Ordo Clericorum Regularium Pauperum Matris Dei
Scholarum Piarum
Святы Юзаф Каласанс
(San Jose de Calasanz)
1557 – 25 жніўня 1648 — каталіцкі святар,
заснавальнік Ордэна Піяраў.
Верасень 13th, 2017 
admin 
11 верасня дапаможны біскуп Гродзенскай дыяцэзіі Юзаф Станеўскі наведаў з кананічнай візітацыяй піярскую парафію імя Унебаўзяцця НПМ у Лідзе (м-р Індустрыяльны).
На прыступках парафіяльнай святыні біскупа вітаў пробашч а. Андрэй Агель SP, вікарый а. Аляксандр Махнач SP і дэкан Лідскага дэканату кс. Андрэй Роўба CRL.
Пасля прывітання вернікамі пробашч парафіі а. Андрэй Агель SP пазнаёміў іерарха з гісторыяй парафіі.
Верасень 10th, 2017 admin Вторник
10.00 — 1 год к Св. Комунии
11.00 — 2 год к Св. Комунии (1)
12.00 — 6 — 7 кл. после Св. Комунии
14.00 — 2 год к Св. Комунии (1)
15.30 — 2 год к Св. Комунии (1)
19.15 – 8-9 кл.
Среда
11.00 — 2 год к Св. Комунии (2)
12.00 — 1 год к Св. Комунии
14.00 — 2 год к Св. Комунии (2)
15.30 — 2 год к Св. Комунии (2)
16.30 — 1 год к Св. Комунии
19.15 – 10-11 кл.
Четверг
15.30 — 2 год к Св. Комунии (1)
16.30 — 2 год к Св. Комунии (2)
17.30 — 6 - 7 кл после Св. Комунии
17.00 – кандидаты в министранты
19.00 – встреча для министрантов
Воскресенье
12.30 – 0-3 кл. (после св.Имши)
12.30 – хор для детей (после св. Имши)
Жнівень 29th, 2017 admin 
Асаблівы для ўсёй піярскай сям’і год не мог прайсці без спецыяльных мерапрыемстваў. Як вядома, паслядоўнікі святога Юзафа Каласанса займаюцца выхаваннем дзяцей і моладзі, а таксама маюць непасрэднае дачыненне да адукацыі. Таму было вырашана да 400-годдзя існавання ордэна піяраў і 250-годдзя з дня кананізацыі св. Юзафа Каласанса правесці першую інтэлектуальную гульню сярод моладзі са Шчучына і Ліды.
За 2 тыдні ўсе жадаючыя маглі падаць заяўку са складам сваёй каманды (6 чалавек) на ўдзел у віктарыне. І вось 27 жніўня а 18 гадзіне на тэрыторыі шчучынскай парафіі сабралась 5 каманд, кожная са сваёй назвай і вялікім інтузіазмам да гульні: са Шчучына — “Вітольдаўны”, “Парадокс”, “Дзеці з-за Тыбра”, каманда з Ліды “Лімонны Каласанс”, а таксама мяшаная каманда Ліда-Шчучын – “Мікс”. Тыя ж, хто не рызыкнуў паказаць свае веды і інтуіцыю з ахвотаю назіралі за гульнёй і падтрымлівалі ўдзельнікаў.
Жнівень 27th, 2017 admin 
25 жніўня ў парафіі Унебаўзяцця Найсвяцейшай Марыі Панны (Ліда – мікрараён Індустрыяльны) адбылася ўрачыстая кансэкрацыя касцёла св. Юзафа Каласанса. Кансэкрацыю святыні здзейсніў кс. біскуп Аляксандр Кашкевіч, ардынарый Гродзенскай дыяцэзіі, пры ўдзеле дапаможнага біскупа Гродзенскай дыяцэзіі Юзафа Станеўскага. Ва ўрачыстасці прынялі ўдзел шматлікія госці: генеральны консул Рэспублікі Польшча ў г. Гродна Яраслаў Ксёнжэк, правінцыял Польскай правінцыі ордэна піяраў а. Юзаф Матрас SP, айцы піяры з-за мяжы, субраты з Беларусі, дыяцэзіяльныя святары, прадстаўнікі мужчынскіх і жаночых манаскіх супольнасцяў.
Падчас казання кс. біскуп Аляксандр Кашкевіч прыгадаў, што кансэкрацыя азначае поўнае ахвяраванне святыні ва ўласнасць Бога, што праз памазанне хрызмам алтар і ўвесь касцёл атрымліваюць місію – весці людзей шляхам збаўлення. Таксама кс. біскуп адзначыў: «Для піярскай супольнасці ў Беларусі 2017 год з’ўляецца годам урачыстасцяў, бо да двух юбілеяў, якія святкуе ўвесь ордэн піяраў, – 400-годдзе існавання ордэна піяраў, 250-годдзе з дня кананізацыі св. Юзафа Каласанса – далучылася ўрачыстасць кансэкрацыі касцёла св. Юзафа Каласанса ў Лідзе».
Жнівень 22nd, 2017 admin 
Сёлета з 13 па 20 жніўня айцы-піяры з Ліды ( Індустрыяльны, парафія Унебаўзяцця Найсвяцейшай Панны Марыі ) правялі традыцыйныя “Канікулы з Богам”. У адпачынку прыняло ўдзел 300 дзяцей, як з піярскай, так і з іншых парафій ( некаторыя дзеці спецыяльна ў гэты час прыехалі з іншых гарадоў да сваіх бабуль і дзядуль, каб адпачыць у лагеры ) . Маленькія вернікі праводзілі час з песнямі, танцамі, гульнямі і ў той жа момант паглыблялі сваю веру, а дапамагалі ім у гэтым айцец-пробашч парафіі Андрэй Агель, айцец Аляксандр Махнач і 30 апекуноў-важатых!
Жнівень 8th, 2017 admin 
27 і 28 ліпеня сталі ўрачыстымі днямі для парафіі Унебаўзяцця НМП (Ліда-Індустрыяльны). У гэтыя дні вернікі сустракалі тут вялікую Госцю – Маці Божую Фацімскую. Да такой урачыстасці парафіяне рыхтаваліся загаддзя: праводзілі малітоўныя разважанні, а таксама прадумалі ўпрыгожванне святыні кветкамі. Нягледзячы на разгар працоўнага тыдня вечарам 27 ліпеня ля парафіяльнай святыні сабралася вялікая колькасць вернікаў на чале са сваім пробашчам кс. Андрэем Агелем, каб прывітаць фігуру Фацімскай Панны.
Са словамі малітвы да Нябеснай Заступніцы звярнуўся пробашч парафіі кс. Андрэй, сем’і, дзеці і моладзь парафіі. Цэнтральным момантам перэгрынацыі фігуры Маці Божай Фацімскай стала вечаровая св. Імша, якую цэлебравалі пробашч парафіі і кс. Павел Салабуда, які падчас гаміліі разважаў над аб’яўленнямі Божай Маці ў Фаціме і таямніцамі, якія Марыя адкрыла тром пастушкам. Кс. Павел звярнуў увагу на заклік Марыі да навяртання і малітвы на ружанцы.
Жнівень 8th, 2017 admin 
Колькі разоў мы запытваем у сябе, якое павінна быць маё жыццё, кім для мяне з’яўляецца Бог, ды ўвогуле, які я маю план на будучыню… Даць адказ на гэтыя пытанні вельмі цяжка, нават здаецца немагчыма, але Езус дапамагае нам. У Яго ўсё проста: мы павінны мець стратэгію, план. Гэтаму нас вучыць Святое Пісанне, гэтаму нас і вучылі падчас адпачынку.
На працягу тыдня (з 31.07. па 06.08.) мы імкнуліся жыць так, як рабіў гэта наш Настаўнік.
Кожны дзень распачынаўся Святой Імшой. На ёй мы разважалі над Евангеллем, гаварылі з Езусам і прымалі Яго ў нашае сэрца. Хвіліны цішыні падчас Літургіі былі хвілінамі размовы з Хрыстом, асабістай размовы, пра якую мы часткова забываем у паўсядзённасці. Яго словы напаўнялі нас міласэрнасцю… Як спяваем, «напоўні раніцаю нас сваёй міласэрнасцю, а мы будзем цешыцца і весяліцца ва ўсе дні нашыя» (Пс 90 (89): 14). Нешта падобнае адбывалася і з намі.
