Інтэграцыйны выезд піярскай моладзі

Піярская моладзь з Ліды і Шчучына здзейсніла інтэграцыйны выезд па Навагрудчыне. У рамках сустрэчы яе ўдзельнікі пабывалі ў манастыры сясцёр назарэтанак, дзе даведаліся пра гісторыю благаслаўлёных сясцёр мучаніц, а таксама зазірнулі ў адзін з самых старых храмаў Беларусі, які знаходзіцца ва Уселюбе.

Ці могуць католікі ўдзельнічаць у перапісе насельніцтва?

З 4 па 30 кастрычніка 2019 г. ў Беларусі будзе праводзіцца чарговы перапіс насельніцтва, у сувязі з чым многіх вернікаў цікавіць пытанне, як да гэтага ставіцца і ці можна ў ім удзельнічаць.

 

Чаму ўзнікаюць падобныя пытанні?

Рэч у тым, што ў Святым Пісанні, а менавіта ў Першай кнізе Кронікаў, апавядаецца пра перапіс насельніцтва, арганізаваны каралём Давідам, як пра цяжкі грэх, за які быў сурова пакараны цэлы народ (гл. 1 Кр 1, 21).

Спасылаючыся на гэты біблійны тэкст, некаторыя сцвярджаюць, што вернікам нельга ўдзельнічаць у перапісе насельніцтва.

Аднак у Новым Запавеце, а менавіта ў Евангеллі паводле святога Лукі, мы знаходзім звесткі пра тое, што Маці Езуса Марыя і Яе Абраннік святы Юзаф удзельнічалі ў перапісе насельніцтва, які рымскія ўлады праводзілі ў сваёй Сірыйскай правінцыі, да якой належала і тагачасная Палестына. Для ўдзелу ў перапісе Марыя з Юзафам скіраваліся з Назарэта, дзе жылі, у горад Бэтлеéм, адкуль паходзіў род караля Давіда, да якога належаў Юзаф. Менавіта пры такіх абставінах і адбылося Нараджэнне Хрыста (гл. Лк 2, 1–7).

 

Каб развеяць усе звязаныя з перапісам насельніцтва сумневы вернікаў:

Касцёл не мае нічога супраць удзелу католікаў у перапісе насельніцтва.

 

У гэтым пытанні людзі дабравольна вырашаюць самі, як ім паступіць. Удзел у перапісе насельніцтва ў любым выпадку не з’яўляецца грахом.

Міністранты са Шчучына наведалі Гродна

21 верасня адбыўся інтэграцыйны выезд літургічнай службы алтара са Шчучына ў Гродна. Адной з прычын наведвання сталіцы нашай вобласці было азнаямленне з грэка-каталіцкай культурай. Тэматыку гэтую наблізіў усім міністрантам айцец Андрэй, які служыць святаром у гродзенскай грэка-каталіцкай супольнасці.

Падчас забаўляльнай часткі праграмы хлопцы маглі праявіць сваю кемлівасць у стратэгічнай гульні лазертаг.

Расклад катэхезы Шчучын

Расклад катэхезы Лiда

У лідскай Фары адзначылі 25 гадоў святарскага служэння піяра, які працаваў у парафіі раней

1 верасня ў парафіі Узвышэння Святога Крыжа ў Лідзе (Фара) падчас святой Імшы вернікі разам з а. Эдвардам Крысцякам SP дзякавалі Богу за 25 гадоў яго святарскага служэння.

Айцец піяр Эдвард служыў у гэтай парафіі раней. Зараз ён з’яўляецца дырэктарам школы Ордэну піяраў у Кракаве (Польшча). Падчас Эўхарыстыі вернікі дзякавалі Пану за дар асобы а. Эдварда, якога Божы Провід паставіў на шляху іх жыцця.

У гаміліі а. Крысцяк прыгадаў, як ён працаваў у гэтай парафіі, як выхоўваў моладзь, праводзіў катэхэеу. Таксама гэтая ж моладзь дзякавала яму за добрую фармацыю і прыемны час, які праводзіла разам з ім.

Напрыканцы Імшы парафіяне лідскай Фары павіншавалі юбіляра, жадаючы багацця Божых ласкаў у далейшым служэнні Касцёлу.

Паводле grodnensis.by

У Чавусах перад пачаткам навучальнага года благаславілі дзяцей і настаўнікаў

25 жніўня ў парафіі Найсвяцейшай Панны Марыі Маці Касцёла ў Чавусах адбылася святая Імша перад пачаткам навучальнага года. Падчас яе а. Гжэгаж Ксёнжэк SP благаславіў дзяцей і настаўнікаў.

Напрыканцы Імшы вернікі парафіі мелі магчымасць ушанаваць рэліквіі св. Юзафа Каласанса. Таксама яны атрымалі ў дар ад а. Гжэгажа Ксёнжэка малітоўнік «Вяночак 12 зорак» з малітвай, якую склаў калісьці сам заснавальнік ордэна піяраў.

Паводле catholic.by

16 гадоў як адно імгненне: вернікі Шчучына падзякавалі за служэнне а. Вітальду Пяцельчыцу

25 жніўня вернікі парафіi Св. Тэрэзы ад Езуса (Авільскай) у Шчучыне падзякавалі за 16 гадоў служэння свайму пробашчу айцу піяру Вітальду Пяцельчыцу, які заканчвае працу ў парафіі.

На ўрачыстай Імшы сабраліся шматлікія парафіяне, у тым ліку дзеці і моладзь, якім пробашч прысвячаў шмат часу і сардэчнасці. Шмат добрых слоў было выказана ў гэты дзень вернікамі святару, які з вялікім запалам і самаадданасцю служыў мясцовым жыхарам.

Асаблівыя словы ўдзячнасці за прысвячэнне і любоў былі скіраваны ад наймалодшых парафіян – дзяцей, моладзі і міністрантаў. Найперш ім а. Вітальд Пяцельчыц удзяляў шмат увагі.

Святар распачынае зараз працу ў парафіі Унебаўзяцця Найсвяцейшай Панны Марыі ў Лідзе (Індустрыяльны).

Паводле grodnensis.by

Каталіцкая моладзь Шчучына далучылася да праслаўлення Бога на вуліцах свайго горада

Апошнія дні лета сталі добрай нагодай для маладых людзей сабрацца разам. Перш чым скіравацца на месцы вучобы, яны супольна праводзяць гэтыя апошнія хвіліны адпачынку, чаму часта спрыяе добрае надвор’е.

Каталіцкая моладзь Шчучына на ўзор сваіх аднагодкаў з горада над Нёманам у апошні час таксама выйшла на вуліцы, каб спевам і танцам праслаўляць Бога. Як адзначаюць самі маладыя людзі, гэта сведчанне дзялення верай, якую яны жадаюць усведамляць і дзяліцца ёю з іншымі.

“Канікулы з Богам” у Шчучыне вачыма моладзі з Мастоў

Моладзь парафіі ў Мастах сёлета па запрашэнні айцоў піяраў патрапіла на “канікулы з Богам” у Шчучын. Пра гэта распавялі самі ўдзельнікі.

Лета – гэта тая пара, калі чалавек можа прысвяціць больш свайго асабістага часу на праслаўленне Пана. Прыехаўшы ў Шчучын, мы сталі сведкамі таго, як Пан Бог яднае розных людзей — і маленькіх, і крыху старэйшых, і дарослых.

Thanx: Goutu