Малітоўна-фармацыйная сустрэча для бацькоў адбылася ў Шчучыне

21 сакавіка ў Шчучыне адбылася малітоўна-фармацыйная сустрэча для бацькоў, дзеці якіх належаць да розных парафіяльных груп (літургічная служба алтара, дзіцячы і моладзевы хор “Calasanz”).

У сувязі з перыядам Вялікага посту першая частка сустрэчы была прысвечана таямніцы Турынскай плашчаніцы, якую лічаць непасрэдным сведкам пакут, смерці і Уваскрасення Езуса Хрыста.

Працягам велікапоснай сустрэчы стала сумесная малітва Крыжовага шляху за ўсе сем’і шчучынскай парафіі.

Новыя міністранты і лектары ў шчучынскай парафіі

22 сакавіка, у чацвёртую нядзелю Вялікага посту, літургічная служба алтара “Calasanz” у Шчучыне перажывала сваё свята – яе колькасць павялічылася на дзевяць новых міністрантаў і лектараў.

Урачыстае прыняцце ў міністранты і лектары адбылося падчас святой Імшы, якую ўзначаліў а. Андрэй Агель SP, пробашч парафіі. Пасля ўступных словаў кандыдаты склалі прысягу вернасці Хрысту і Яго Касцёлу перад сабранымі ў храме вернікамі.

Затым новыя міністранты ўпершыню апранулі белае літургічнае адзенне – комжу, а лектары атрымалі крыжы.

Пiярскiя сустрэчы для юнакоў прайшлі ў Лідзе

З 13 па 15 сакавіка ў парафіi Унебаўзяцця Найсвяцейшай Панны Марыі ў Лідзе адбыліся пiярскiя сустрэчы для юнакоў. У трохдзённых рэкалекцыях прыняло ўдзел 15 чалавек з Ліды і Шчучынa.

Акрамя розных канферэнцый, падчас якіх юнакі разважалі на тэму прысутнасці Хрыста ў асабістым жыцці, шмат часу было прысвечана супольнай малітве, інтэграцыйным сустрэчам і спартыўным гульням.

У плане было таксама крыху часу на наведванне адной з галоўных славутасцяў горада – Лідскага замка.

Сустрэча піярскай моладзі адбылася ў абласных цэнтрах краіны

На мінулым тыдні адбыліся сустрэчы моладзі са Шчучына і Ліды, якой апякуюцца айцы піяры і якая вучыцца або працуе ў Мінску, Гродне і Віцебску.

Моладзь разам правяла час у размовах і забавах, падзялілася сваімі радасцямі і цяжкасцямі са святарамі.

Такія сустрэчы вельмі патрэбныя як святарам, так і самой моладзі. Дзякуючы гэтаму маладыя людзі могуць мець пастаянны кантакт са сваёй парафіяльнай сям’ёй і будаваць далейшыя адносіны.

Паводле grodnensis.by

Айцы піяры наведалі Піншчыну

Айцы піяры зладзілі супольную паездку ў межах фармацыйнай сустрэчы, якая адбылася 28 студзеня. Падчас паездкі субраты наведалі шмат цікавых і значных месцаў у паўднёвай частцы Беларусі, такіх, як Жыровіцы, Лагішын, дзе знаходзіцца цудатворны абраз Маці Божай, Каралевы Палесся. Айцы пабывалі таксама ў пінскай катэдры Унебаўзяцця Найсвяцейшай Панны Марыі і Янаве-Палескім, дзе быў затрыманы і па-зверску закатаваны святы Андрэй Баболя.

Паводле grodnensis.by

Сустрэча беларускіх айцоў піяраў і іх бацькоў прайшла ў Шчучыне

Ужо традыцыйна ў студзені айцы піяры правялі аплаткавую сустрэчу са сваімі бацькамі ў Шчучыне. Сустрэча пачалася з малітвы ў хатняй капліцы айцоў. Адной з інтэнцый малітвы была просьба аб жыцці вечным для тых бацькоў, якія ўжо адышлі ў вечнасць.

Найбольш важным момантам сустрэчы стала ўзаемнае дзяленне аплаткай сыноў-святароў са сваімі бацькамі. Таксама законнікі падзякавалі бацькам за прысутнасць і малітоўную падтрымку, пажадалі ім бадзёрасці і здароўя яшчэ на доўгія гады.

Паводле grodnensis.by

Каляда ў Шчучыне

Як вам здаецца, ці ходзяць святары адзін да аднаго па калядзе? Канешне ж так! Ва ўрачыстасць Аб’яўлення Пана – 6 студзеня – у Шчучыне, пад спеў калядных песен, айцы піяры асвяцілі свае пакоі.

Калядны канцэрт у Лідзе

Дзіцячы хор «Каласанс» са Шчучына наведаў з каляднымі песнямі парафію Унебаўзяцця Найсвяцейшай Панны Марыі ў Лідзе.

Фотафакт: айцы піяры з усёй Беларусі зладзілі супольную вігілію

Айцы піяры, якія працуюць у Беларусі, зладзілі супольную Вігілію. Святочнай куцці і дзяленню аплаткай папярэднічала сумесная малітва і аднаўленне манаскіх абяцанняў.

У Шчучыне адбыліся першыя аплаткавыя сустрэчы для некаторых парафіяльных груп

14 снежня на дзяленне аплаткай у шчучынскай парафіі сабраліся літургічная служба алтара, дзіцячы і моладзевы хор “Calasanz” разам са сваімі бацькамі (у гэтым годзе рэкордная колькасць удзельнікаў, больш за 140 чалавек).

Сустрэча распачалася ў касцёле супольнай малітвай – Вяночкам Дванаццаці Зорак, – складзенай калісьці самім заснавальнікам ордэна піяраў.

Наступнай, і бадай жа, галоўнай часткай праграмы, пад спеў традыцыйных калядак, сталі супольнае дзяленне аплаткай і святочныя пажаданні адзін аднаму.

Не абышлося без конкурсаў і падарункаў. Усе малодшыя ўдзельнікі сустрэчы атрымалі смачныя падарункі ад святога Мікалая, які нечакана апынуўся на гэтым мерапрыемстве.

У сваю чаргу 15 снежня на аплаткавай сустрэчы сабралося душпастырства настаўнікаў і выхавацеляў парафіі разам з адказным за фармацыю групы пробашчам а. Андрэем Агелем SP.

Пасля малітвы і цёплых пажаданняў а. Андрэя ўдзельнікі падсумавалі бягучы год і пагаварылі аб будучых планах супольных сустрэч.

Thanx: Goutu