Айцы Піяры віншуюць усіх са святам Божага Нараджэння
Снежань 25th, 2022 
admin 40-гадзіннае набажэнства ў гонар Апекі св. Юзафа Каласанса ў парафіі Унебаўзяцця НПМ у Лідзе (м-н Індустрыяльны) (24-26 лістапада 2022)
Лістапад 20th, 2022 admin 40-гадзіннае набажэнства
ў гонар Апекі св. Юзафа Каласанса
ў парафіі Унебаўзяцця НПМ у Лідзе (м-н Індустрыяльны)
(24-26 лістапада 2022)
Казанні: кс. Вадзім Сурвіла (аг. Войстам, Смаргонскі раён)
Дзень 1
24 лістапада
(чацвер)
8.30 – Ружанец
9.00 – св. Імша з навукай
Распачацце Адарацыі Найсвяцейшага Сакрамэнту:
10.00 – вул. Пралыгіна д. 1, 3, 4, 4а, 6, д. 6 копрус 2.
11.00 – вул. Рэспубліканская д. 5, 7, 9, 15.
12.00 – вул. Пралыгіна д. 7, 8, 9.
13.00 – вул. Пралыгіна д. 10, д. 10 корп. 2, д. 11, 13.
14.00 – вул. Пралыгіна д.14, д. 14 корп. 1, 15, 16, 17.
15.00 – вул. Пралыгіна д. 18, 20, 22, 24, 30.
16.00 – Ружы: Стварыцеля, св. Сям’і, Маці Божай Грамнічнай
Заканчэнне Адарацыі Найсвяцейшага Сакрамэнту
18.00 – Ружанец
18.30 – св. Імша з навукай
АДБЫЛАСЯ МАЛІТВА З УДЗЕЛАМ АРЦЫБІСКУПА ТАДЭВУША КАНДРУСЕВІЧА Ў 30-Ы ДЗЕНЬ ПАСЛЯ СМЕРЦІ А. ВІКТАРА ЗАНЕЎСКАГА
Лістапад 10th, 2022 admin 
5 лістапада ў парафіяльным касцёле св. Тэрэзы Авільскай у Шчучыне адбылася Імша ў інтэнцыі а. Віктара Занеўскага з Ордэну Пабожных Школ (піяраў) у 30-ы дзень пасля яго смерці. Узначаліў Эўхарыстыю арцыбіскуп эмерыт Тадэвуш Кандрусевіч.
У казанні іерарх падкрэсліў, як важна маліцца за памерлых, асабліва падчас актавы малітваў за іх, бо спачылыя ўжо не могуць дапамагчы сабе, але мы ім – можам. У сваім разважанні пра смерць і вечнае жыццё ён узгадаў пра адну эпітафію з помніка памерлага чалавека: “Я быў такім, як ты, а ты будзеш такім, як я”. Гэты надпіс на магіле нагадвае, што ўсе мы пасля зямнога жыцця пакліканы да жыцця вечнага, а Езус ёсць наша жыццё і ўваскрасенне, дадаў арцыбіскуп.
Супольна памаліцца з роднымі спачылага святара, які быў першым піярам з тэрыторыі Беларусі пасля Другой сусветнай вайны, прыбылі беларускія піяры, піярская моладзь са Шчучына і Ліды, прадстаўнікі парафіі Унебаўзяцця Найсвяцейшай Панны Марыі з Ліды (м-н Індустрыяльны), сябры і знаёмыя памерлага, а таксама шчучынскія парафіяне.
ВЕРНІКІ ШЧУЧЫНА ПРАЗ САРАКАГАДЗІННАЕ НАБАЖЭНСТВА ПАДРЫХТАВАЛІСЯ ДА АДПУСТОВАЙ УРАЧЫСТАСЦІ
Кастрычнік 23rd, 2022 admin 
13 кастрычнiка, у Фацімскі дзень, у шчучынскай парафii св. Тэрэзы Авiльскай пачаліся 40-гадзінныя набажэнствы. Перад адпустовай урачыстасцю, якая адзначалася тут 15 кастрычніка, вернікі на працягу 40 гадзін маліліся Пану Езусу, прысутнаму ў выстаўленым Найсвяцейшым Сакрамэнце.
Набажэнствы праводзіў ксёндз канонiк Юрый Марцiновіч, прэс-сакратар Гродзенскай дыяцэзіі і пробашч гродзенскай парафii благаслаўлёнай Мар’яны Бярнацкай.
У першы дзень набажэнстваў святар расказваў пра важнасць хлеба ў жыццi чалавека, пра тое, што без хлеба чалавек будзе слабы і фiзiчна, таму што хлеб – гэта ежа, і духоўна, таму што праз звычайны хлеб мы ў святой Камуніі прымаем у свае сэрцы Пана Езуса.
14 кастрычнiка, другi дзень 40-гадзiнных набажэнстваў, супаў з Днём мацi. З гэтай нагоды на пачатку казання святар распавёў гiсторыю аднаго польскага пiсьменнiка, якi з-за розных жыццёвых абставiн не паспеў ажыццявiць мары сваёй матулi. Праз гэты аповед святар данёс да вернiкаў думку аб тым, што ў iмклiвым жыццёвым руху людзям нярэдка не хапае часу, каб удзялiць больш увагi сваiм родным, а калi iх ужо не стане, мы вiнавацiм сябе, што не маглi знайсцi для іх часу.
У ШЧУЧЫНЕ РАЗВІТАЛІСЯ СА СПАЧЫЛЫМ А. ВІКТАРАМ ЗАНЕЎСКІМ, ПІЯРАМ
Кастрычнік 13th, 2022 admin 
11 кастрычніка ў парафіяльным касцёле св. Тэрэзы Авільскай у Шчучыне адбылася пахавальная Імша ў інтэнцыі спачылага а. Віктара Занеўскага з Ордэна Пабожных Школ (піяраў).
Айцец Віктар быў першым з пасляваенных часоў піярам з Беларусі. Апошнія гады ён служыў у Польшчы, дзе і адышоў у вечнасць.
На Эўхарыстыі сабраліся шматлікія вернікі з піярскіх парафій Шчучына, Ліды і іншых месцаў. Прысутнічала шмат святароў і асобаў кансэкраванага жыцця. Таксама прысутнічалі маці спачылага Галіна і яго сястра Аліна.
Імшу ў інтэнцыі жыцця вечнага для спачылага ўзначаліў біскуп Гродзенскі Аляксандр Кашкевіч. На пачатку літургіі іерарх падкрэсліў, што смерць а. Віктара заўчасная, аб чым сведчыць узрост яго адыходу ў вечнасць – пахаванне адбылося напярэдадні яго 48-га дня нараджэння.
БІСКУП КАШКЕВІЧ УДЗЯЛІЎ САКРАМЭНТ КАНФІРМАЦЫІ Ў ЛІДСКАЙ ПАРАФІІ УНЕБАЎЗЯЦЦЯ НАЙСВЯЦЕЙШАЙ ПАННЫ МАРЫІ
Травень 18th, 2022 admin 
14 мая біскуп Гродзенскі Аляксандр Кашкевіч наведаў парафію Унебаўзяцця Найсвяцейшай Панны Марыі ў Лідзе (Індустрыяльны).
На Эўхарыстыі, якая цэлебравалася ў інтэнцыі ўсёй парафіяльнай супольнасці, іерарх удзяліў сакрамэнт хрысціянскай сталасці групе з 18 маладых людзей.
Пробашч парафіі а. Аляксандр Махнач SP ад імя кандыдатаў да канфірмацыі звярнуўся да біскупа з просьбай удзяліць ім сакрамэнт, беручы пад увагу іх жаданне яго прыняць і падрыхтоўку, якую яны прайшлі. Затым на словы іерарха кандыдаты супольна адказалі, якіх ласкаў чакаюць ад Бога ў канфірмацыі, і аднавілі абяцанні хросту.
Пасля спецыяльнай малітвы біскуп удзяліў сакрамэнт, здзейсніўшы гэта праз намашчэнне алеем хрызма, якім зрабіў знак крыжа на чале кожнага канфірмаванага, выражаючы пры гэтым адпаведную сакрамэнтальную формулу.
БІСКУП ГРОДЗЕНСКІ ЎДЗЯЛІЎ САКРАМЭНТ КАНФІРМАЦЫІ МОЛАДЗІ ШЧУЧЫНСКАЙ ПАРАФІІ
Травень 15th, 2022 admin
11 мая біскуп Гродзенскі Аляксандр Кашкевіч наведаў парафію св. Тэрэзы Авільскай у Шчучыне.
На святой Імшы іерарх удзяліў сакрамэнт хрысціянскай сталасці групе маладых людзей, якія былі адпаведна падрыхтаваны праз катэхетычныя заняткі, удзел у літургіі і прыступілі да сакрамэнту пакаяння і паяднання.
Сакрамэнт канфірмацыі прыняў у гэты дзень 31 парафіянін. Яны захацелі адкрыць свае сэрцы на дары Духа, якія становяцца практычнымі здольнасцямі, патрэбнымі для чалавека ў многіх штодзённых сітуацыях, а таксама з’яўляюцца “пастаяннымі схільнасцямі, якія дапамагаюць чалавеку ісці за натхненнямі Духа Святога” (KKK 1830).
На Эўхарыстыі біскуп асаблівым чынам маліўся за хлопцаў і дзяўчат, якія прымалі гэты сакрамэнт, каб дзякуючы сямі дарам Духа яны атрымалі магчымасць усталяваць асабістыя і глыбокія адносіны з Богам Айцом.
ВЫПУСКНІКІ СА ШЧУЧЫНСКАЙ ПАРАФІІ ЗДЗЕЙСНІЛІ ПІЛІГРЫМКУ Ў БУДСЛАЎ
Травень 15th, 2022 admin 
Кожны год выпускнікі са шчучынскай парафіі св. Тэрэзы Авільскай адпраўляюцца ў Нацыянальны санктуарый, каб памаліцца да Маці Божай Будслаўскай. Гэты год не стаў выключэннем, пілігрымка адбылася 2-3 мая.
Маладыя людзі наведалі спачатку Іўе – горад, які называюць другім Рыа-дэ-Жанейра. Там яны пабывалі ў мячэці, дзе набажэнствы праходзяць па пятніцах. Пры ўваходзе ў яе трэба абавязкова зняць абутак і пакрыць галаву, моляцца седзячы “па-турэцку”. Удзельнічаць у набажэнстве ў мячэці мае права толькі той, хто ўмее чытаць Каран па-арабску.
У цэнтры Іўя знаходзіцца манумент “Адзінства чатырох канфесій”. Шчучынскія выпускнікі пабывалі ў мясцовым касцёле, пабудаваным у XVII стагоддзі. Тут жа можна знайсці і кляштар бэрнардынаў, размешчаны на высокім узгорку. Фігура Езуса, усталяваная побач, бачная з любой кропкі горада.
У касцёле францішканаў у Гальшанах можна адзначыць маляўнічы роспіс алтарнай сцяны, якая імітуе паўкруглую каланаду, і пышную ляпніну. Вандроўнікаў уразіў таксама Гальшанскі замак, які пабудавалі знакамітыя Сапегі. Моладзь наведала і Крэўскі замак, пабудаваны ў стылі замка-кастэля ў ХІІІ стагоддзі і моцна разбураны падчас Першай сусветнай вайны. Цяпер вядуцца працы па яго аднаўленні. У гэтым замку ў 1385 годзе была заключана Крэўская унія, а праз два гады па загадзе Ягайлы была пабудавана каталіцкая святыня, якую шчучынскія падарожнікі таксама наведалі.
