Душпастырскія аб’явы Лiда 20.10.2019

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

XXІX ЗВЫЧАЙНУЮ НЯДЗЕЛЮ /C/

 

20.10.2019 г.

 

  • Сёння 20 кастрычніка (ндз) – Сусветны місійны дзень. Ахвяраванні, якія сёння збіраліся падчас св. Імшаў, будуць прызначаны на патрэбы місій.

 

  • Трывае месяц ружанцóвай малітвы. У нашай парафіяльнай святыні ружанцóвае набажэнства адбываецца:

Штодзённа а 18.00.

Для дзяцей: пн, ср, пт – у 8.30 – для тых, хто вучыцца ў 2-ю змену ў школе, і а 18.00 – для тых, хто вучыцца ў 1-ю змену ў школе.

У нядзелю: у 17.30. Заахвочваем і запрашаем да супольнай ружанцóвай малітвы ў касцёле, а таксама ў сваіх сем’ях.

 

На гэтым тыдні паводле літургічнага календара будзем узгадваць:

 

  • 22 кастрычніка (ат) – успамін св. Яна Паўла ІІ, папы.

 

  • 25 кастрычніка (пт) – Каласáнсаўскі дзень. У гэты дзень будзем асаблівым чынам маліцца праз заступніцтва св. Юзафа Каласанса, заснавальніка Ордэна Піяраў і апякуна нашай парафіяльнай святыні. Падчас ранішняй і вячэрняй св. Імшаў у гонар св. Юзафа Каласанса будзем выпрóшваць патрэбныя ласкі і Божыя дары для дзяцей і моладзі, выкладчыкаў і настаўнікаў, выхавацеляў і катэхетаў. Пасля св. Імшы і малітвы  праз заступніцтва св. Юзафа Каласанса адбудзецца ўшанаванне рэліквій святога. Сардэчна запрашаем дзяцей і моладзь, выкладчыкаў і настаўнікаў, выхавацеляў і катэхетаў).

 

  • 27 кастрычніка (ндз) – Урачыстаць Гадавіны асвячэння ўласнага касцёла. Гэта асаблівы дзень у літургіі Касцёла, калі асвячаныя касцёлы ва ўсім свеце ўзгадваюць той урачысты момант дэдыкацыі: абрад аддання касцёла для сакральнага выкарыстання. Таму і наша парафія ў гэты дзень будзе дзякаваць Пану Богу за дар уласнай святыні. Будзем маліцца за ўсіх ахвярадаўцаў і дарчынцаў нашага касцёла, а для памерлых будзем выпрошваць ласку вечнага жыцця. Нагадваем, што ў нашым касцёле кожную пятніцу а 9.00 цэлебруецца св. Імша за ўсіх ахвярадаўцаў і дарчынцаў нашай святыні.

 

  • Да 31 кастрычніка перад і пасля св. Імшы ў сакрыстыі прымаем запіскі з імёнамі памерлых на выпамінкі. Маліцца за памерлых будзем падчас ружанца на працягу актавы ўспаміну памерлых з 1 па 8-е лістапада. Малітва за памерлых будзе распачынацца ў 17.45, а ў нядзелю                    3 лістапада ў 17.15. На працягу лістапада будзе 10 св. Імшаў за памерлых.

 

  • У мінулую нядзелю наша парафія таксама далучылася да збору подпісаў пад калектыўным зваротам да прэзідэнта нашай краіны аб прыняцці праграмы ў абарону традыцыйнай сям’і і заканадаўчай забароны прапаганды аднаполых зносінаў сярод непаўналетніх. Сёння пасля кожнай св. Імшы, выходзячы з касцёла можна будзе падпісацца. У буднія дні падпісацца можна ў сакрыстыі. Подпісы збіраем да канца кастрычніка.

 

Нагадваем інструкцыю па зборы подпісаў:

Каб Вашы подпісы лічыліся сапраўнымі, трэба:

Першую графу прапусціць, бо ў ёй пазней будзе прастаўлена нумарацыя.

У другой графе пішам поўнасцю Прозвішча, імя і імя па-бацьку (не ініцыялы!). Потым у трэцяй графе пішам: горад або вёска і дакладны адрас г.зн.: вуліца, дом, (корпус) кватэра (прапіска якая пазначана ў вашым пашпарце). У апошняй чацвёртай графе ставім свой подпіс. Падпісвацца маюць прáва ўсе паўнагадовыя грамадзяне РБ незалежна ад месца прабывання ці рэгістрацыі.

 

  • У сакрыстыі запісваем інтэнцыі на св. Імшу індывідуальную або складковую. Ужо ёсць магчымасць запісваць інтэнцыі на наступны 2020 г.

 

  • У касцёльным кіёску можна набываць календары на беларускай і польскай мовах на 2020 г.

 

  • Божа, адудзяч усім Вам за ахвяраванні на патрэбы Касцёла. Асаблівае дзякуй за кветкі!

Душпастырскія аб’явы Лiда 13.10.2019

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

XXVІIІ ЗВЫЧАЙНУЮ НЯДЗЕЛЮ /C/

 

13.10.2019 г.

 

На гэтым тыдні паводле літургічнага календара будзем узгадваць:

 

  • 15 кастрычніка (ат) – успамін св. Тэрэзы Авільскай, панны і дК.

 

  • 17 кастрычніка (чц) – успамін св. Ігнацыя з Антыёхіі, б-па і муч.

 

  • 18 кастрычніка (пт) – свята св. Лукі Евангеліста, апякуна медыцынскай службы. У гэты дзень асаблівым чынам будзем маліцца за лекараў, медыцынскіх сясцёр і працóўнікаў бальніц і хоспісаў.

 

  • 20 кастрычніка (ндз) – Сусветны місійны дзень. Ахвяраванні, якія будуць збіраныя падчас св. Імшаў у наступную нядзелю, будуць прызначаны на патрэбы місій.

 

  • Трывае месяц ружанцóвай малітвы. У нашай парафіяльнай святыні ружанцóвае набажэнства адбываецца:

Штодзённа а 18.00.

Для дзяцей: пн, ср, пт – у 8.30 – для тых, хто вучыцца ў 2-ю змену ў школе, і а 18.00 – для тых, хто вучыцца ў 1-ю змену ў школе.

У нядзелю: у 17.30. Заахвочваем і запрашаем да супольнай ружанцóвай малітвы ў касцёле, а таксама ў сваіх сем’ях. 

Душпастырскія аб’явы Лiда 06.10.2019

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

XXVІI ЗВЫЧАЙНУЮ НЯДЗЕЛЮ /C/

 

06.10.2019 г.

 

  • Сёння першая нядзеля месяца (адарацыйная). Традыцыйна пасля             св. Імшы а 10.00 абудзецца выстаўленне Найсвяцейшага Сакрамэнту і кароткая адарацыя. Пасля вэчэрняй св. Імшы а 18.00 адбудзецца змена ружанцóвых таямніцаў. Інтэнцыя на месяц кастрычнік: Будзе малітва Аб дах над галавой для бяздомных і аб працу для безпрацоўных.

 

  • Пасля змены ружанцóвых таямніцаў, у касцёле адбудзецца сустрэча з зелатóркамі ружанцовых ружаў нашай парафіі.

 

На гэтым тыдні паводле літургічнага календара будзем узгадваць:

 

  • 7 кастрычніка (пн) – успамін НПМ Ружанцовай.

 

  • Трывае месяц ружанцóвай малітвы. У нашай парафіяльнай святыні ружанцовае набажэнства адбываецца:

Штодзённа ў 18.00 (перад вячэрняй св. Імшой).

Для дзяцей: пн, ср, пт – у 8.30 (перад ранішняй св. Імшой) – для тых, хто вучыцца ў 2-ю змену ў школе, і ў 18.00 (перад вячэрняй св. Імшой) – для тых, хто вучыцца ў 1-ю змену ў школе.

У нядзелю: у 17.30 (перад вячэрняй св. Імшой).

Заахвочваем і сардэчна запрашаем да супольнай ружанцóвай малітвы ў касцёле, а таксама ў сваіх сем’ях.

 

  • У Беларусі першая нядзеля кастрычніка – гэта дзень малітвы за выкладчыкаў, настаўнікаў, выхавацеляў і катэхетаў. Памятайма аб іх асабліва сёння ў нашых малітвах.

 

  • Да 31 кастрычніка перад і пасля св. Імшы ў сакрыстыі прымаем запіскі з імёнамі памерлых на выпамінкі. Калі ласка, вялікая просьба пісаць вырáзна і не скланяць прóзвішчы і імёны, а пісаць іх у назоўным склоне (в именительном падеже). Маліцца за памерлых будзем падчас ружанца на працягу актавы ўспаміну памерлых з 1 па 8-е лістапада. Пачатак малітвы ў 17.45. На працягу лістапада будзе 10 св. Імшаў за памерлых, якіх будзем даручáць Богу ў выпамінках.

 

  • Сёння прыпадае 23-я гадавіна смерці кс. Станíслава Ройка. А 8.00 гадзіне цэлебравалася св. Імша ў яго інтэнцыі.

 

 

 

  • Ад наступнай нядзелі св. Імшы на 11.30 (для дзяцей) будуць чаргавацца: у адну нядзелю: па-беларуску, у другую: па-польску. Такая ёсць душпастырская патрэба. Сённяшнія дзеці Гродзеншчыны павінны ўмець маліцца і па-польску і па-беларуску. Гэта будзе іх багацце. Сёння мы проста не можам сабе дазволіць каб дзеці, школьная моладзь ці студэнты якія ўдзельнічаючы ў розных сустрэчах каталіцкай моладзі ў Беларусі стаялі як на “турэцкім казанні” не ведаючы асноўных малітваў па-беларуску, дарэчы жывучы ў Беларусі! Яны павінны ўмець і па-польску і па-беларуску.

 

  • 11 кастрычніка (пт) свае імяніны будзе святкаваць пробашч парафіі      а. Аляксандр. У гэты дзень у 18.30 будзе цэлебравацца св. Імша ў яго інтэнцыі, а віншаваць імянінніка ад імя парафіі будзем у нядзелю             13 кастрычніка падчас св. Імшы а 10.00.

 

  • У сакрыстыі запісваем інтэнцыі на св. Імшу індывідуальную або складковую. Ад сённяшняга дня ўжо можна запісваць інтэнцыі на наступны 2020 г.

 

-   Божа адудзяч усім Вам за ахвяраванні, а таксама за прынéсеныя кветкі.

Душпастырскія аб’явы Лiда 29.09.2019

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

XXVІ ЗВЫЧАЙНУЮ НЯДЗЕЛЮ /C/

 

29.09.2019 г.

 

  • Сёння а 15-й гадзіне адбудзецца парафіяльны адпуст у гонар св. Арханёла Міхала ў Нецечы. Пробашч кс. Віктар сардэчна запрашае.

 

На гэтым тыдні паводле літургічнага календара будзем узгадваць:

 

  • 30 верасня (пн) – успамін св. Гераніма, святара і доктара Касцёла.

 

  • 1 кастрычніка (ат) – успамін св. Тэрэзы ад Дзіцяткі Езуса, панны. Распачынаецца месяц ружанцóвай малітвы. У нашай парафіяльнай святыні ружанцовае набажэнства будзе адбывацца: штодзённа ў 18.00 (перад вячэрняй св. Імшой).

Для дзяцей: пн, ср, пт – у 8.30 (перад ранішняй св. Імшой) – для тых, хто вучыцца ў 2-ю змену ў школе, і ў 18.00 (перад вячэрняй св. Імшой) – для тых, хто вучыцца ў 1-ю змену ў школе. У нядзелю: у 17.30 (перад вячэрняй св. Імшой). Заахвочваем і сардэчна запрашаем да супольнай ружанцóвай малітвы ў касцёле, а таксама ў сваіх сем’ях.

 

  • 2 кастрычніка (ср) – успамін святых Анёлаў Ахоўнікаў. Вечарам у 18.30 будзе цэлебравáцца складкóвая св. Імша: Аб здароўе, Божае благаслаўленне і патрэбныя ласкі праз заступніцтва НПМ Нястомнай дапамогі.

 

  • 3 кастрычніка (чц) – першы чацвер месяца. У гэты дзень асаблівым чынам будзем малімся аб святарскія, манаскія і місійныя пакліканні. У гэтай інтэнцыі будзе цэлебравацца св. Імша ў 18.30.

 

  • 4 кастрычніка (пт) – успамін св. Францішка Асізскага, законніка, таксама і першая пятніца месяца. Першапятнічная споведзь будзе перад св. Імшамі раніцай і ўвечары, а набажэнства ў гонар Найсвяцейшага Сэрца Пана Езуса адбудзецца на заканчэнне ружанцóвай малітвы перад вячэрняй св. Імшой. У гэты дзень святкуе сваé імяніны Папа Францішак. Пáмятайма ў сваіх малітвах пра Пастыра Паўсюднага Касцёла.

 

  • 5 кастрычніка (сб) – успамін св. Фаўстыны Кавáльскай, законніцы, таксама і першая субота месяца.  Раніцай а 9.00 будзе цэлебравáцца складкóвая св. Імша: За памерлых. Набажэнства ў гонар Беззаганнага Сэрца НПМ адбудзецца на заканчэнне ружанцóвай малітвы перад вячэрняй св. Імшой.

 

  • 6 кастрычніка – першая нядзеля месяца (адарацыйная). Пасля св. Імшы а 10.00 абудзецца выстаўленне Найсвяцейшага Сакрамэнту і кароткая адарацыя. Пасля вэчэрняй св. Імшы а 18.00 адбудзецца змена ружанцóвых таямніцаў. Інтэнцыя на месяц кастрычнік: Будзе малітва Аб дах над галавой для бяздомных і аб працу для безпрацоўных.

 

  • У Беларусі першая нядзеля кастрычніка – гэта дзень малітвы за выкладчыкаў, настаўнікаў, выхавацеляў і катэхетаў. Будзем памятаць аб іх у нашых малітвах.

 

  • Месяц кастрычнік аб’яўлены Папам Францішкам, як надзвычайны місійны месяц пад назвай “Ахрышчаныя і пасланыя: Касцёл Хрыста з місіяй ў свеце”. Сэнс гэтага місійнага месяца заключаецца ў тым, каб мы лепш усвéдамілі місійны характар Касцёла і каб сваім жыццём абвяшчáлі Евáнгелле свету.

 

Душпастырскія аб’явы Лiда 22.09.2019

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

XXV ЗВЫЧАЙНУЮ НЯДЗЕЛЮ /C/

 

22.09.2019 г.

  • Ахвяраванні, якія сёння Вы складáлі на тáцу, паводле распараджэння ксяндза біскупа Аляксандра Кашкевіча, будуць прызначаны на патрэбы нашай Гродзенскай дыяцэзіі.

 

  • Сёння а 14-й гадзіне адбудзецца парафіяльны адпуст у гонар св. Арханёла Міхала ў Белагрудзе. Пробашч кс. Рышард сардэчна ўсіх запрашае.

 

На гэтым тыдні паводле літургічнага календара будзем узгадваць:

 

  • 23 верасня (пн) – успамін св. Айца Піо з П’етрэльчыны, законніка і святара.

 

  • 27 верасня (пт) – успамін св. Вінцэнта дэ Поля, святара.

 

  • 28 верасня (сб) – успамін св. Вáцлава, мучаніка.

 

 

- Нагадваем, што ўрокі рэлігіі для дарослых адбываюцца кожны панядзелак а 19.00 пасля вячэрняй св. Імшы. Усіх ахвотных запрашаем!

 

-  Хто яшчэ са школьнікаў на запісаўся на ўрокі рэлігіі, то трэба азнаёміцца з раскладам катэхезы на дошцы аб’яваў або на нашай інтэрнэт-старонцы www.pijary.info і ўжо прыходзіць непасрэдна на ўрок на адпаведную гадзіну.

 

- Запрашаем у міністранты хлапчукоў ад 6 кл., якія ўжо былі да першай        св. Камуніі, а таксама запрашаем дзяўчынкі і хлапчукоў у парафіяльны дзіцячы хор. Запісацца можна ў сакрыстыі.

 

- Ад верасня ў кожны 25-ты дзень месяца ў нашым касцёле будзе т. зв. “Каласáнсаўскі дзень”. У гэты дзень будзем асаблівым чынам маліцца праз заступніцтва святога Юзафа Каласанса, заснавальніка Ордэна Піяраў і апякуна нашай парафіяльнай святыні. Падчас ранішняй і вячэрняй св. Імшы ў гонар святога Юзафа Каласанса будзем выпрóшваць патрэбныя ласкі і Божыя дары для дзяцей і моладзі, а таксама для выкладчыкаў, настаўнікаў, выхавацеляў і катэхетаў. Пасля святой Імшы будзе малітва праз заступніцтва св. Юзафа Каласанса і ўшанаванне рэліквій святога. Таму сардэчна запрашаем кожны 25-ты дзень месяца на св. Імшу (асабліва: дзяцей і моладзь, выкладчыкаў, настаўнікаў, выхавацеляў і катэхетаў).

 

- У сакрыстыі запісваем інтэнцыі на св. Імшу індывідуальную або складковую.

 

Нагадваем, што бліжэйшыя складковыя св. Імшы адбудуцца:

  • 2 кастрычніка (у 1-ю сераду месяца) у 18.30: Аб здароўе, Божае бл. і патрэбныя ласкі праз заступніцтва НПМ Нястомнай дапамогі.
  • 5 кастрычніка (у 1-ю суботу месяца) а 9.00: За памерлых.

 

- Заахвочваем браць каталіцкую прэсу і чытаць пра жыццё Касцёла ў свеце, а таксама ў нашай Гродзенскай дыяцэзіі. Ёсць новы нумар газеты „Слова Жыцця” і часопіса “Ave Maria”.

 

- Божа адудзяч усім Вам за ахвяраванні, а таксама за прынесеныя кветкі. Заахвочваем, калі хто яшчэ мае кветкі на ўласных дзялянках каб прыносіць іх для дэкарацыі касцёла (найлепш у пятніцу пасля вячэрняй св. Імшы).

Душпастырскія аб’явы Лiда 15.09.2019

Р ы м а – к а т а л і ц к а я   п а р а ф і я

імя Унебаўзяцця Маці Божай у Лідзе (Індустрыяльны)

 

 

Д У Ш П А С Т Ы Р С К І Я  А Б ’ Я В Ы

на

XXIV ЗВЫЧАЙНУЮ НЯДЗЕЛЮ /C/

 

15.09.2019 г.

 

На гэтым тыдні паводле літургічнага календара будзем узгадваць:

 

  • 16 верасня (пн) – успамін св. Карнэлія, Папы, і Цыпрыяна, б-па і муч.

 

  • 18 верасня (ср) – успамін св. Станіслава Косткі, законніка.

 

  • 20 верасня (пт) – успамін Карэйскіх мучанікаў.

 

  • 21 верасня (сб) – свята св. Мацвея, апостала.

 

  • 19-21 верасня – Будзем адзначаць традыцыйна Квартальныя Дні Малітваў за дзяцей і моладзь, настаўнікаў і выкладчыкаў, выхавацеляў і катэхетаў нашай дыяцэзіі. Таму ў гэтыя дні асабліва памятайма аб іх у нашых малітвах.

 

  • У наступную нядзелю 22 верасня ахвяраванні, якія будуць збіраныя падчас св. Імшаў, паводле распараджэння кс. біскупа Аляксандра Кашкевіча, будуць прызначаны на патрэбы нашай Гродзенскай дыяцэзіі.

 

  • У наступную нядзелю 22 верасня а 14-й гадзіне адбудзецца парафіяльны адпуст у гонар св. Арханёла Міхала ў Белагрудзе. Пробашч кс. Рышард сардэчна ўсіх запрашае.

 

- 9 верасня ў нашай парафіі распачаліся ўрокі рэлігіі для дарослых. Сустрэчы адбываюцца кожны панядзелак а 19.00 пасля вячэрняй св. Імшы. Сабралася добрая група! Таму, усіх ахвотных запрашаем!

 

- 10 верасня ў нашай парафіі ўжо распачаліся ўрокі рэлігіі для дзяцей і школьнай моладзі. Хто яшчэ не запісаўся, то трэба азнаёміцца з раскладам катэхезы на дошцы аб’яваў або на нашай інтэрнэт-старонцы www.pijary.info і ўжо прыходзіць непасрэдна на ўрок на адпаведную гадзіну.

 

- Запрашаем у міністранты хлапчукоў ад 6 кл., якія ўжо былі да першай        св. Камуніі. Запісацца можна сёння ў сакрыстыі.

 

- Запрашаем дзяўчынкі і хлапчукоў у наш парафіяльны дзіцячы хор. Запісацца можна сёння ў сакрыстыі.

 

- 6 кастрычніка ў Тракелях адбудзецца ІХ Дыяцэзіяльная сустрэча выкладчыкаў, настаўнікаў і выхавацеляў Гродзенскай дыяцэзіі. Хто з педагогаў зацікаўлены ўдзелам ў гэтай сустрэчы і яе дакладнай праграмай, больш падрабязна можна даведацца ў сакрыстыі і там жа запісацца да 29.09.

 

- У сакрыстыі запісваем інтэнцыі на св. Імшу індывідуальную або складковую.

 

Нагадваем, што бліжэйшыя складковыя св. Імшы адбудуцца:

1) Аб здароўе, Божае бл. і патрэбныя ласкі праз заступніцтва НПМ Нястомнай дапамогі – 2 кастрычніка (у 1-ю сераду месяца) у 18.30.

2) За памерлых – 5 кастрычніка (у 1-ю суботу месяца) а 9.00.

- Божа адудзяч усім Вам за ахвяраванні, а таксама заахвочваем (хто яшчэ мае кветкі на ўласных дзялянках) каб прыносіць іх для дэкарацыі касцёла, найлепш у пятніцу пасля вячэрняй св. Імшы.

Айцы піяры правялі рэкалекцыі для юнакоў

З 1 па 5 жніўня aдбыліся пяцідзённыя рэкалекцыі для юнакоў ва ўзросце ад 14 гадоў. Рэкалекцыі былі арганізаваны айцамі піярамі. У іх удзельнічалі хлопцы з Ліды і Шчучына.

Духоўныя практыкаванні прайшлі пад назвай “Даверыцца Езусу!”. Падчас рэкалекцый была супольная малітва, штодзённае разважанне над Святым Пісаннем, тэматычныя сустрэчы, размовы са святаром. Эўхарыстыя была цэнтрам дня. Да яе падрыхтоўвалі сустрэчы са Словам Божым сам-насам.

Праводзіў духоўныя практыкаванні а. Аляксандр Махнач SP, піярскі душпастыр пакліканняў у Беларусі. На рэкалекцыях панавала атмасфера малітвы, цішыні і супольнай рэкрэацыі. Ёй спрыялі сяброўскія адносіны паміж удзельнікамі.

Паводле grodnensis.by

Душпастырскія аб’явы Лiда 08.09.2019

Рыма-каталіцкая парафія імя Унебаўзяцця НПМ у Лідзе (Індустыяльны)

 

 

ДУШПАСТЫРСКІЯ АБ’ЯВЫ

на

XXIІІ ЗВЫЧАЙНУЮ НЯДЗЕЛЮ /C/

 

08.09.2019 г.

 

- Сёння напрыканцы кожнай св. Імшы адбудзецца благаслаўленне зерня на сяўбу.

- Сёння а 15.00 адбудзецца благаслаўлення новага крыжа ў Верх-Лідзе.

 

На гэтым тыдні паводле літургічнага календара будзем узгадваць:

 

  • 13 верасня (пт) – успамін св. Яна Хрызастома, Б-па і дК.
  • 14 верасня (сб) – свята Узвышэння Св. Крыжа. Парафіяльны адпуст у Лідскай фары адбудзецца а 13.00.

 

- З 10 верасня ў нашай парафіі ўжо распачнуцца ўрокі рэлігіі. Хто не паспеў запісацца на мінулым тыдні, то калі ласка запазнайцеся з планам катэхезы на дошцы аб’яваў або на нашай інтэрнет-старонцы www.pijary.info і ўжо прыходзьце непасрэдна на ўрок на зручную для Вас гадзіну.

 

- У гэтым годзе падрыхтоўка да І споведзі і св. Камуніі будзе выглядаць наступным чынам:

І год падрыхтоўкі да І споведзі і св. Камуніі – 3-4 клас.

ІІ год падрыхтоўкі да І споведзі і св. Камуніі – 5 клас.

 

- Што тычыцца падрыхтоўкі да бежмавання, у гэтым годзе будзе толькі І-шы год падрыхтоўкі да Сакрамэнту бежмавання: 8 і 9 клас, а таксама і тыя, хто яшчэ з 10 і 11 кл. не быў да бежмавання.

 

- У нашай парафіі распачынацца ўрокі рэлігіі (катэхеза) для дарослых, якія ў сваёй маладосці былі пазбаўлены такой магчымасці. Падчас гэтых заняткаў будзем сістэматычна пазнаваць глыбей нашу веру, Св. Пісанне, навучанне Касцёла, Літургію і іншае. Сустрэчы будуць адбывацца кожны панядзелак а 19.00 пасля вячэрняй св. Імшы. Ужо заўтра запрашаем усіх ахвотных!

 

- 14 верасня (сб) у 19.00 адбудзецца першая ў гэтым навучальным годзе сустрэча для настаўнікаў нашай парафіі. Сардэчна запрашаем!

 

- Запрашаем у міністранты хлапчукоў ад 6 кл., якія ўжо былі да першай св. Камуніі. Запісацца можна сёння ў сакрыстыі.

 

- Запрашаем дзяўчынкі і хлапчукоў у наш парафіяльны дзіцячы хор. Магчыма хтосьці грае на інструментах – гэта толькі вітаецца! Запісацца можна сёння ў сакрыстыі.

 

- Нагадваем, што да сакрамэнту хросту прыходзім запісвацца ў сакрыстыю за 2 тыдні перад планаванай датай хросту. Што тычыцца падрыхтоўкі да шлюбу, то прыходзім запісвацца ў сакрыстыю за тры месяцы перад планаванай датай шлюбу.

 

- У сакрыстыі запісваем інтэнцыі на св. Імшу індывідуальную або складковую.

 

 

Бліжэйшыя складковыя св. Імшы адбудуцца:

1) Аб здароўе, Божае бл. і патрэбныя ласкі праз заступніцтва НПМ Нястомнай дапамогі – 2 кастрычніка (у 1-шую сераду месяца) у 18.30.

2) За памерлых – 5 кастрычніка (у 1-шую суботу месяца) а 9.00.

 

- Божа адудзяч усім Вам за ахвяраванні, а таксама заахвочваем (хто яшчэ мае кветкі на ўласных дзялянках) каб прыносіць іх для дэкарацыі касцёла, найлепш у пятніцу пасля вячэрняй св. Імшы.

Душпастырскія аб’явы Лiда 18.08.2019

Душпастырскія аб’явы

Рыма-каталіцкая парафія Унебаўзяцця НМП

(Ліда-Індустрыяльны)

 

 XХ  ЗВЫЧАЙНАЯ НЯДЗЕЛЯ– 18.08.2019

 

  1. На гэтым тыдні ў літургічным  календары:

20.08 (аўторак) -  успамін св. Бернарда№

21.08 (серада) – успамін св. Пія X, папы;

22.08 (чацвер) – успамін НМП Каралевы;

24.08 (субота) – свята св. Барталамея, Апостала;

25.08 (нядзеля) –  набажэнства падзякі за жніво. Урачыстасць св. Юзафа Каласанса, заступніка нашага касцела, заснавальніка ордэна піяраў. Адпустовая св. Імша ў нашай святыні а 18 гадзіне.

  1. У сакрыстыі ёсць магчымасць запісаць інтэнцыі св. Імшаў, індывідуальных і складковых.

 

 

 

  1. Вялікі дзякуй усім, хто ахвяраваў на гэтым тыдні кветкі для ўпрыгожвання нашай святыні.

Душпастырскія аб’явы Лiда 11.08.2019

Душпастырскія аб’явы

Рыма-каталіцкая парафія Унебаўзяцця НМП

(Ліда-Індустрыяльны)

 

XІX ЗВЫЧАЙНАЯ НЯДЗЕЛЯ– 11.08.2019

 

  1. На гэтым тыдні ў літургічным  календары:

 

14.08 (серада) – свята св. Максіміліяна М. Кольбэ, апекуна дыяцэзіі. Дзень малітвы за вязняў канлагераў і турмаў, якія аддалі сваё жыццё за веру і сваіх бліжніх.

15.08 (чацвер) – урачыстасць Унебаўзяцця НМП. Пасля кожнай св. Імшы – абрад благаслаўлення кветак і зёлак. Для нашай парафііі гэта асаблівая урачыстасць – адпуст парафіяльны. Св. Імшы ў 10.00 і 18.30 (адпустовая св. Імша)

11-18.08 у нашай парафіі прайдуць чарговыя “Канікулы з Богам”. Запрашаем усіх жадаючых дзяцей і моладзь.

  1. У сакрыстыі ёсць магчымасць запісаць інтэнцыі св. Імшаў, індывідуальных і складковых.

 

 

  1. Вялікі дзякуй усім, хто ахвяраваў на гэтым тыдні кветкі для ўпрыгожвання нашай святыні. Кветкі   просім прыносіць у пятніцу вечарам (пасля св. Імшы). Усім загаддзя вялікі дзякуй!

 

Thanx: Goutu