МОЛАДЗЬ СА ШЧУЧЫНСКАЙ ПАРАФІІ ЗДЗЕЙСНІЛА ПАДАРОЖЖА ПА ГРОДЗЕНШЧЫНЕ

Травень 3rd, 2022 admin

paezdka sz 3

30 красавіка айцы піяры са Шчучына арганізавалі невялікую паездку для моладзі, якая рыхтуецца прыступіць да сакрамэнту канфірмацыі.

Група з пяці чалавек разам з пробашчам шчучынскай парафіі св. Тэрэзы Авільскай айцом Андрэем Агелем SP наведала касцёл св. Казіміра ва Уселюбе, навагрудскі фарны касцёл Перамянення Пана, возера Свіцязь, касцёл Унебаўзяцця Найсвяцейшай Панны Марыі ў Лідзе (Індустрыяльны).

Касцёл св. Казіміра ва Уселюбе – самая старая каталіцкая святыня Беларусі, пабудавана ў 1433 годзе. Удзельніца паездкі Ксенія расказвае: “Нас сустрэў пробашч парафіі ксёндз Віталь Цыбульскі. Ён распавёў нам гісторыю касцёла, пра яго асаблівасці. Таксама на тэрыторыі святыні ёсць месцы для сямейнага адпачынку, мы з задавальненнем бавілі час і нават напісалі водгук у кнізе гасцей”.

Навагрудскі фарны касцёл Перамянення Пана быў узведзены ў 1723 г. на месцы ранейшага, пабудаванага ў 1395 годзе князем Вітаўтам. У 1422 годзе ў старым навагрудскім касцёле князь Ягайла ўзяў шлюб з Соф’яй Гальшанскай. У гонар 600-годдзя з дня нараджэння Соф’і Гальшанскай побач са святыняй пасадзілі лістоўніцу, а побач устанавілі памятны камень.

4 верасня 1929 г. па просьбе біскупа Зыгмунта Лазінскага ў Навагрудак прыбылі сёстры назарэтанкі. У 1941 годзе падчас нямецкай акупацыі сёстры былі выгнаныя з кляштара і жылі ў вернікаў парафіі.

Запіс цалкам.. »

Хрыстос уваскрос! Сапраўды ўваскрос!

Красавік 17th, 2022 Witalij

Сябры! Надышоў дзень радасці! Дзень аб’яўлення Божай славы і любові, якая перамагла смерць!

Няхай гэтая добрая навіна пра тое, што Хрыстус уваскрос, прынясе духоўнае аднаўленне кожнаму з нас, няхай напоўніць нашыя сэрцы любоўю і спакоем. Няхай ласка і благаслаўленне Уваскрослага Пана дапаможа нам пераадолець жыццёвыя цяжкасці, умацуе нашу веру і дазволіць нам з упэўненасцю глядзець у будучыню!

Са Святам!!!

Запіс цалкам.. »

Супольная вігілійная вячэра беларускіх айцоў піяраў у Шчучыне

Снежань 26th, 2021 admin

Запіс цалкам.. »

У ШЧУЧЫНСКАЙ ПАРАФІІ З’ЯВІЛІСЯ НОВЫЯ КАНДЫДАТЫ Ў МІНІСТРАНТЫ I ХАРЫСТКІ

Лістапад 28th, 2021 admin

szuczin 8

21 лістапада ў парафіі святой Тэрэзы Авільскай у Шчучыне адзначылі ўрачыстасць Пана нашага Езуса Хрыста, Валадара Сусвету. На святой Імшы, якую цэлебраваў пробашч парафіі ксёндз Андрэй Агель SP, прысутнічалі студэнты Вышэйшай духоўнай семінарыі ў Гродне Андрэй Януль і Аляксандр Каляга.

Яны зачыталі ліст рэктара семінарыі ксяндза Віталія Вайцяхоўскага, у якім разважалася пра надыход Божага Валадарства, пра адказнасць кожнага хрысціяніна ў набліжэнні Валадарства Пана, а таксама важнасць святарскіх і манаскіх пакліканняў. Семінарысты падзякавалі за матэрыяльную дапамогу і духоўную падтрымку, якую атрымліваюць ад людзей.

Акрамя гэтага, падчас Імшы сем хлопцаў са шчучынскай парафіі былі прыняты ў кандыдаты ў міністранты, а моладзевы хор “Каласанс” папоўніўся новымі харысткамі, якія прынеслі абяцанні.

Пасля літургіі было зроблена агульнае фота з новымі кандыдатамі ў міністранты і новымі харысткамі.

Запіс цалкам.. »

Расклад катэхезы Лiда на 2021/22 год

Верасень 12th, 2021 admin

Запіс цалкам.. »

Расклад катэхезы Шчучын на 2021/22 год

Верасень 12th, 2021 admin

Запіс цалкам.. »

“Канікулы з Богам” у Лiдзе

Верасень 2nd, 2021 admin
IMG_9884

З 15 па 22 жніўня ў парафіі Ўнебаўзяцця Найсвяцейшай Панны Марыі (Ліда — Індустрыяльны) праходзілі “Канікулы з Богам”. Гэтае мерапрыемства з’яўляецца штогодняй традыцыяй для ўсіх парафіян. “Канікулы з Богам”- касцёльны лагер, у якім дзеці бавяць час з карысцю для сябе.

У гэтым годзе колькасць удзельнікаў склала трыста сорак дзяцей. Яны былі падзеленыя на 10 груп, у залежнасці ад узросту. У кожнага з іх былі важатыя, якія даглядалі за дзецьмі і весела праводзілі з імі час. У гэтым годзе айцец Аляксандр, пробашч парафіі, даў дазвол старшакласнікам паспрабаваць сябе ў ролі выхавацеляў. Моладзь адзначыла, что напачатку было няпроста, але жаданне зрабіць свята для дзяцей пераадольвала ўсе цяжкасці.

Запіс цалкам.. »

АДПУСТОВАЯ ЎРАЧЫСТАСЦЬ НАЙСВЯЦЕЙШАГА СЭРЦА ПАНА ЕЗУСА ПРАЙШЛА Ў ШЧУЧЫНЕ

Чэрвень 16th, 2021 admin

szuszin 4

11 чэрвеня ў шчучынскай парафii адбылася адпустовая ўрачыстасць Найсвяцейшага Сэрца Пана Езуса. У парафіі гэта другi па значнасцi адпуст пасля ўрачыстасці св. Тэрэзы Авiльскай.

Галоўную святую Iмшу ў гэты дзень цэлебраваў прэфект Вышэйшай духоўнай семiнарыi ў Гродне кс. Ян Раманоўскi. Таксама разам з айцамi піярамі, якія служаць у парафіі, у Эўхарыстыі ўдзельнічаў пробашч парафii Унебаўзяцця Найсвяцейшай Панны Марыі ў Лiдзе (Iндустрыяльны) а. Аляксандр Махнач SP.

Запіс цалкам.. »

ШЧУЧЫН: ПАДЗЯКА ЗА НАВУЧАЛЬНЫ І КАТЭХЕТЫЧНЫ ГОД

Чэрвень 16th, 2021 admin
koniec_goda_40

30 мая ў шчучынскай парафіі св. Тэрэзы Авільскай дзеці і моладзь з 1 па 11 клас на святой Імшы дзякавалі Богу за навучальны і катэхетычны год, які падышоў да канца.

На пачатку літургіі пробашч парафіі а. Андрэй Агель SP заклікаў палюбавацца дарослымі, памужнелымі і прыгожымі выпускнікамі, якія за многія годы служэння пры алтары разам са святарамі сталі адной каталіцкай сям’ёй.

Падчас Эўхарыстыі адбылася працэсія моладзі з дарамі. Да алтара былі прынесены спартыўны кубак як сімвал спаборніцтваў, якія чакаюць хлопцаў і дзяўчат у жыцці; кветка як сімвал прыгажосці створанага Богам свету; ікона святога Юзафа Каласанса, заснавальніка Ордэну піяраў; Біблія, бо толькі гэтая Кніга мае ў сабе скіраванае да хрысціян Слова; хлеб і віно, бо яны сталі Целам і Крывёю Езуса Хрыста, Збаўцы свету, і хрысціяне прымаюць Яго Цела як духоўны пасілак у дарозе да Неба.

На працягу Імшы святары, дзеці, бацькі і ўсе веруючыя прасілі Бога аб бяспечных летніх канікулах і дарах Духа Святога для тых, хто здае экзамены і тэсты.

Па традыцыі ў гэты дзень фігурка св. Юзафа Каласанса ў знак вернасці і адказнасці за парафію была перададзена адным з выпускнікоў (сёлета – Марыя Чэхунова) свайму малодшаму сябру-дзесяцікласніку (у гэтым годзе – Уладзіслаў Мяткоўскі).

Яшчэ адным важным момантам сёлетняга падсумавання навучальнага і катэхетычнага года стала ўзнагароджванне лепшых міністранта і харыста года, якіх выбірала сама моладзь галасаваннем. Імі сталі Мілана Паўлюкевіч (малодшы хор), Караліна Яхімчык (старэйшы хор) і Валянцін Сцепанцэвіч (міністрант). Акрамя таго, прагучалі словы пажаданняў ад святароў і былі ўручаны памятныя сувеніры ўсім, хто ў гэтым годзе заканчвае вучобу ў школе і збіраецца паступаць.

Запіс цалкам.. »

БІСКУП КАШКЕВІЧ УДЗЯЛІЎ САКРАМЭНТ КАНФІРМАЦЫІ МОЛАДЗІ ЛІДСКАЙ ПАРАФІІ УНЕБАЎЗЯЦЦЯ ПАННЫ МАРЫІ

Травень 19th, 2021 admin
industrialny_8

15 мая біскуп Гродзенскі Аляксандр Кашкевіч наведаў парафію Унебаўзяцця Найсвяцейшай Панны Марыі ў Лідзе (Індустрыяльны).

У парафіяльнай святыні іерарх цэлебраваў Імшу, падчас якой трыццаць адпаведна падрыхтаваных да гэтай падзеі маладых вернікаў прынялі сакрамэнт хрысціянскай сталасці.

Пробашч парафіі а. Аляксандр Махнач SP ад імя кандыдатаў да прыняцця канфірмацыі звярнуўся да біскупа з просьбай аб удзяленні сакрамэнту, з увагі на жаданне яго прыняць і падрыхтоўку кандыдатаў.

Затым у адказ на словы біскупа кандыдаты супольна сказалі, якіх ласкаў чакаюць ад Бога ў сакрамэнце, і аднавілі абяцанні хросту.

Пасля спецыяльнай малітвы іерарх удзяліў сакрамэнт, робячы знак крыжа на чале кожнага з тых, хто яго прымаў.

Звяртаючыся да моладзі, узбагачанай сямю дарамі Духа Святога, біскуп прасіў памнажаць у сабе гэтыя дары, якія патрэбныя чалавеку для таго, каб мужна вызнаваць сваю веру і паступаць паводле яе прынцыпаў.

Запіс цалкам.. »
« Папярэдні запіс
Наступны запіс »
Thanx: Goutu