашым касцёле Літанія Ларэтанская да НПМ кожны дзень а 18.00, а ў нядзелю а 17.30. Заахвочваем таксама да малітвы дома ў сваіх сем’ях.

 

  • Сёння пасля св. Імшы а 11.30 у касцёле адбудзецца бацькоўскі сход тых дзяцей, якія ў наступную нядзелю 22 мая ў нашай парафіі прыступяць да Першай Святой Камуніі. Прысутнасць абавязковая прынамсі аднаго з бацькоў.

 

  • 16 мая (пн) успамін св. Андрэя Баболі, святара і мучаніка. 

 

  • 21 мая (сб) успамін св. Яна Непамýка, святара і мучаніка. 

 

  • У наступную нядзелю 22 мая а 11.30 і а 14.30 у нашым касцёле адбудзецца урачыстасць Першай Св. Камуніі, да якой прыступяць 90 дзяцей. Вялікая просьба да парафіянаў якія звычайна ходзяць на св. Імшу на 11.30, каб у наступную нядзелю прыйсці на св. Імшу а іншай гадзіне. Памятайма таксама пра першакамунійных дзяцей у сваіх малітвах.

Ахвяраванні з тацы ў наступную нядзелю, будуць прызначаны на патрэбы Гродзенскай дыяцэзіі.

 

  • У сакрыстыі запісваем інтэнцыі св. Імшаў індывідуальныя і складковыя.

 

  • Перад або пасля св. Імшы ў сакрыстыі можна складваць свае ахвяраванні на рамонт муру вакол касцёла.

 

  • Вялікі дзякуй за ўсе Вашы ахвяраванні на патрэбы нашага касцёла і парафіі.

 

  • З душпастырскімі аб’явамі нашай парафіі можна азнаёміцца на інтэрнэт-старонцы www.pijary.info

 

  • Жадаем усім плённага новага тыдня!

 

 

 

 

БІСКУП ГРОДЗЕНСКІ ЎДЗЯЛІЎ САКРАМЭНТ КАНФІРМАЦЫІ МОЛАДЗІ ШЧУЧЫНСКАЙ ПАРАФІІ

 

szuczin 10

11 мая біскуп Гродзенскі Аляксандр Кашкевіч наведаў парафію св. Тэрэзы Авільскай у Шчучыне.

На святой Імшы іерарх удзяліў сакрамэнт хрысціянскай сталасці групе маладых людзей, якія былі адпаведна падрыхтаваны праз катэхетычныя заняткі, удзел у літургіі і прыступілі да сакрамэнту пакаяння і паяднання.

Сакрамэнт канфірмацыі прыняў у гэты дзень 31 парафіянін. Яны захацелі адкрыць свае сэрцы на дары Духа, якія становяцца практычнымі здольнасцямі, патрэбнымі для чалавека ў многіх штодзённых сітуацыях, а таксама з’яўляюцца “пастаяннымі схільнасцямі, якія дапамагаюць чалавеку ісці за натхненнямі Духа Святога” (KKK 1830).

На Эўхарыстыі біскуп асаблівым чынам маліўся за хлопцаў і дзяўчат, якія прымалі гэты сакрамэнт, каб дзякуючы сямі дарам Духа яны атрымалі магчымасць усталяваць асабістыя і глыбокія адносіны з Богам Айцом.

Душпастырскія аб’явы Шчучын 15.05.2022

ДУШПАСТЫРСКІЯ АБ’ЯВЫ

НА V ВЕЛІКОДНУЮ НЯДЗЕЛЮ

/Год С — 2022/ — 15.05.2022

З літургічнага календара:

 

16 мая (панядзелак) – успамін св. Андрэя Баболі, святара і мучаніка.

 

17 мая (аўторак) - а 10.00 гадзіне адбудзецца Святая Імша ў інтэнцыі душаў у чыстцы церпячых.

 

21 мая (субота) – успамін св. Яна Непамука w. Jana Niepomucena), святара і мучаніка.

 

22 мая (нядзеля) – ахвяры, якія будуць збірацца на тацу, прызначаны будуць на патрэбы дыяцэзіі.

 

22-29 мая – у нашай парафіі пройдуць Святыя Місіі, на якія шчыра запрашаем.

Інфармацыю пра Святыя Місіі можна таксама знайсці на дошцы аб’яваў, якая знаходзіцца каля касцёла альбо ў інтэрнэце на старонцы pijary.info

 

 

 

 

Іншыя аб’явы:

 

 

  • Нагадваем, што маёвае набажэнства ў нашым касцёле кожны

будні дзень у 18.30, у нядзелю ў 15.30 замест нешпараў.

 

  • У канцы касцёла на століку можна набываць каталіцкую

прэсу.

 

 

 

 

ВЫПУСКНІКІ СА ШЧУЧЫНСКАЙ ПАРАФІІ ЗДЗЕЙСНІЛІ ПІЛІГРЫМКУ Ў БУДСЛАЎ

wypusk szuczin 16

Кожны год выпускнікі са шчучынскай парафіі св. Тэрэзы Авільскай адпраўляюцца ў Нацыянальны санктуарый, каб памаліцца да Маці Божай Будслаўскай. Гэты год не стаў выключэннем, пілігрымка адбылася 2-3 мая.

Маладыя людзі наведалі спачатку Іўе – горад, які называюць другім Рыа-дэ-Жанейра. Там яны пабывалі ў мячэці, дзе набажэнствы праходзяць па пятніцах. Пры ўваходзе ў яе трэба абавязкова зняць абутак і пакрыць галаву, моляцца седзячы “па-турэцку”. Удзельнічаць у набажэнстве ў мячэці мае права толькі той, хто ўмее чытаць Каран па-арабску.

У цэнтры Іўя знаходзіцца манумент “Адзінства чатырох канфесій”. Шчучынскія выпускнікі пабывалі ў мясцовым касцёле, пабудаваным у XVII стагоддзі. Тут жа можна знайсці і кляштар бэрнардынаў, размешчаны на высокім узгорку. Фігура Езуса, усталяваная побач, бачная з любой кропкі горада.

У касцёле францішканаў у Гальшанах можна адзначыць маляўнічы роспіс алтарнай сцяны, якая імітуе паўкруглую каланаду, і пышную ляпніну. Вандроўнікаў уразіў таксама Гальшанскі замак, які пабудавалі знакамітыя Сапегі. Моладзь наведала і Крэўскі замак, пабудаваны ў стылі замка-кастэля ў ХІІІ стагоддзі і моцна разбураны падчас Першай сусветнай вайны. Цяпер вядуцца працы па яго аднаўленні. У гэтым замку ў 1385 годзе была заключана Крэўская унія, а праз два гады па загадзе Ягайлы была пабудавана каталіцкая святыня, якую шчучынскія падарожнікі таксама наведалі.

Душпастырскія аб’явы Лiда 08.05.2022

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (м-н Індустрыяльны)

Д У Ш П А С Т Ы Р С К І Я  А Б ’ Я В Ы 

на 

ІV Велікодную Нядзелю /С/

08.05.2022 г.

 

  • Сёння Нядзеля Добрага Пастыра. Распачаўся Тыдзень малітваў аб пакліканнях да службы Божай у Касцёле. Таксама сёння молімся за імяніннікаў, якія носяць імя Станіслаў ці Станіслава.

 

  • Трывае месяц май і маёвае набажэнства. У нашым касцёле Літанія Ларэтанская да НПМ кожны дзень а 18.00, а ў нядзелю а 17.30. Заахвочваем таксама да малітвы перад прыдарожнымі крыжамі, каплічкамі, а таксама дома ў сваіх сем’ях.

 

  • 9 мая (пн)Дзень Перамогі над фашызмам. Гэта дзень памяці і малітвы за ахвяры ІІ-й Сусветнай вайны і аб супакоі ва ўсім свеце. У гэты дзень Ордэн піяраў адзначае свята Маці Божай Каралевы Пабожных Школаў, апякункі ордэна. 

 

  • 10 мая (ат)Успамін св. Яна Авільскага, доктара Касцёла.

 

  • 14 мая (сб) Свята св. Мацея, апостала. А 18.00 у нашым парафіяльным касцёле распачнецца св. Імша з удзяленнем сакрамэнту канфірмацыі (бежмавання). Сакрамэнт хрысціянскай сталасці групе вернікаў з нашай парафіі ўдзяліць пастыр нашай дыяцэзіі кс. біскуп Аляксандр Кашкевіч. У гэты дзень маёвае набажэнства адбудзецца перад св. Імшой а 17.30.

 

  • Ёсць апошні нумар газеты “Слова Жыцця”. Заахвочваем браць і чытаць каталіцкую прэсу.

 

  • У сакрыстыі запісваем інтэнцыі св. Імшаў індывідуальныя і складковыя.

 

  • Вялікі дзякуй за ўсе Вашы ахвяраванні на патрэбы нашага касцёла і парафіі.

 

  • З душпастырскімі аб’явамі нашай парафіі можна азнаёміцца на інтэрнэт-старонцы www.pijary.info

 

  • Жадаем усім шчаслівага новага тыдня!

Душпастырскія аб’явы Шчучын 08.05.2022

ДУШПАСТЫРСКІЯ АБ’ЯВЫ

НА ІV ВЕЛІКОДНУЮ НЯДЗЕЛЮ

/Год С — 2022/ — 08.05.2022

З літургічнага календара:

 

09 мая (панядзелак) – дзень малітвы за ахвяры ІІ Сусветнай вайны і аб супакой на зямлі.

 

10 мая (аўторак) — а 10.00 гадзіне адбудзецца Святая Імша ў інтэнцыі душаў у чыстцы церпячых.

 

11 мая (серада) – вячэрняя св. Імша а 18.00 гадз., падчас якой біскуп Гродзенскай Дыяцэзіі Аляксандр Кашкевіч ўдзеліць сакрамэнт канфірмацыі групе моладзі з нашай парафіі.

У гэты дзень маёвае набажэнства адбудзецца пасля Св. Імшы а 18.00 гадзіне.

 

13 мая (пятніца) – дзень Фацімскі ў нашай парафіі. На св. Імшы а 10.00 гадз. молімся аб прыезд Святога Айца ў Беларусь. Пасля св. Імшы, выстаўленне Найсв. Сакрамэнту і Адарацыя да 12.30. Пасля абеда адарацыя ад 17.00 гадз. У 18.15 супольны ружанец з просьбамі і падзякамі да Маці Божай Фацімскай. Пасля св. Імшы а 19.00 гадз. Фацімскае набажэнства і працэсія вакол тэрыторыі каля касцёла.

 

14 мая (субота) – свята св. Мацея, апостала.

 

15 мая (нядзеля) – на св. Імшах ў 11.30 і 14.00, першая св. Камунія дзяцей з нашай парафіі.

Таксама ў гэты дзень пасля Св. Імшы а 16.00 гадз. адбудзецца сустрэча для настаўнікаў нашай парафіі.

 

22-29 мая – у нашай парафіі пройдуць Святыя Місіі, на якія шчыра запрашаем.

Інфармацыю пра Святыя Місіі можна таксама знайсці на дошцы аб’яваў, якая знаходзіцца каля касцёла альбо ў інтэрнэце на старонцы pijary.info

Іншыя аб’явы:

 

  • Нагадваем, што маёвае набажэнства ў нашым касцёле кожны

будні дзень у 18.30, у нядзелю ў 15.30 замест нешпараў.

 

  • У канцы касцёла на століку можна набываць каталіцкую

прэсу.

 

 

 

Thanx: Goutu